3/29/2024
Today from Hiiraan Online:  _
Wararka Maanta- Khamiis, Aug 15, 2013
Maxkamadda Gobolka Mudug ee Maamulka GALMUDUG oo ganaax iyo xabsi lacageed ku ridday Eedeysanayaal muddo xirnaa

Khamiis, August 15, 2013 (HOL) — Maxkamadda gobolka Mudug ee hoos-tagta maamulka Galmudug ayaa maanta xukunno isugu jira xabsi iyo ganaax lacageed dul dhigtay shan eedeysane oo muddo ku xirnaa xabsiga maamulkaas uu ku leeyahay Gaalkacyo.

Shantan eedeysane ayaa lagu eedeeyay is-hortaag howlo Qaranka, iyadoo afar ka mid ah eedeysanayaashan lagu xukumay min 18-bilood oo xabsi ah iyo ganax lacageed oo gaaraya min 600 oo doollarka Mareykanka ah, halka ruuxa kalena lagu xukumay laba sano oo xabsi ah iyo ganaax lacageed oo dhan 800 oo doollarka Mareykanka ah.

Guddoomiyaha maxkamadda sare ee Galmudug, Col. Maxamuud Cilmi Gulaafe ayaa sheegay in eedeysanayaashan kiiskood muddo baaritaan lagu hayay, balse maanta xukunno lagu riday.

“Eedeysanayaasha shanta ah: oo magacyadoodu kala yihiin: Maxamuud Carab Awle oo 73-jir ah, waxaa lagu xukumay laba sano oo xarig ah 800 doollar oo ganaax ah. Afarta kale oo iyaguna kala ah: C/qaadir Maxamuud Aadan oo 40-jir ah, Maxamed Bootaan Cigaale oo 25-jir ah, Shaafi Macallin Khaliif oo 23-jir ah iyo Xasan Maxamuud Carab oo 22-jir ah waxaa midkiiba lagu xukumay 18-bilood oo xabsi ah iyo ganaax dhan 600 oo doollar,” ayuu yiri Col. Gulaafe oo la hadlayay warbaahinta xukunka kaddib.

Shantan eedeysane ayaa waxaa maxkamadda ka waday ciidammo ka tirsan kuwa maamulka Galmudug oo dib ugu celiyay xabsigii ay ku jireen, iyadoo uu sheegay guddoomiyaha maxkamadda inay jiraan eedeysanayaal kale oo iyaguna xukun sugayaal ah.

Maamul goboleedka Galmudug ayaa wuxuu ka mid yahay maamullada ka jira bartamaha Soomaailya oo taabacsan dowladda Soomaaliya, waxaana xukunkan uu kusoo beegmayaa xilli maamulkaas uu u dabaal-dagay shalay oo 14-kii bishan Ogoosto ahayd sannadguuradii toddobaad ee kasoo wareegtay markii la aasaasay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/15/2013 4:02 PM EST
Khamiis, August 15, 2013 (HOL) — Bahda caafimaadka ee gobolka Togdheer ayaa ka hadlay go’aankii ka soo yeedhay hay’adda Dhakhaatiirta aduunka ee MSF oosheegtay inay gabi ahaanba joojisay shaqadii Caafimaad ee ay ka haysay Somaliland iyo Soomaaliya.

8/15/2013 1:02 PM EST
Khamiis, Agoosto 15, 2013 (HOL) - 12kii bishan August ayaa warbaahin ay kamid tahay web-ka Hiiraan Online waxa ay faafiyeen warar aan aad loo xaqiijin oo sheegayay in muddo kooban xabsiga la dhigay Safiirka Soomaaliya u fadhiya dalka yemen Gen. Ismaaciil Qaasim Naaji oo xilligaasi booqanayay xeryaha qaxootiga Soomaaliyeed ee ku yaalla koofurta dalka Yemen.

8/15/2013 12:47 PM EST
Khamiis, August 15, 2013 (HOL) — Golaha wasiirrada xukuumadda Somalia ayaa maanta isugu yimid kulankoodii joogtada ahaa, kaas oo looga dooday qodobbo dhowr ah oo ay ka mid ahaayeen go’aankii hay’adda MSF ay ku joojisay howlihii ay ka haysay Soomaaliya iyo eedeynta la xariirta fal kufsi ah oo gabar Soomaaliyeed ay sheegtay in loogu geystay xerada Maslax ee duleedka Muqdisho.

8/15/2013 10:41 AM EST
Khamiis, August 15, 2013 (HOL) — Dowladda KMG ah ee dalka Masar ayaa sheegtay maanta inay ku dhinteen rabshadihii ka dhacay Masar 500 qof oo u badan dad rayid ah, ayna ku dhaawacmeen in ka badan 35,00 oo kale.

8/15/2013 8:41 AM EST
Khamiis, August 15, 2013 (HOL) — Dowladda Soomaaliya iyo taliska guud ee ciidamada AMISOM ayaa ka hadlay haweeney Soomaaliyeed oo la sheegay inay tiro ka tirsan ciidammo AMISOM ee ka howlgala Soomaaliya kufsi ugu geysteen deegaanka Xalane ee magaalada Muqdisho.

8/15/2013 8:23 AM EST
Khamiis, August 15, 2013 (HOL) — Sarkaal ka tirsan haya’dda isku duba-ridka gargaarka bani’aadamimo ee Soomaaliya u qaabilsan Qaramada Midoobay ayaa ka digay in la xiro xawaaladaha ay Soomaalida Britian ku nool lacagaha ugu diraan ehelladooda ku sugan Soomaaliya.

8/15/2013 7:59 AM EST
Khamiis, August 15, 2013 (HOL) — Danjiraha cusub ee Mareykanka ay u soo magacowday Soomaaliya, James P. McAnulty ayaa si rasmi ah howshiisa uga billaabay magaalada Muqdisho, isagoo sheegay inuu Soomaaliya ka caawin doono dhinaca ammanka iyo arrimaha bulshada.

8/15/2013 7:22 AM EST
Khamiis, August 15, 2013 (HOL) — Deeqdan oo isugu jirtey Matooro, haamaha cayayaanka looga buufiyo beeraha, tuubooyin, gaariyoollo iyo qalabka kale ee beeraha looga shaqeeyo, waxaa loo qaybiyey 67-qof oo kamid ah beeraleyda magaalada Boosaaso.

8/15/2013 7:20 AM EST
Khamiis, August 15, 2013 (HOL) — Maayarka Caasimada Hargeysa Cabdiraxmaan Maxamuud Caydiid (Cabdiraxmaan SOLTECO) ayaa xadhiga ka jaray Jidad iyo Sariibad cusub oo dib loo dhisay.

8/15/2013 5:27 AM EST
Khamiis, August 15, 2013 (HOL) — Saddex qof oo uu ku jiro ganacsade lagu magacaabo Xuseen Goley ayaa ku dhaawacmay qarax lagu xiray gaari uu lahaa ganacsadan oo ka dhacay maanta barqadii afaafka hore ee xarunta ugu weyn ee shirkadda Dahabshiil ay ku leedahay suuqa Bakaaraha ee magaalada Muqdisho.

8/15/2013 2:58 AM EST
Khamiis, August 15, 2013 (HOL) — Xoogagga Al-shabaab ayaa saakay la wareegay isbitaalka weyn ee deegaanka Mareerey ee gobolka Jaubbada dhexe oo ay gacanta ku haysay hay’adda MSF, iyagoo shaqaalihii ku sugnaa isbitaalka ku amray inay isaga tagaan.

8/15/2013 2:52 AM EST
Khamiis, August 15, 2013 (HOL) — Guddoomiyaha dowladda Soomaaliya ee gobolka Bakool, Maxamed Macalin ayaa sheegay in dagaallo shalay dhacay ay kula wareegeen deegaanno ku dhow degmada Xudur ee gobolka Bakool, uuna qorshahoodu yahay inay la wareegaan degmada Xudur.

8/15/2013 2:51 AM EST
Khamiis, August 15, 2013 (HOL) — Maamul Puntland oo toddobaad ka hor ku dhawaaqay inuu xiriirka u jaray dowladda Soomaaliya ayaa ka hadlay go’aankii ay shalay ku joojisay howlihii caafimaad ee MSF ay ka haysay dalka Soomaaliya.