3/29/2024
Today from Hiiraan Online:  _
Wararka Maanta- Talaado, Aug 13, 2013
Iskahorimaad ciidamada Ahlusunna & dad rayid ah ku dhexmaray duleedka Degmada Dhuusomareeb ee Gobolka Galguduud

Talaado, August 13, 2013 (HOL) — Ugu yaraan laba qof ayaa ku dhintay tiro intaas ka badanna way ku dhaawacmeen dagaal ciidammo taabacsan ururka Ahlusunna waljamaaca iyo dad reer miyi ah ku dhexmaray deegaanka Sangub oo ku yaalla duleedka degmada Dhuusomareeb ee xarunta gobolka Galguduud.

Dagaalkan ayaa la sheegay inuu ka dhashay muran soo dhexgalay dadka ku nool deegaankaas iyo ciidamada Ahulusunna ka tirsan, kaddib markii dadkaas loo diiday inay deegaankaas ka jaraan dhir la doonayay in dhuxul laga dhigo.

“Iska-horimaadku wuxuu dhexmarya dad jarayay geedo si ay dhuxul uga dhigaan iyo ciidammo taabacsan Ahlusunna, waxaana dhintay laba qof oo ka mid ah dhinacyadii dagaalamay, dhowr kalena way dhaawacmeen, haatanna xaaladdu waa deggen tahay,” ayuu yiri mid ka mid ah dadka deegaanka oo la hadlay warbaahinta.

Ma jiro wax war ah oo ku saabsan dagaalka oo kasoo baxay Ahlusunna Wal-jamaaca iyadoo ay noqonayso markii ugu horreysay oo dagaal uu dhexmaro dad shicib ah iyo ciidamada Ahlusunna Waljamaaca oo ka taliya qaybo ka tirsan gobolka Galguduud.

Xaaladda deegaankii lagu dagaalamay ayaa hadda daggan iyadoo ay halkaas ku sugan yihiin ciidamadii Ahlusunna Waljamaaca ee dagaalka la galay dadka deegaanka ee ku howlanaa jaridda dhirta.

Dagaalkan ayaa wuxuu kusoo beegmayaa laba maalmood kaddib iyadoo ay dowladda Soomaaliya guddoomiye cusub u magacowday gobolka Galguduud ee bartamaha Soomaaliya oo ay ka kala taliyaan maamullo aan is-ogoleyn oo ay ka mid yihiin Al-shabaab iyo Ahlusunna Waljamaaca.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/13/2013 10:49 AM EST
Talaado, August 13, 2013 (HOL) — Wasiirka kheryaadka dalka, Cabdrisaaq Cumar Maxamed ayaa sheegay maanta in hay’adda WFP ay kula heshiiyeen in gargaarka ay bixinayso ay ka iibiso beeraleyda Soomaaliyeed, halkii ay markii hore ka keeni jirtay dalka dibaddiisa.

8/13/2013 10:34 AM EST
Talaado, August 13, 2013 (HOL) — Labadii toddobaad ee lasoo dhaafay waxaa si weyn u soo gaarayay magaalada Baladweyne ee xarunta gobolka Hiiraan qurba-joogta kasoo jeeda gobolka, kuwaasoo sheegay in ujeeddada socdaalkooda uu yahay ka qeyb-galka shirweyne uu ku baaqay Ugaas C/raxmaan Ugaas Khaliif.

8/13/2013 9:30 AM EST
Talaado, August 13, 2013 (HOL) — Ugu yaraan lix qof ayaa ku dhintay 15 kalena dhaawacyo kala duwan ayaa kasoo gaaray dagaal culus oo maanta deegaanka Garasweyne ee gobolka Bakool ku dhexmaray ciidamada dowladda Soomaaliya iyo kuwa Al-shabaab.

8/13/2013 9:14 AM EST
Talaado, August 13, 2013 (HOL) — Guddigii loo xil-saaray inay soo baaraan xog rasmi ahna ka keenaan qaabkii ay ku burburtay diyaarad laga leeyahay dalka Itoobiya oo kasoo dagaysay garoonka diyaaradaha Muqdisho ayaa soo saaray warbixin hordhac ah.

8/13/2013 9:13 AM EST
Talaado, August 13, 2013 (HOL) — Munaasabad isugu jirtay furintaanka sanad dugsiyeedka 2013-2014, dhinaca kalana abaalmarino lagu guddoosiinayay Ardayda kaalamaha wanaagsan ka galay Imtixaanka dugsiga Aflah Basic ayaa lagu qabtay magaalada Baladweyne.

8/13/2013 8:52 AM EST
Talaado, August 13, 2013 (HOL) — Baarlamaannada Soomaaliya iyo Uganda ayaa maanta si rasmi ah u kala saxiixday heshiis ay ku mataanoobeen, kaas oo ay ku yeelanayaan wada-shaqeyn, kaddib kulan saacado qaatay oo ay ku yeesheen Kampala guddoomiyaha baarlamaannada labada dal iyo xildhibaanno.

8/13/2013 8:27 AM EST
Talaado, August 13, 2013 (HOL) — Dadweynaha Somaliland, ayaa maalmihii u dambeeyey si weyn u hadal hayey darajooyinka ciidamada Somaliland loo qaybiyey, kuwaas oo intoodda badan si weyn usoo dhoweeyey dalacsiinta loo sameeyey ciidamada.

8/13/2013 8:19 AM EST
Talaado, August 13, 2013 (HOL) — Kooxo hubeysan ayaa fiidnimadii xalay ku toogtay xaafadda Xaawo Taako ee magaalada Baladweyne askari ka tirsanaa ciidamada maamulka gobolka HIiraan oo xiligaa la sheegay in uu ku sii jeeday gurigiisa.

8/13/2013 2:52 AM EST
Talaado, August 13, 2013 (HOL) — Ra’iisul wasaaraha Soomaaliya , Cabdi Faarax Shirdoon (Saacid) ayaa xalay kulan la qaatay wasiirro, saraakiil ciidan iyo xubno ka tirsan maamulka gobolka Banaadir, isagoo kala hadlay xaaladda ammaan ee dalka.

8/13/2013 2:45 AM EST
Talaado, August 13, 2013 (HOL) — Tuulada la yiraahdo Gooyaale dadka ku nool ayaa waxay billaabeen in waddooyinka soo gala tuulooyinkooda ay dib u hagaajistaan si ay u fudadaato aadista beerahooda iyo ceelal biyoodyada ay biyaha kasoo dhaansdaan, iyadoo gaadiidkana ay u tahay mid wanaagsan in waddooyinkaas la hagaajiyo.