3/18/2024
Today from Hiiraan Online:  _
Wararka Maanta- Talaado, Feb 19, 2013
Somaliland oo sheegtay in la qabtay Rag looga shakisan yahay inay ka tirsan yihiin kooxdii dishay Sheekh Gacmey

Talaado, Feberaayo 19, 2013 (HOL) — Guddoomiye ku xigeenka koowaad ee xisbiga talada haya ee KULMIYE, Maxamed Kaahin Axmed ayaa sheegay inay qabteen laba nin oo lagu xidhiidhinayo dilkii loo geystay Sheikh Cabdiqaadir Gacamay oo dhowaan lagu dilay magaaladda Garowe ee Puntland.

Guddoomiye ku xigeenka koowaad ee xisbiga Kulmiye  waxa uu sheegay in somalilnad tahay meesha ugu badan ee lagu qabto argagixisaddda falalka ka geysta Soomaaliya.

“In alaale iyo intii argagixiso wax fulisay Somaliland-baa ugu badan oo qabatay  hal dhacdo oo Somaliland ah may qabsan”ayuu yidhi gudoomiye ku xigeenka kowaad ee xisbiga KULMIYE Maxamed Kaahin oo sheegay in rag argagixiso ah oo Soomaaliya dambi ka soo galay ay inta badan qabtaan.

Maxamed Kaahin waxa kale oo uu sheegay in ay qabteen rag looga shakisan yahay inay ka dambeeyeen dilkii loo geystay wadaadkiii lagu dilay Garowe oo lagu qabtay magaaladda Laascaanood ee gobolka Sool.

“Argagixisadu wax fulisa intooda ugu badan waxa lagu qabtaa Somaliland, kuwii ugu dambeeyay ee Sheekha dilka ugu gaystay Garoowe habeen saddexaadkii ayaa lagu qabtay Laascaanood, arimahaasina baraarugsanaanta shacabku qayb weyn ayay ka qaadatay” ayuu shalay meel fagaare ah ka sheegay gudoomiyuhu qabashada labadaas nin.

Dhinaca kale, Taliye ku xigeenka qaybta Booliska ee gobolka Sool C/laahi Siciid Guuleed ayaa sheegay inay gacanta ku dhigeenn laba qof oo lala xidhiidhinayo inay ka dambeeyeen dilkii sheikh Cabdiqaadir Nuur Faarax ee Garoowe ka dhacay.

“Waxaanu qabanay laba nin oo Garoowe agteeda gaadhi ka soo kireystay, labada nin midkood waa kuwii falka gaystay, midna gacan ayuu siinayey”ayuu yidhi taliye ku xigeenka qaybta booliska ee gobolka Sool C/llaahi Siciid oo ka hadlayey labadan ee ay qabteen.


Taliyuhu waxa uu sheegay in labadan nin baadhitaan ku socdo, marka hawshaasi dhamaatana maxkamada la hor keeni doono, isago intaas ku daray in ciidanka gobolka heegan buuxda la galiyey.

Si kastaba ha ahaatee, ciidanka amniga ayaa heegan buuxda la galiyey, iyadoo habeenkii aad loo baadho gaadiidka, halka gaadiidka magaaladda soo galayana si feejin loo baadho.

Barkhad-Ladiif  M. Cumar, Hiiraan Online 
[email protected] 
Hargeysa, Somaliland













Click here
2/19/2013 1:37 PM EST
Talaado, Feberaayo 19, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) oo ku sugan dalka Itoobiya ayaa la kulmay maanta ardayda wax-ka-barta jaamacadda Addis Ababa, isagoo uga jawaabay su’aalo ay weydiiyeen.

2/19/2013 1:04 PM EST
Talaado, Feberaayo 19, 2013 (HOL) — Wafdi uu horkacayo ergeyga gaarka ah ee Midowga Yurub u qaabilsan arimaha Soomaaliya Michele Cervone oo maanta soo gaarey magaalada Garoowe ayaa la kulmay madaxda sare ee dowladda Puntland.

2/19/2013 8:28 AM EST
Talaado, Feberaayo 19, 2013 (HOL) — Wasaarada waxbarashada iyo adeegga bulshada ee xukuumadda Soomaaliya ayaa maanta soo bandhigtay qorshe waxbarasho ee sanadka 2013, kaasoo loogu talo-gashay inay ka faa’iideystaan ardayda Soomaliyeed ee aan heysan fursadaha waxbarasho kaddib markii ay saameyn ku yeesheen duruufaha adag ee dalka ka jiray 22-kii sano ee lasoo dhaafay.

2/19/2013 7:22 AM EST
Talaado, Feberaayo 19, 2013 (HOL) — Saddex askari oo ka tirsan ciidamada dowladda Soomaaliya ayaa ku dhintay qarax maanta baqadii ka dhacay suuqa weyn ee Bakaaraha, gaar ahaan qaybta qudaarta.

2/19/2013 7:07 AM EST
Talaado, Feberaayo 19, 2013 (HOL) — Ugu yaraan toddoba qof ayaa ku dhintay sideed kalena way ku dhaawacmeen shil gaari oo xalay gellinkii dambe ka dhacay deegaanka Cadaan-laxeey oo ka tirsan gobolka Shabeellada dhexe.

2/19/2013 6:24 AM EST
Talaado, Feberaayo 19, 2013 (HOL) — Tan waa qeyb ka mid ah qorshaha ciidamada Jabuuti ee ka howlgalka midowgga Africa AMISOM ay ku hormarinayaa adeegyada kala duwan ee aas-aasiga u ah nolasha iyo sidii sare loogu qaadi lahaa aqoonta iyo wacyiga bulshada iyada loo sii marayo dhinaca waxbarashada.

2/19/2013 6:15 AM EST
Talaado, Feberaayo 19, 2013 (HOL) — Sida caadadda ah shaqo maalmeedka dadweynaha kala duwan ee magaaladda Hargeysa waxay bilaabantaa afarta subaxnimo ka hor saaladda subax ee aroortii, waxaanay wakhtigaasi rasmiyan u bilaaba adeegsiga gaadiidka dadweynaha ee loo yaqaan Basaska, waxaana wakhtigaa u badan oo raaca haweenka ka ganacsada khudaarta, hilibka iyo maqaayadaha, waxa kale oo iyana adeegsada baabuurtaasi raga farsamo yaqaaniinta ah ee guryaha dhisa oo iyagana aroorta hore kalaha.

2/19/2013 6:11 AM EST
Talaado, Feberaayo 19, 2013 (HOL) — Madaxweynaha Soomaaliya ayaa kulan qaatay muddo 45-daqiiqo ah wuxuu garoonka diyaaradaha ee Muqdisho kula yeeshay xildhibaanka, Keith Ellison oo ah mudanaha keliya ee muslimka ah ee ku jira golaha senate-ka Mareykanka, lagana soo doorto gobolka Minnesota oo ay daggan yihiin Soomaalida ugu badan ee ku nool Mareykanka.

2/19/2013 2:12 AM EST
Talaado, Feberaayo 19, 2013 (HOL) — Ciidamada maamulka KMG ee Kismaayo ayaa howlgallo ballaaran oo ay xalay ka sameeyeen qaar ka tirsan xaafadaha magaalada kusoo qab-qabtay rag hubeysan oo la sheegay in ay ka tirsanyihiin xarakada Al-shabaab.

2/19/2013 1:00 AM EST
Talaado, Feberaayo 19, 2013 (HOL) — Ciidamada dowladda Soomaaliya iyo kuwa AMISOM oo iskaashanaya ayaa shalay gellinkii dambe la wareegay deegaanno dhinaca waqooyi kaga beegan degmada Jowhar ee xarunta gobolka Shabeellada dhexe oo uu ku jiro garoonka diyaaradaha.

2/19/2013 12:58 AM EST
Talaado, Feberaayo 19, 2013 (HOL) — Kulan looga hadlayay horumarka iyo xeerka suxufiyiinta Soomaaliyeed ayaa waxaa lagu qabtay magaalada Muqdisho ee xarunta Soomaaliya, kaasoo ay kasoo qayb-galeen ku dhawaad konton saxafi oo ka kala howl-gala warbaahinta dalka, gaar ahaan kuwa gobolka Banaadir sida Idaacadaha,TV-yada iyo Websiteyada.