3/19/2024
Today from Hiiraan Online:  _
Wararka Maanta- Isniin, Aug 12, 2013
Al-shabaab oo uga digtay in Dadka Muqdisho ay u Dhawaadaan Saldhigyada Ciidamada iyo xarumaha Hay'adaha gargaarka

Isniin, August 12, 2013 (HOL) — Afhayeenka howgallada ururka Al-shabaab, Sheekh C/casiis Abuu-Muscab ayaa hadal uu siiyay warbaahinta afkooda ku hadasha wuxuu uga digay shacabka Muqdisho ku nool inay u dhawaadaan saldhigyada ciidamada dowladda iyo kuwa AMISOM ay leeyihiin Muqdsiho iyo weliba xarumaha hay’adaha gargaarka oo uu ka xusay kuwa UN-ka.

Sheekh Abuu-Muscab ayaa sheegay in shacabka Soomaaliyeed ay dhowr jeer oo hore uga digeen inay u dhawaadaan goobahan, wuxuuna hadalkiisa ku sheegay inaysan doonayn in weerarradooda ay dhibaato kasoo gaarto shacabka Soomaaliyeed.

“Waxaan uga digaynaa muslimiinta ku nool Muqdisho inay u dhawaadaan saldhigyada ciidamada dowladda, kuwa AMISOM iyo hay’adaha ajnabiga ah ay ku leeyihiin Muqdisho, si weerarrada lagu qaadayo aysan dhibaato uga soo gaarin,” ayuu yiri Sheekh Abuu-Muscab.

Afhyeenku ma uu sheegin inay weerarro la damacsan yihiin xarumahaas iyo in kale, wuxuuse xusay inay mar walba ka fogaanayaan inay shacabku wax kasoo gaaraan dagaallada ay kula jiraan ciidamada dowladda, kuwa gacanta siinaya iyo weerarrada ay la beegsanayaan xarumaha hay’adaha gargaarka.

“Muslimiinta ku nool Muqdisho waxaan uga digaynaa in dhismayaasha ay daggan yihiin hay’adaha sida kuwa Qaramada Midoobay ee dadka gaaleeya ay u dhawadaan, waayo ma doonayno inay dhibaato kasoo gaarto weerarada aan la beegsanayno,” ayuu hadalkiisa raaciyay.

Xarakada Al-shabaab ayaa bilhii lasoo dhaafay weerarro ismiidaamin ah la beegsaday dhismayaasha ay deggen yihiin hay’adda barnaamijka horumarinta Qaramada Midoobay ee UNDP iyo dhisme ay degenaayeen shaqaalaha safaaradda Turkiga ee Muqdisho ku yaalla.

Inkastoo aysan digniintan ahayn tii ugu horreysya oo ay Al-shabaab bixiso ayaa haddana weerarrada ay Muqdisho ka geysanayso kooxdan waxay dhibatada ugu badan kasoo gaartaan dadka shacabka ah ee ka ag-dhow goobahaas ay weerarrada la beegsato.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/12/2013 2:24 PM EST
Isniin, August 12, 2013 (HOL) — Hormuudka jaamacadda Bay oo dhawaan laga furay magaalada Baydhabo, Jabriil Maxamed Aadan ayaa wuxuu ka war-bixiyay jaamacadda iyo habka ay ardayda wax u barto, iyadoo wareysi uu siiyay HOL uu kaga hadlay arrimo badan. Wareysigiina wuxuu u dhacay sidan:

8/12/2013 1:39 PM EST
Isniin, August 12, 2013 (HOL) — Kulan looga hadlayay ammanka gobolka Bay ayaa maanta ka dhacay degmada Baydhabo, kaasoo ay ka qaybgaleen mas’uuliyiinta maamulka gobolka, kan degmada, waxgarad iyo aqoon-yahanno kasoo jeeda gobolkaas.

8/12/2013 11:28 AM EST
Isniin, August 12, 2013(HOL)—Xaflad si qurux badan loo soo agaasimey ayaa lagu qabtey gelinkii danbe ee shalay xaruunta Ark Academy oo ku taal xaafada Wembley Park ee magaalada London, xafladaasi oo lagu daahfurayay furitaanka koobka cayaaraha Somaliweek London 2013.

8/12/2013 11:15 AM EST
Isniin, August 12, 2013(HOL) :- Ergadii soo dooratay madaxweeynaha maamulka Jubbaland Sheekh Axmed Max’ed Islaam (Axmed Madoobe) ayaa 20 beri oo dheeri ah ugu daray madaxweeynaha si uu u dhameystiro dhismaha labada gole ee maamulka.

8/12/2013 10:28 AM EST
Isniin, August 12, 2013 (HOL) — Madaxweynaha dalka Zimbabwe, Robert Mugabe oo mar kale loo doortay inuu hoggaamiyo dalkaas ayaa khudbad uu jeediyay maanta ku sheegay in dalkiisu uusan dib dambe ugu laaban dooni gumeysi, isagoo doorashadii dhawaan dhacday ku tilmaamay mid u dhacday si dimuqraadiyad ah.

8/12/2013 10:02 AM EST
Isniin, August 12, 2013 (HOL) — Madaxweynaha Puntland oo ka qaybgalay shir looga hadlayay xawaaladaha iyo sida loola socon lahaa in lacagaha la isugu diro aan loogu adeegsan lahayn falal dambiyeedyo oo maanta lagu qabtay Garoonka ayaa ka digay in la xiro xawaaladaha lacagaha la isugu diro.

8/12/2013 9:46 AM EST
Isniin, August 12, 2013 (HOL) — Waxaa heer gabo-gabo ah maraya qeybtii koowaad dhismaha masjidka Bardaha magaalada Baladweyne oo ah masjid facweyn oo soo dhisnaa sida la rumeysan yahay wax ka badan 100 sano.

8/12/2013 7:54 AM EST
Isniin, August 12, 2013 (HOL) — Guddoomiyaha baarlamaanka Soomaaliya, Maxamed Sheekh Cismaan (Jawaari) iyo wafdi uu hoggaaminayo ayaa maanta gaarya magaalada Kampala ee dalka Uganda, kaddib casuumaad ay ka heleen guddoonka baarlamaanka dalkaas.

8/12/2013 7:30 AM EST
Isniin, August 12, 2013 (HOL) — Jaamacadda ADMAS University College, ayaa xalay xaflad Casha sharaf ah u samaysay toddoba arday oo hore uga qalin jabiyey jaamacadda oo deeq waxbarasho (Shoolership) ka helay dalka Turkey.

8/12/2013 6:52 AM EST
Isniin, August 12, 2013 (HOL) — Munaasabado lagu furayey machadyo diini ah ayaa lagu qabtay magaalooyinka Yeyle oo ku dhawaad 100-KM Waqooyi-galbeed kaga xigta magaalada Laascaanood iyo Boocame oo 75-KM dhinaca Bari kaga beegan Laascaanood.

8/12/2013 2:26 AM EST
Isniin, August 12, 2013 (HOL) — Xildhibaan Ilyaas Barre Shiil oo ka mid ah xildhibaannada baarlamaanka Kenya ayaa sheegay in Kenya aysan doonayn inay taako ka mid ah dhulka Soomaaliya qabsato, wararka la faafiyayna ay yihiin kuwo been abuur ah oo la doonayo in la isaga horkeeno labada dal iyo labada dowladood.

8/12/2013 2:22 AM EST
Isniin, August 12, 2013 (HOL) — Ra’iisul wasaarihii hore ee DKMG ahayd ee Soomaaliya, Prof. Cali Maxamed Geeddi ayaa dhaliilay dowladda Soomaaliya ee xilka haysa, isagoo sheegay inay ku filnaan waysay inay sugto ammaanka Muqdisho, sidoo kalena ay ugaarsi gaar ah ku hayso qaar ka mid ah beelaha Muqdisho.