3/18/2024
Today from Hiiraan Online:  _
Wararka Maanta- Isniin, Apr 29, 2013
Xoghayaha Guud ee Qaramada Midoobay oo Somalia u Magacaabay Danjire cusub oo beddeli doona Augustine Mahiga


Isniin, Abriil 29, 2013 (HOL) — Xoghayaha guud ee Qaramada Midoobay, Ban Ki-Moon ayaa u magacaabay Soomaaliya danjire cusub oo bedeli doona Augustine Phillip Mahiga oo saddex sano wakiil uga ahaa xoghayaha guud arrimaha Soomaaliya, gaar ahaan dhinaca siyaasadda.

Danjiraha cusub oo u dhashay dalka Britain ayaa lagu magacaabaa Nicholas Key, waxaana xilkiisa uu la wareegi doonaa bisha Juun ee sannadkan oo xilka uu u ugu eg-yahay danjirihii hore Mahiga oo dadaal dheer u soo galay sidii Soomaaliya ay uga bixi xilligii KMG-nimada oo ay kusoo jirtay muddo sideed sano ah.

Qoraal kasoo baxay xafiiska Ki-Moon ayaa lagu amaamay shaqaadii uu qabtay danjire Mahiga muddadii saddexada sanahayd ee uu xilkan hayay, taasoo horseedday in Soomaaliya ka baxdo xilliga KMG ah ay yeelato dowlad rasmi ah muddo 22-sano ah kaddib.

Mr. Key ayaa haya xilka agaasimaha wasaaradda arrimaha dibadda Britain ee Afrika iyo xafiiska barwaaqo-sooranka, isagoo horay uga soo shaqeeyay dalalka Sudan iyo Congo oo uu kasoo noqday danjire iyo dalka Afgaanistaan oo uu kasoo noqday isku-duwe.

Danjiraha cusub ayaa wuxuu ah 55-jiir, wuxuuna leeyahay Xaas iyo saddex caruur ah oo kala ah, laba gabdhood iyo wiil, waxaana lagu wadaa in marka uu xilka la wareego uu howshiisa u soo wareejiyo magaalada Muqdisho

Augustine Mahiga oo u dhashay dalka Tanzania ayaa saddex sano ka hor loo magacabay xilkan, waxaana jagadan kaga horreeyay danjire Axmaduu Walad-Cabdalla oo ku guuleystay inuu isku keeno dowladdii KMG ahayd ee uu horkacayay C/llaahi Yuusuf iyo garabkii Maxkamada Islaamka ee uu hoggaaminayay madaxweynihii hore ee Soomaaliya, Sheekh Shariif Sheekh Axmed.

Ergaygan cusub ayaa waxay howshiisu kusoo aadaysaa iyadoo dowladda Soomaaliya ee joogtada ah ay doonayso in beesha caalamka ay ula shaqeyso sida ay doonayso, balse aan loola shaqeyn sida uu caalamku doonayo.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/29/2013 1:53 PM EST
Isniin, Abriil 29, 2013 (HOL) — Madaxweynaha Soomaaliya Xasan Sheekh Maxamuud oo waxyar kahor intii uusan galabta ka dhoofin magaalada Garoowe ee xarunta maamulka Puntland warbaahinta la hadlay, ayaa sheegay inuu ku faraxsan yahay booqashada uu kusoo gaarey Puntland.

4/29/2013 1:17 PM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayay ayaa galabta soo gabagabeeyay socdaal shaqo oo labo maalmood qaatay oo ay ku joogeen xarunta Puntland ee Garoowe, isagoo dib ugu soo laabtay gellinkii dambe ee maanta magaalada Muqdisho.

4/29/2013 1:05 PM EST
Isniin, Abriil 29, 2013 (HOL) — Kaddib markii dowladda Federaalka ee Soomaaliya iyo maamulka Puntland oo 24-tii saac ee ugu dambeeyey magaalada Garoowe shirar gaar gaar ah ku lahaa ay isku mari waayeen arimo dhowr ah, ayaa waxaa soo baxaya warar hordhac ah oo sheegaya in Puntland aysan ka qayb geli doonin shirka arimaha Soomaaliya looga hadli doono ee dhowaan la filayo in uu ka dhaco magaalada London.

4/29/2013 12:55 PM EST
Isniin, Abriil 29, 2013 (HOL) — Maalamahan waxaa magaalada Baydhabo ee gobolka bay soo gaarayay ciidamo ka tirsan kuwa Midowga Afirka ee AMISOM iyagoo ka imaanayay dhinaca magaalada Muqdisho ee xarunta Soomaaliya, ciidamadaas oo wata gaadiidka gaashaaman ayaa la wareegay fariisimo ay ku sugnaayeen ciidamada Itoobiya.

4/29/2013 12:35 PM EST
Isniin, Abriil 29, 2013 (HOL) — Madaxweynaha Puntland C/raxmaan Maxamed Maxamuud Faroole ayaa sheegay in dowladda Federaalka iyo maamulka Puntland oo galabta Garoowe ku shiray ay arimo dhowr ah isku mari waayeen.

4/29/2013 12:17 PM EST
Isniin, Abriil 29, 2013 (HOL) — Wasiirka Arrimaha gudaha Somaliland, Mr: Maxamed Nuur Caraale (Duur), oo maanta golaha Wakiiladda Horyimid ayaa ka warbixiyey saddexdii bilood ee ina dhaaftay wixii u qabsoomay, waxaanu sheegay inay ciidan badan oo boolis ah ay tobabaro aqoontooda kor loogu qaadayo usoo xidheen, isla markaana aanay wax amni daro ahi aanay deegaanka ka jirin.

4/29/2013 11:55 AM EST
Isniin, Abriil 29, 2013 (HOL) — Waxaa goor dhow soo gabagaboobey shir muddo saacado ah qaatay oo ay g Isniin, Abriil 29, 2013 (HOL) — Waxaa goor dhow soo gabagaboobey shir muddo saacado ah qaatay oo ay galabta magaalada Garoowe ku yeesheen wefdi uu horkacayo madaxIsniin, Abriil 29,

4/29/2013 8:09 AM EST
Isniin, Abriil 29, 2013 (HOL) — Golaha wasiirrada Soomaalya ayaa maanta kulan ay ku yeesheen Muqdisho ku meelmariyay magacaabista garyaqaanka guud ee dalka oo loo magacaabay, Dr. Cismaan Cilmi Guuleed, iyadoo ay si aqlabiyad ah isugu raaceen wasiirradii kulanka ka qaybgalay magacaabista garyaqaanka guud ee dalka.

4/29/2013 7:59 AM EST
Isniin, Abriil 29, 2013 (HOL) — Wasiirka Wasaaradda Diinta iyo Aw-qaafta Somaliland Sheekh Khaliil Cabdilaahi Axmed, ayaa sheegay in falal dhaqan xumo ah oo aan hore u jiri jirin ay dalka ku soo badanayaan, isla markaana loo baahan in wax laga qabto si umaddu u dhaqan guurin.

4/29/2013 6:56 AM EST
Isniin, Abriil 29, 2013 (HOL) — Ugu yaraan shan qof oo isugu jiray ciidankii dagaalamay iyo dad shacab ah ayaa ku dhintay dagaal ciidammo ka kala tirsan dowladda Soomaaliya iyo Al-shabaab ku dhexmaray deegaanno ku yaalla goblka Bakool.

4/29/2013 6:22 AM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ay albaabbadu u xiran yihiin kula leh magaalada Garoowe madaxweynaha Puntland, C/raxmaan Sheekh Maxmed Faroole, iyadoo wadahadllada labada madaxweyne ay socdaa muddo saacado ah.

4/29/2013 6:12 AM EST
Isniin, Abriil 29, 2013 (HOL) — Ururka Midowga Yurub iyo Mareykanka ayaa si adag u cambaareeyay dilkii Muqdisho loogu geystay toddobaadkii hore ku-xigeenka garyaqaanka guud ee dalka, Axmed Sheekh Nuur Macallin kaasoo ay mas’uuliyaddiisa sheegatay Xarakada Al-shabaab oo dagaal kula jirta dowladda Soomaaliya.