3/19/2024
Today from Hiiraan Online:  _
Wararka Maanta- Khamiis, Aug 15, 2013
Danjiraha Soomaaliya u fadhiya dalka Yemen oo beeniyey in muddo kooban xabsiga la dhigay


Danjiraha dowladda Soomaaliya u fadhiya dalka Yemen Gen. Ismaaciil Qaasim Naaji

Khamiis, Agoosto 15, 2013 (HOL) - 12-kii bishan August ayaa warbaahin ay ka mid tahay Hiiraan Online waxay faafiyeen warar aan aad loo xaqiijin oo sheegayay in muddo kooban xabsiga la dhigay danjiraha Soomaaliya u fadhiya dalka Yemen, Gen. Ismaaciil Qaasim Naaji oo xilligaasi booqanayay xeryaha qaxootiga Soomaaliyeed ee ku yaalla Koonfurta dalka Yemen.

Safiirka oo maanta shir-jaraa’id oo uu arrinkaasi kaga hadlayay ku qabtay xarunta safaaradda Soomaaliya ee magaalada Sanca ayaa sheegay in warkaasi uu ahaa mid ay faafintiisa ka dambeeyeen dad dano gaara leh isla markaana aan jecleyn horumarka safaaradda Soomaaliya ee Yemen iyo guud ahaan dowladda federaalka Soomaaliya.

“Waan la xisaabtami doonnaa warbaahintii been abuuratay warkaasi, waxaanan wasaaradda warfaafinta Soomaaliya u qoreynaa dacwad aan ku codsaneyno in wabaahintii warkaasi faafisay ay sal u yeelaan, ama ay cudur-daar rasmi ah ka bixiyaan” ayuu yiri safiirku.

Safiirka oo ay socdaalkiisa ku wehliyeen wariyayaal iyo fanaaniin ayaa sheegay in safarkiisa uu si nabad-gelyo ah kusoo dhamaaday, waxaanu sheegay in dadkii warkaasi baahiyay ay yihiin kuwo ay aqoontoodu aad u hooseyso maadaama aanay garankarin waxa uu yahay safiir iyo xasaanadda uu heystaba.

“Adduunka ma jirto cid safiir xiri karta xataa safiirku hadduu qof nool dilo lama xiri karo ee waxaa kaliya ee xaq loogu leeyahay waa in la yiraahdo waddanka nooga bax,” sidaasina waxaa yiri safiirka Soomaaliya u jooga Yemen Gen. Ismaaciil Qaasim Naaji.

Ambassador Naaji oo hadalkiisa sii wata ayaa yiri “waxaan ka rabnaa warbaahintii ugu horreysay ee warkaasi faafisay inay caddeyn noo keenaan ama ay u diyaar garoobaan inaanu maxkamad la tiigsanno, wasaaradda arrimaha gudaha Yemen oo ciidamada ammaanka ee la sheegay in ay na xireen hoos tagaanna waxay nasoo gaarsiisay in warbaahintii warkaa abuurtay ama faafisay ay iyaga laf ahaantoodu dacwad ku oogi doonaan maadaama saraakiisheeda laga been abuurtay”

Gen. Ismaaciil Qaasim Naaji waxa uu shirkiisa jaraa’id ku sheegay in ay jiraan dhinacyo ay tuhunsan yihiin in ay warkaasi suuq-gelintiisa ka dambeeyeen, marka waqtiga ay ku haboon tahay lagaarana ay magacyadooda iyo waxa ay yihiin sheegi doonaan.

FG: Website-ka Hiiraan Online oo looga bartay baahinta wararka xaqiiqada ah waxa uu cudur-daar buuxa ka bixinayaa warkaasi oo barta lagu daabacay 12-08-13, waxaanu Safaaradda iyo aqristayaashaba ka raalli gelinayaa arrintaasi oo si qalad ah ku dhacday isagoo u ballan qaadaya in arrintan oo kale aanay soo noqnoqon doonin.

Jacfar Kukay, Hiiraan Online
Sana'a Yemen
[email protected]













Click here
8/15/2013 4:02 PM EST
Khamiis, August 15, 2013 (HOL) — Bahda caafimaadka ee gobolka Togdheer ayaa ka hadlay go’aankii ka soo yeedhay hay’adda Dhakhaatiirta aduunka ee MSF oosheegtay inay gabi ahaanba joojisay shaqadii Caafimaad ee ay ka haysay Somaliland iyo Soomaaliya.

8/15/2013 12:47 PM EST
Khamiis, August 15, 2013 (HOL) — Golaha wasiirrada xukuumadda Somalia ayaa maanta isugu yimid kulankoodii joogtada ahaa, kaas oo looga dooday qodobbo dhowr ah oo ay ka mid ahaayeen go’aankii hay’adda MSF ay ku joojisay howlihii ay ka haysay Soomaaliya iyo eedeynta la xariirta fal kufsi ah oo gabar Soomaaliyeed ay sheegtay in loogu geystay xerada Maslax ee duleedka Muqdisho.

8/15/2013 10:41 AM EST
Khamiis, August 15, 2013 (HOL) — Dowladda KMG ah ee dalka Masar ayaa sheegtay maanta inay ku dhinteen rabshadihii ka dhacay Masar 500 qof oo u badan dad rayid ah, ayna ku dhaawacmeen in ka badan 35,00 oo kale.

8/15/2013 8:41 AM EST
Khamiis, August 15, 2013 (HOL) — Dowladda Soomaaliya iyo taliska guud ee ciidamada AMISOM ayaa ka hadlay haweeney Soomaaliyeed oo la sheegay inay tiro ka tirsan ciidammo AMISOM ee ka howlgala Soomaaliya kufsi ugu geysteen deegaanka Xalane ee magaalada Muqdisho.

8/15/2013 8:23 AM EST
Khamiis, August 15, 2013 (HOL) — Sarkaal ka tirsan haya’dda isku duba-ridka gargaarka bani’aadamimo ee Soomaaliya u qaabilsan Qaramada Midoobay ayaa ka digay in la xiro xawaaladaha ay Soomaalida Britian ku nool lacagaha ugu diraan ehelladooda ku sugan Soomaaliya.

8/15/2013 8:07 AM EST
Khamiis, August 15, 2013 (HOL) — Maxkamadda gobolka Mudug ee hoos-tagta maamulka Galmudug ayaa maanta xukunno isugu jira xabsi iyo ganaax lacageed dul dhigtay shan eedeysane oo muddo ku xirnaa xabsiga maamulkaas uu ku leeyahay Gaalkacyo.

8/15/2013 7:59 AM EST
Khamiis, August 15, 2013 (HOL) — Danjiraha cusub ee Mareykanka ay u soo magacowday Soomaaliya, James P. McAnulty ayaa si rasmi ah howshiisa uga billaabay magaalada Muqdisho, isagoo sheegay inuu Soomaaliya ka caawin doono dhinaca ammanka iyo arrimaha bulshada.

8/15/2013 7:22 AM EST
Khamiis, August 15, 2013 (HOL) — Deeqdan oo isugu jirtey Matooro, haamaha cayayaanka looga buufiyo beeraha, tuubooyin, gaariyoollo iyo qalabka kale ee beeraha looga shaqeeyo, waxaa loo qaybiyey 67-qof oo kamid ah beeraleyda magaalada Boosaaso.

8/15/2013 7:20 AM EST
Khamiis, August 15, 2013 (HOL) — Maayarka Caasimada Hargeysa Cabdiraxmaan Maxamuud Caydiid (Cabdiraxmaan SOLTECO) ayaa xadhiga ka jaray Jidad iyo Sariibad cusub oo dib loo dhisay.

8/15/2013 5:27 AM EST
Khamiis, August 15, 2013 (HOL) — Saddex qof oo uu ku jiro ganacsade lagu magacaabo Xuseen Goley ayaa ku dhaawacmay qarax lagu xiray gaari uu lahaa ganacsadan oo ka dhacay maanta barqadii afaafka hore ee xarunta ugu weyn ee shirkadda Dahabshiil ay ku leedahay suuqa Bakaaraha ee magaalada Muqdisho.

8/15/2013 2:58 AM EST
Khamiis, August 15, 2013 (HOL) — Xoogagga Al-shabaab ayaa saakay la wareegay isbitaalka weyn ee deegaanka Mareerey ee gobolka Jaubbada dhexe oo ay gacanta ku haysay hay’adda MSF, iyagoo shaqaalihii ku sugnaa isbitaalka ku amray inay isaga tagaan.

8/15/2013 2:52 AM EST
Khamiis, August 15, 2013 (HOL) — Guddoomiyaha dowladda Soomaaliya ee gobolka Bakool, Maxamed Macalin ayaa sheegay in dagaallo shalay dhacay ay kula wareegeen deegaanno ku dhow degmada Xudur ee gobolka Bakool, uuna qorshahoodu yahay inay la wareegaan degmada Xudur.

8/15/2013 2:51 AM EST
Khamiis, August 15, 2013 (HOL) — Maamul Puntland oo toddobaad ka hor ku dhawaaqay inuu xiriirka u jaray dowladda Soomaaliya ayaa ka hadlay go’aankii ay shalay ku joojisay howlihii caafimaad ee MSF ay ka haysay dalka Soomaaliya.