3/18/2024
Today from Hiiraan Online:  _
Wararka Maanta- Isniin, Apr 29, 2013
MADAXWEYNAHA SOOMAALIYA: "Dowlad Dhisidda Soomaaliya uma baahna xilligan Qori iyo Colaad ee waxay u baahan…"

Isniin, Abriil 29, 2013 (HOL) — Madaxweynaha Soomaaliya Xasan Sheekh Maxamuud oo waxyar kahor intii uusan galabta ka dhoofin magaalada Garoowe ee xarunta maamulka Puntland warbaahinta la hadlay, ayaa sheegay inuu ku faraxsan yahay booqashada uu kusoo gaarey Puntland.

Wuxuuna umahad celiyey madaxda iyo dadweynaha Puntland, kuwaasoo uu sheegay in ay si fiican usoo dhoweeyeen, isagoo xusay in ay suurtagal tahay in mustaqbalka dhow sidan oo kale uu dib safarro shaqo ugu soo gaaro Puntland.

Madaxweyne Xasan ayaa soo hadal qaaday eedeyn kasoo yeertay dhinaca Puntland oo ku aadan wax-ka-beddel ay Puntland sheegtay in  lagu sameeyey dastuurka dalka  ee la ansixiyey bishii Agoosto ee sanadkii 2012.

Prof. Xasan ayaa sheegay in dastuurku markii la ansixinayeyba uu ahaa mid qabyo ah, laguna heshiiyey in waxyaabaha dhiman dib laga saxo, taasina ay tahay mid horay la isugu afgartay.

“Dastuurku howlo dheer ayuu soo maray in uu dhiman yahayna layslama diidaneyn, markii lawada ogolaanayeyba sidaas ayaa lagu ogolaaday dhameystirkiisana waan kawada shaqeyneynaa, tabashada Puntland-na waa laysla eegayaa” Madaxweynaha ayaa yiri.

Dhinaca maamul u sameynta gobollada - gaar ahaan Jubbooyinka iyo Gedo- wuxuu mar uu madaxweynuhu ka hadlayey uu tilmaamay in dhismaha maamullada federaalku uu yahay mid dastuuri ah, dowladuna aysan kasoo horjeedin.

Midda keliya ee lagu kala argti duwan yahay ayuu sheegay inay tahay habka maamullada loo sameynayo, isagoo xusay in ay muhiim tahay in si fiican looga fiirsado, maadaama hadda uu dalku marxalad cusub galay, waxyaabo badanna ay tahay in laga gudbo.

Ugu danbeyntii wuux madaxweyne xasan sheegay in xaaladda dalku ay xilligan tahay mid xasiloon, sidaas darteed ay haboon taay in laga fogaado wax walba oo colaad iyo khilaaf horseedi kara.

Madaxweynaha oo taas ka hadlaya ayaa yiri: “Siyaasadda iyo dowlad dhisidda Soomaaliya wada-tashi iyo wada-xaajood iyo wada-hadal ayey ku imaaneysaaye qori iyo dagaal iyo colaad ku iman mayso”.

Madaxweyne ayaa galabta soo afmeeray booqasho muddo labo maalmood ah qaadatay, oo isaga iyo wefdi uu horkacayaa ay shalay kusoo gaareen magaalada Garoowe ee xarunta maamul goboleedka Puntland.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
4/29/2013 2:30 PM EST
Isniin, Abriil 29, 2013 (HOL) — Xoghayaha guud ee Qaramada Midoobay, Ban Ki-Moon ayaa u magacaabay Soomaaliya danjire cusub oo bedeli doona Augustine Phillip Mahiga oo saddex sano wakiil uga ahaa xoghayaha guud arrimaha Soomaaliya, gaar ahaan dhinaca siyaasadda.

4/29/2013 1:17 PM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayay ayaa galabta soo gabagabeeyay socdaal shaqo oo labo maalmood qaatay oo ay ku joogeen xarunta Puntland ee Garoowe, isagoo dib ugu soo laabtay gellinkii dambe ee maanta magaalada Muqdisho.

4/29/2013 1:05 PM EST
Isniin, Abriil 29, 2013 (HOL) — Kaddib markii dowladda Federaalka ee Soomaaliya iyo maamulka Puntland oo 24-tii saac ee ugu dambeeyey magaalada Garoowe shirar gaar gaar ah ku lahaa ay isku mari waayeen arimo dhowr ah, ayaa waxaa soo baxaya warar hordhac ah oo sheegaya in Puntland aysan ka qayb geli doonin shirka arimaha Soomaaliya looga hadli doono ee dhowaan la filayo in uu ka dhaco magaalada London.

4/29/2013 12:55 PM EST
Isniin, Abriil 29, 2013 (HOL) — Maalamahan waxaa magaalada Baydhabo ee gobolka bay soo gaarayay ciidamo ka tirsan kuwa Midowga Afirka ee AMISOM iyagoo ka imaanayay dhinaca magaalada Muqdisho ee xarunta Soomaaliya, ciidamadaas oo wata gaadiidka gaashaaman ayaa la wareegay fariisimo ay ku sugnaayeen ciidamada Itoobiya.

4/29/2013 12:35 PM EST
Isniin, Abriil 29, 2013 (HOL) — Madaxweynaha Puntland C/raxmaan Maxamed Maxamuud Faroole ayaa sheegay in dowladda Federaalka iyo maamulka Puntland oo galabta Garoowe ku shiray ay arimo dhowr ah isku mari waayeen.

4/29/2013 12:17 PM EST
Isniin, Abriil 29, 2013 (HOL) — Wasiirka Arrimaha gudaha Somaliland, Mr: Maxamed Nuur Caraale (Duur), oo maanta golaha Wakiiladda Horyimid ayaa ka warbixiyey saddexdii bilood ee ina dhaaftay wixii u qabsoomay, waxaanu sheegay inay ciidan badan oo boolis ah ay tobabaro aqoontooda kor loogu qaadayo usoo xidheen, isla markaana aanay wax amni daro ahi aanay deegaanka ka jirin.

4/29/2013 11:55 AM EST
Isniin, Abriil 29, 2013 (HOL) — Waxaa goor dhow soo gabagaboobey shir muddo saacado ah qaatay oo ay g Isniin, Abriil 29, 2013 (HOL) — Waxaa goor dhow soo gabagaboobey shir muddo saacado ah qaatay oo ay galabta magaalada Garoowe ku yeesheen wefdi uu horkacayo madaxIsniin, Abriil 29,

4/29/2013 8:09 AM EST
Isniin, Abriil 29, 2013 (HOL) — Golaha wasiirrada Soomaalya ayaa maanta kulan ay ku yeesheen Muqdisho ku meelmariyay magacaabista garyaqaanka guud ee dalka oo loo magacaabay, Dr. Cismaan Cilmi Guuleed, iyadoo ay si aqlabiyad ah isugu raaceen wasiirradii kulanka ka qaybgalay magacaabista garyaqaanka guud ee dalka.

4/29/2013 7:59 AM EST
Isniin, Abriil 29, 2013 (HOL) — Wasiirka Wasaaradda Diinta iyo Aw-qaafta Somaliland Sheekh Khaliil Cabdilaahi Axmed, ayaa sheegay in falal dhaqan xumo ah oo aan hore u jiri jirin ay dalka ku soo badanayaan, isla markaana loo baahan in wax laga qabto si umaddu u dhaqan guurin.

4/29/2013 6:56 AM EST
Isniin, Abriil 29, 2013 (HOL) — Ugu yaraan shan qof oo isugu jiray ciidankii dagaalamay iyo dad shacab ah ayaa ku dhintay dagaal ciidammo ka kala tirsan dowladda Soomaaliya iyo Al-shabaab ku dhexmaray deegaanno ku yaalla goblka Bakool.

4/29/2013 6:22 AM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ay albaabbadu u xiran yihiin kula leh magaalada Garoowe madaxweynaha Puntland, C/raxmaan Sheekh Maxmed Faroole, iyadoo wadahadllada labada madaxweyne ay socdaa muddo saacado ah.

4/29/2013 6:12 AM EST
Isniin, Abriil 29, 2013 (HOL) — Ururka Midowga Yurub iyo Mareykanka ayaa si adag u cambaareeyay dilkii Muqdisho loogu geystay toddobaadkii hore ku-xigeenka garyaqaanka guud ee dalka, Axmed Sheekh Nuur Macallin kaasoo ay mas’uuliyaddiisa sheegatay Xarakada Al-shabaab oo dagaal kula jirta dowladda Soomaaliya.