3/29/2024
Today from Hiiraan Online:  _
Wararka Maanta- Talaado, Apr 30, 2013
Ra’iisul Wasaaraha Soomaaliya oo Munaasabadda 1-da May awgeed u diray Hambalyo Dhamaan Shaqalaaha Soomaaliyeed


Talaado, Abriil 30, 2013 (HOL) — Ra’iisul wasaaraha Soomaaliya, Cabdi Faraax Shirdoon (Saacid) ayaa munaasabada maalinta shaqaalaha adduunka ee 1-da May, 2013 oo berri ku aaddan wuxuu hambalyo u diray dhammaan shaqaalaha Soomaaliyeed.

“Waxaan hambalyo ku aaddan maalinta shaqaalaha adduunka ee 1-da May awgeed u dirayaa dhammaan shaqaalaha Soomaaliyeed ee udub-dhexaadka u ah shaqada iyo horumarka guud ee dalka,” ayuu yiri ra’iisul wasaarahaha.

Mudane Saacid ayaa tibaaxay qiimaha weyn ee ay ummadda u leedahay shaqada iyo wax-soo-saarka shaqaalaha, dowladduna ay siinayso ahmiyad weyn in munaasaddan shaqaalaha Soomaaliyeed ay ku xusaan dabaal-dagyo ka turjumaya dareenkooda si ay u muujiyaan muhiimadda shaqada iyo shaqaalaha.

“Shaqadu waa nolosha iyo sumacadda qofka, waa furaha hurumarka dadka bani’aadamka ah meel walba oo uu joogo. Horumarka bulsho kasta wuxuu ku xiran yahay hadba sida ay u shaqeeyan dadkeeda, taas waa xaqiiqo ka jirta caalamka oo dhan. Haddii aanay shaqo jirin horumar iyo mustaqbal ma jiri karo,” ayuu hadalkiisa raaciyay.

Ra’iisul wasaaraha ayaa ka hadlay dadaalka dowladda Soomaaliya ugu jirto inay abuurto shaqooyin, iyadoo laga faa’iidaysanayo xoogga shaqaalaha diyaarka ah. Wuxuuna tilmaamay baahida loo qabo aqoon-yahanka iyo xir-fadleyaasha Soomaaliyeed; isagoo ummadda ku baraarujiyay in kordhiyaan aqoontooda ayna bartaan xirfadaha shaqo ee xilligan loo baahan yahay.

“Soomaaliyada cusub waxay u baahan tahay xoog iyo xirfad shaqo kuwaas oo dabooli kara baahida shaqaale ee sii kordhaysa; ummadda Soomaaliyeed waxaan kula dar-daarmayaa inay kordhiyaan aqoontooda iyo xirfadooda si ay ugu sahlanaato inay helaan shaqooyinka ka abuurmaya dalka gudihiisa,” ayuu mar kale yiri mudane Saacid.

Ugu dambeyn, ra’iisul wasaare Saacid ayaa dhanka kale xusay inuusan shaki ugu jirin in dalku galayo marxalad cusub oo xambaarsan koboc dhaqaale iyo horumar dhinac walba ah.

Maalinta berri ah oo ku beegan 1-da May ayaa waxay ku beegan tahay maalinta loo asteeyay xuska shaqaalaha adduunka, waxaana xukuumaddu ay maanta fasaxday dhammaan shaqaalaheeda si ay ula ciidaan caruurta iyo qoysaskooda.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/30/2013 1:32 PM EST
Talaado, April 30, 2013(HOL)—Ururka Tamarta Bariga Afrika oo Kulliyaddii ugu ballaarneyd oo Injineernimo laga barto ka hirgelineysa Soomaaliya Kulliyado lagu barto cilmiga Injineeriyada.

4/30/2013 11:46 AM EST
Talaado, Abriil 30, 2013 (HOL) — Shir lagaga hadlayo sidii loo xoojin lahaa xidhiidhka ganacsi ee ka dhexeeya Itoobiya iyo Somaliland, ayaa labadii maalmood ee u dambeeyey ka socday magaalada Hargeysa ee xarunta Somaliland.

4/30/2013 10:31 AM EST
Talaado, 29 April, 2013(HOL) :- Gudiga Dhismaha Masjidka Khadiim ee Magaalada Baladxaawo ayaa waxay ka warbixiyeen howsha Dhismaha Masjidkaasi oo ay sheegeen in haatan marayo wejigii labaad ee Dib u dhiska Masjidka oo howshiisa la bilaabay mudo haatan laga joogo ilaa labo Bil,waana Masjid laga doonayo ilaa Labo Dabaq in laga dhigo,iyadoo Dabaqii kowaadna la sheegayo in uu marayo meel dhexe.

4/30/2013 9:21 AM EST
Talaado, Abriil 30, 2013 (HOL) — Saraakiisha ciidamada booliiska maamulka gobollka Hiiraan ayaa ku soo bandhigay maanta magaalada Baladweyne ilaa Afar dhalinyarro ah oo sida ay sheegeen ka soo goosatay ama iska soo dhiibay kooxda Al-shabaab.

4/30/2013 8:33 AM EST
Talaado, Abriil 30, 2013 (HOL) — Ciidamada si gaar ah u tababaran iyo kuwa booliiska Soomaaliya ayaa maanta howgallo ka sameeyay qaybo ka mid ah magaalada Muqdisho, iyadoo saraakiisha booliiska ay sheegeen in lagu soo qabqabtay dad falal ammaan-darro kawaday Muqdisho.

4/30/2013 8:20 AM EST
Talaado, Abriil 30, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) iyo wafdi uu hoggaaminayo oo ku sugan dalka Turkiga ayaa la kulmay ardayda Soomaaliyeed ee wax ka barta dalkaas, isagoo uga jawaabay su’aalo ay weydiiyeen oo intooda badan ku saabsanaa xaaladda Soomaaliya iyo waxyaabaha dowladda u qabsoomay.

4/30/2013 6:57 AM EST
Talaado, Abriil 30, 2013 (HOL) — Ciidamada Puntland ayaa maanta duleedka magaalada Boosaaso ku toogtay 13-qof o ay ku jirtay haweeney, kuwaasoo la sheegay inay ka tirsanaayeen Al-shabaab qaarkoodna lagu helay inay ka dambeeyeen dilkii dhamamadkii sannadkii 2011 loogu geystay Boosaaso, Dr. Axmed Sheekh C/raxmaan oo ka mid ahaa culummada Puntland.

4/30/2013 6:25 AM EST
Talaado, 30 April, 2013 (HOL) :- Dagaalyahanno kaitrsan Al-shabaab ayaa xalay fiidkii weerar madaafiic ah kusoo qaaday saldhig ay ciidamada dowladda Soomaaliya iyo kuwa AMISOM ku lahaayeen duleedka garoonka diyaaradaha ee magaalada Kismaayo.

4/30/2013 1:55 AM EST
Talaado, Abriil 30, 2013 (HOL) — Macluushii Soomaaliya ku dhufatay 2011 ayaa la sheegay inay dishay 260,000 oo qof oo u badan caruur ay dad’oodu ka hoosayso shan sano, waxaana sidoo kale dadka ay dishay macluushaas u badan haween.

4/30/2013 12:57 AM EST
Talaado, Abriil 30, 2013 (HOL) — Xarakada Al-shabaab ayaa ciidammo soo dhameytay tababar kusoo bandhigtay deegaanka Ambareesa ee gobolka Shabeellada, hoose; waxaana ciidamadaas oo dhoola-tus dhigay ay wateen gaadiidka dagaalka iyo hub kala duwan.

4/30/2013 12:25 AM EST
Talaado, Abriil 30, 2013 (HOL) — Guddoomiyaha Baarlamaanka Soomaaliya, Prof. Maxamed Sheekh Cismaan (Jawaari) oo wafdi uu hoggaaminayo oo ku sugan dalka Turkiga ayaa la kulmay Isniintii shalay ahayd dhiggiisa iyo sidoo kale madaxweynaha Turkiga, iyadoo guddoomiyuhu uu booqday goobo ku yaalla magaalada Ankara ee xarunta Turkiga.