3/19/2024
Today from Hiiraan Online:  _
Wararka Maanta- Khamiis, Aug 15, 2013
Duqa Magaalada Hargeysa ee Xarunta Somaliland oo xadhiga ka jaray Jidad iyo sariibad cusub oo la dhisay (SAWIRRO)


Khamiis, August 15, 2013 (HOL) — Maayarka Caasimada Hargeysa Cabdiraxmaan Maxamuud Caydiid (Cabdiraxmaan SOLTECO) ayaa xadhiga ka jaray Jidad iyo Sariibad cusub oo dib loo dhisay.

Munaasibadii loo sameeyey xadhig ka jarida sariibadan waxa ka soo qeybgalay Maayarka Caasimada Hargeysa Cabdiraxmaan Maxamuud Caydiid (Cabdiraxmaan SOLTECO), Xoghayaha Fulinta dawlada Hoose Mawliid Weris Cabdilaahi, Agaasimaha guud ee Wasaarada Arrimaha gudaha Cabdisamad Cumar Maal,Agaasimaha horumarinta dawladaha hoose iyo degmooyinka Maxamed Cali, saraakiil ka kala socotey hay’adaha ILO iyo UN-HABITAT, Xildhibaano, iyo marti sharaf kale.

“Farxad-weyn ayey noo tahay inaan maanta la wareegno dhismaha sariibada Maxamuud-Heybe,waayo waxay masuuliyad gooni ahi nagga saaran tahay danyartu halka ay ku ganacsanayaan,  Markaa halkan wanaagsan oo kale qof waliba waxa uu ku hamiyayaa inuu wax ka iibsado, inaanu hooyadii fadhiday cad-ceeda ka kicino oo aan hadhkan fadhiisino waxaan leenahay waa wax ILAAHAY loogu mahad-naqaa”ayuu yidhi Maayarka magaaladda Hargeysa oo ka hadlayey sariibadaasi cusub ee loo sameeyey xaafadda Qudhac dheer ee magaaladda Hargeysa.

Cabdiraxmaan-SOLTECO mar uu ka hadlayey qaadka Sariibada iyo waxa looga baahan yahay dadka isticmaali doona, waxa uu yidhi“Sariibadan qurdhac-dheer waxay qaadaysa oo fadhiisanaya  200-qof,  48-miis oo si wanaagsan looga shaqeeyey ayaa hilibka la saarayaa, kana ilaaliya wixii wasakhaynaya, inta kale-na waxay noqonaysa caanihii, khudradii, iyo waxyaalihii kale ee adeeg ahaan loo baahnaa, iyaguna waxa ku jira musqulihii waxaana loo baahan-yahay in si haboon loo isticmaalo oo ha la ilaaliyo nadaafadooda oo xil ha la iska saaro”.

Maayar Cabdiraxmaan SOLTECO waxa uu u mahad-celiyey hay’adihii mashruucan GPLG-ga fuliyey ee dhaqaalaha bixiyey 83%-ka dhismaha sariibada qudhac-dheer. “Dawlad Hoose ahaan waxaan halkan idiinka sheegayaa mashaariicda aanu bixinayno waanu xayeysiinaynaa, sida biriijka Xaafada State-house-ka oo kale”.Ayuu yidhi 

Dhinaca kale, Maayerka Caasimadda Hargeysa Cabdiraxmaan Maxamuud Caydiid (Cabdiraxmaan SOLTECO), ayaa xadhigga ka jaray laba Jid oo laga hirgeliyey magaalada, laba kale oo midkood cusubtay dhagax-dhigay, kuwaasoo ay iska kaashadeen dadweynaha Xaafadaha waddooyinka laga sameeyey iyo dawladda hoose ee Caasimaddu.

Duqa Caasimadda oo ay weheliyaan Agaasimaha guud ee Wasaaradda arrimaha gudaha Somaliland, Xildhibaanno, Xoghayaha Fulinta dawladda hoose, Ijinneerrada dawladda Hoose iyo Saraakiil ka socday Haya’daha ay wada-shaqaynta leeyihiin dawladda hoose, ayaa xadhigga ka jaray laba Jid oo laga hirgeliyey Degmada Maxamuud Haybe ee magaalada Hargeysa, isla markaana dhagax-dhigay laba Kilometer oo dhinaca Bari loogu kordhinayo Jidka Wadnaha ee badhtamaha magaalada mara oo laga bilaabayo Isgowska xarunta Suuqa ee Shirkadda Telesom horteeda iyo weliba waddo cusub oo laga bilaabayo Istaanka Jabuuti ee Waqooyiga magaalada Hargeysa.

Ugu horreyn waxa ay Maayer SOLTECO iyo Masuuliyiinta la socday xadhigga ka jareen Waddo dhererkeedu yahay 800 Mitir oo dherer ah iyo toddoba mitir oo ballaadh ah, taasoo laga hirgeliyey Degmada Maxamuud Haybe, taasoo Laamayda garoonka diyaaradaha tagta ee Xaafadda Masallaha ka bilaabanta illaa siddeed boqol oo Mitir-na u soconaysa dhinaca Bariga, isla markaana ay dhismeheeda iska kaashadeen dawladda hoose ee Hargeysa iyo Dadweynaha Xaafaddaas.

“Waxaanu maalmahan furaynay waddooyinkii iyo mashaariicdii ay dawladda hoose fulisay ee wax-qabadka saddexdii bilood ee ugu dambeeyey oo ay ka mid tahay waddadan oo dhererkeedu yahay Siddeed boqol oo Mitir oo aynu maanta halkan ku furayno iyo mashaariic kale oo innoo hadhsan, annaga oo mashaariicda wax-qabadka saddex biloodka dambana aannu bilaabayno.” Sidaa ayuu yidhi Maayerka magaalada Hargeysa Cabdiraxmaan Maxamuud Caydiid.

Sidoo kale, Jid laamay ah oo ay ku baxday lacag lagu sheegay Boqol iyo Toddoba Kun (10,7000) oo Doollarka Maraykanka ah, oo ka bilaabma Saldhigga Booliska New Hargeysa, loona yaqaanno Jidka Beerta Sayidka, ayey Masuuliyiintu xadhigga ka jareen.

Maayerka Caasimadda iyo xubnaha la socday waxay dhagax-dhigeen laba Kiiloomitir oo qaab casri ah loo samaynayo oo dhinaca Bari loogu kordhinayo Jidka Wadnaha ee Badhtamaha magaalada Hargeysa mara, iyaga oo sheegay in labadaa Kiiloo-mitir laga bilaabayo Xarunta iibka ee badhtamaha Suuqa ay ku leedahay Shirkadda Isgaadhsiinta Telesom, halkaas oo ay ku taagnayd Laamayda casriga ah ee la hirgeliyey bishii May ee sannadkan oo laga hor-bilaabay Wasaaradda Maaliyadda ee Xaafadda Shacabka.

Waxa kale oo ay Masuuliyiintu dhagax-dhigeen Jid Laamay ah oo ay sheegeen inuu maanta si rasmi ah uga bilaabmi doono Istaanka Jabuuti, taasoo ay sheegeen inay noqon doonto jidkii ugu horreeyey ee Laamay ah ee ka tallaaba halka loo yaqaanno boqol iyo kontonka.

Illaa shantan waddo iyo mashaariic kale ee ay xadhiga ka jareen ayaa noqonaya saddexdii bilood ee u dambeeyey waxqabadkoodii, waxaanay sheegay inay mashaariiic kale oo xaga qurxinta bilicdana ay bilaabi doonaan.

Barkhad-Ladiif  M. Cumar, Hiiraan Online 
[email protected]  
Hargeysa, Somaliland













Click here
8/15/2013 4:02 PM EST
Khamiis, August 15, 2013 (HOL) — Bahda caafimaadka ee gobolka Togdheer ayaa ka hadlay go’aankii ka soo yeedhay hay’adda Dhakhaatiirta aduunka ee MSF oosheegtay inay gabi ahaanba joojisay shaqadii Caafimaad ee ay ka haysay Somaliland iyo Soomaaliya.

8/15/2013 1:02 PM EST
Khamiis, Agoosto 15, 2013 (HOL) - 12kii bishan August ayaa warbaahin ay kamid tahay web-ka Hiiraan Online waxa ay faafiyeen warar aan aad loo xaqiijin oo sheegayay in muddo kooban xabsiga la dhigay Safiirka Soomaaliya u fadhiya dalka yemen Gen. Ismaaciil Qaasim Naaji oo xilligaasi booqanayay xeryaha qaxootiga Soomaaliyeed ee ku yaalla koofurta dalka Yemen.

8/15/2013 12:47 PM EST
Khamiis, August 15, 2013 (HOL) — Golaha wasiirrada xukuumadda Somalia ayaa maanta isugu yimid kulankoodii joogtada ahaa, kaas oo looga dooday qodobbo dhowr ah oo ay ka mid ahaayeen go’aankii hay’adda MSF ay ku joojisay howlihii ay ka haysay Soomaaliya iyo eedeynta la xariirta fal kufsi ah oo gabar Soomaaliyeed ay sheegtay in loogu geystay xerada Maslax ee duleedka Muqdisho.

8/15/2013 10:41 AM EST
Khamiis, August 15, 2013 (HOL) — Dowladda KMG ah ee dalka Masar ayaa sheegtay maanta inay ku dhinteen rabshadihii ka dhacay Masar 500 qof oo u badan dad rayid ah, ayna ku dhaawacmeen in ka badan 35,00 oo kale.

8/15/2013 8:41 AM EST
Khamiis, August 15, 2013 (HOL) — Dowladda Soomaaliya iyo taliska guud ee ciidamada AMISOM ayaa ka hadlay haweeney Soomaaliyeed oo la sheegay inay tiro ka tirsan ciidammo AMISOM ee ka howlgala Soomaaliya kufsi ugu geysteen deegaanka Xalane ee magaalada Muqdisho.

8/15/2013 8:23 AM EST
Khamiis, August 15, 2013 (HOL) — Sarkaal ka tirsan haya’dda isku duba-ridka gargaarka bani’aadamimo ee Soomaaliya u qaabilsan Qaramada Midoobay ayaa ka digay in la xiro xawaaladaha ay Soomaalida Britian ku nool lacagaha ugu diraan ehelladooda ku sugan Soomaaliya.

8/15/2013 8:07 AM EST
Khamiis, August 15, 2013 (HOL) — Maxkamadda gobolka Mudug ee hoos-tagta maamulka Galmudug ayaa maanta xukunno isugu jira xabsi iyo ganaax lacageed dul dhigtay shan eedeysane oo muddo ku xirnaa xabsiga maamulkaas uu ku leeyahay Gaalkacyo.

8/15/2013 7:59 AM EST
Khamiis, August 15, 2013 (HOL) — Danjiraha cusub ee Mareykanka ay u soo magacowday Soomaaliya, James P. McAnulty ayaa si rasmi ah howshiisa uga billaabay magaalada Muqdisho, isagoo sheegay inuu Soomaaliya ka caawin doono dhinaca ammanka iyo arrimaha bulshada.

8/15/2013 7:22 AM EST
Khamiis, August 15, 2013 (HOL) — Deeqdan oo isugu jirtey Matooro, haamaha cayayaanka looga buufiyo beeraha, tuubooyin, gaariyoollo iyo qalabka kale ee beeraha looga shaqeeyo, waxaa loo qaybiyey 67-qof oo kamid ah beeraleyda magaalada Boosaaso.

8/15/2013 5:27 AM EST
Khamiis, August 15, 2013 (HOL) — Saddex qof oo uu ku jiro ganacsade lagu magacaabo Xuseen Goley ayaa ku dhaawacmay qarax lagu xiray gaari uu lahaa ganacsadan oo ka dhacay maanta barqadii afaafka hore ee xarunta ugu weyn ee shirkadda Dahabshiil ay ku leedahay suuqa Bakaaraha ee magaalada Muqdisho.

8/15/2013 2:58 AM EST
Khamiis, August 15, 2013 (HOL) — Xoogagga Al-shabaab ayaa saakay la wareegay isbitaalka weyn ee deegaanka Mareerey ee gobolka Jaubbada dhexe oo ay gacanta ku haysay hay’adda MSF, iyagoo shaqaalihii ku sugnaa isbitaalka ku amray inay isaga tagaan.

8/15/2013 2:52 AM EST
Khamiis, August 15, 2013 (HOL) — Guddoomiyaha dowladda Soomaaliya ee gobolka Bakool, Maxamed Macalin ayaa sheegay in dagaallo shalay dhacay ay kula wareegeen deegaanno ku dhow degmada Xudur ee gobolka Bakool, uuna qorshahoodu yahay inay la wareegaan degmada Xudur.

8/15/2013 2:51 AM EST
Khamiis, August 15, 2013 (HOL) — Maamul Puntland oo toddobaad ka hor ku dhawaaqay inuu xiriirka u jaray dowladda Soomaaliya ayaa ka hadlay go’aankii ay shalay ku joojisay howlihii caafimaad ee MSF ay ka haysay dalka Soomaaliya.