3/19/2024
Today from Hiiraan Online:  _
Wararka Maanta- Isniin, Apr 29, 2013
WASIIR DUUR “Ciidamada Amnigu 99% Way ku Guulaysteen in ay Sharciga horkeeno ciddii dambiyada geysan jirtay”


Isniin, Abriil 29, 2013 (HOL) — Wasiirka Arrimaha gudaha Somaliland, Mr: Maxamed Nuur Caraale (Duur), oo maanta golaha Wakiiladda Horyimid ayaa ka warbixiyey saddexdii bilood ee ina dhaaftay wixii u qabsoomay, waxaanu sheegay inay ciidan badan oo boolis ah ay tobabaro aqoontooda kor loogu qaadayo usoo xidheen, isla markaana aanay wax amni daro ahi aanay deegaanka ka jirin.

Wasiirka ayaa markii uu warbixintiisa dhameeyey waxa su’aalo waydiiyey xildhibaanadda golaha Wakiiladda, waxaana su’alahaasi ka mid ahaa dhacdadii lagu weeraray wargeyska Hubaal halka ay baadhitaanku u marayo, diiwaangelinta dadweynaha, Tuug badan oo magaaladda farobaas ku haya waxay ka qabteen iyo arrimo badan.

Haseyeeshe wasiirku waxa uu sheegay inay inta badan ku guulaystaan dambiyadda dhaca inay 99% qabtaan, isla markaana sharciga la horgeeyo, sidoo kale, waxa uu Wasiirku sheegay inuu ka xun yihiin weerarkii loo geystay wargeyska Hubaal, haseyeeshee baadhitankii meel fiican u marayso, isla markaana ay ku daba jiraan qofkii labaad ee ninka la hayo falka kula jiray.

“Dambiyo way dhacaan laakiin amni daro maaha, aduunka oo dhan way ka dhacaan, 99% ciidamadda amnigu way ku guulaysteen cidii dambiyadaasi gaystay, dambina wuu dhacaya wuuna dhici doona ee waxa la qiimayaa sidee wax looga qabtay”ayuu yidhi wasiirka arrimaha guduhu oo ka hadlayey dambiyadda ay ku guulaysteen inay soo qabtaan, waxaanu intaas ku daray “Haddii toban qof dil gaystaan waxa baxsada hal qof ama laba inta kale waanu ku guulaysanaa oo sharciga ayaanu horkeennaa”.

Wasiirku waxa kale oo uu sheegay inay ku tallo jiraan diiwaangelinta dadka ah si loo ogaado tiradda dadka wixii dhasha iyo wixii dhintaba, taasina ay u baahan tahay hawl adag iyo dhaqaale, haseyeeshee ay ku niyadsan yihiin inay hawshaasi si fiican ugu hirgasho.

“Waxaanu ku gudda jirnaa diyaarinta diiwangelinta iyo macluumaadka muwaadinka, dhalashadiisa, guurkiisa iyo dhimashadiisa, waana macluumaad qofka la ogaan doono, waxaan ka qaybgalay shir caalami ah oo ka dhacayey koonfur afrika oo ay ka soo qaybgaleen 54 wadan oo ah wadamadda dalalkoodda ka wadda diiwangalinta muwaadinkoodda, kuwaas oo aynu ka mid noqonay ”

Wasiirku waxa kale oo uu xusay inay tobabaro badan siiyeen ciidanka laanta socdaalka, kuwaas oo xuduudaha iyo madaarada la dhigay qalab lagu ogaanayo dadka wadanka soo galayo, isla markaana lala soconayo.

“laanta socdaalka waxa la siiyey tobabaro badan iyo qalab cusub oo dadka madaarada ka soo galla iyo xuduudaha lagala socdo xarunta guud ee laanta socdaalka oo ay qalab ku rakiban yihiin”ayuu raaciyey wasiir Duur

Sidoo kale Taliyaha Booliska Somaliland Gen;C/laahi Fadal Iimaan ayaa sheegay inay tuug badan iyo dhalinyaro habeenkii rabshado ka samaysa xaafadaha dhexdeeda ay xidh xidheen, qaarkoodna la xukumay qaar kalana ay gar sugayaal yihiin, haseyeeshee ay hadda yareeyeen tuugtii iyo dhalinyaradii dadweynaha dhibi jiray wakhtiyadda habeenkii.


Barkhad-ladiif M. Cumar, Hiiraan online
[email protected] 
Hargeysa, Somaliland













Click here
4/29/2013 2:30 PM EST
Isniin, Abriil 29, 2013 (HOL) — Xoghayaha guud ee Qaramada Midoobay, Ban Ki-Moon ayaa u magacaabay Soomaaliya danjire cusub oo bedeli doona Augustine Phillip Mahiga oo saddex sano wakiil uga ahaa xoghayaha guud arrimaha Soomaaliya, gaar ahaan dhinaca siyaasadda.

4/29/2013 1:53 PM EST
Isniin, Abriil 29, 2013 (HOL) — Madaxweynaha Soomaaliya Xasan Sheekh Maxamuud oo waxyar kahor intii uusan galabta ka dhoofin magaalada Garoowe ee xarunta maamulka Puntland warbaahinta la hadlay, ayaa sheegay inuu ku faraxsan yahay booqashada uu kusoo gaarey Puntland.

4/29/2013 1:17 PM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayay ayaa galabta soo gabagabeeyay socdaal shaqo oo labo maalmood qaatay oo ay ku joogeen xarunta Puntland ee Garoowe, isagoo dib ugu soo laabtay gellinkii dambe ee maanta magaalada Muqdisho.

4/29/2013 1:05 PM EST
Isniin, Abriil 29, 2013 (HOL) — Kaddib markii dowladda Federaalka ee Soomaaliya iyo maamulka Puntland oo 24-tii saac ee ugu dambeeyey magaalada Garoowe shirar gaar gaar ah ku lahaa ay isku mari waayeen arimo dhowr ah, ayaa waxaa soo baxaya warar hordhac ah oo sheegaya in Puntland aysan ka qayb geli doonin shirka arimaha Soomaaliya looga hadli doono ee dhowaan la filayo in uu ka dhaco magaalada London.

4/29/2013 12:55 PM EST
Isniin, Abriil 29, 2013 (HOL) — Maalamahan waxaa magaalada Baydhabo ee gobolka bay soo gaarayay ciidamo ka tirsan kuwa Midowga Afirka ee AMISOM iyagoo ka imaanayay dhinaca magaalada Muqdisho ee xarunta Soomaaliya, ciidamadaas oo wata gaadiidka gaashaaman ayaa la wareegay fariisimo ay ku sugnaayeen ciidamada Itoobiya.

4/29/2013 12:35 PM EST
Isniin, Abriil 29, 2013 (HOL) — Madaxweynaha Puntland C/raxmaan Maxamed Maxamuud Faroole ayaa sheegay in dowladda Federaalka iyo maamulka Puntland oo galabta Garoowe ku shiray ay arimo dhowr ah isku mari waayeen.

4/29/2013 11:55 AM EST
Isniin, Abriil 29, 2013 (HOL) — Waxaa goor dhow soo gabagaboobey shir muddo saacado ah qaatay oo ay g Isniin, Abriil 29, 2013 (HOL) — Waxaa goor dhow soo gabagaboobey shir muddo saacado ah qaatay oo ay galabta magaalada Garoowe ku yeesheen wefdi uu horkacayo madaxIsniin, Abriil 29,

4/29/2013 8:09 AM EST
Isniin, Abriil 29, 2013 (HOL) — Golaha wasiirrada Soomaalya ayaa maanta kulan ay ku yeesheen Muqdisho ku meelmariyay magacaabista garyaqaanka guud ee dalka oo loo magacaabay, Dr. Cismaan Cilmi Guuleed, iyadoo ay si aqlabiyad ah isugu raaceen wasiirradii kulanka ka qaybgalay magacaabista garyaqaanka guud ee dalka.

4/29/2013 7:59 AM EST
Isniin, Abriil 29, 2013 (HOL) — Wasiirka Wasaaradda Diinta iyo Aw-qaafta Somaliland Sheekh Khaliil Cabdilaahi Axmed, ayaa sheegay in falal dhaqan xumo ah oo aan hore u jiri jirin ay dalka ku soo badanayaan, isla markaana loo baahan in wax laga qabto si umaddu u dhaqan guurin.

4/29/2013 6:56 AM EST
Isniin, Abriil 29, 2013 (HOL) — Ugu yaraan shan qof oo isugu jiray ciidankii dagaalamay iyo dad shacab ah ayaa ku dhintay dagaal ciidammo ka kala tirsan dowladda Soomaaliya iyo Al-shabaab ku dhexmaray deegaanno ku yaalla goblka Bakool.

4/29/2013 6:22 AM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ay albaabbadu u xiran yihiin kula leh magaalada Garoowe madaxweynaha Puntland, C/raxmaan Sheekh Maxmed Faroole, iyadoo wadahadllada labada madaxweyne ay socdaa muddo saacado ah.

4/29/2013 6:12 AM EST
Isniin, Abriil 29, 2013 (HOL) — Ururka Midowga Yurub iyo Mareykanka ayaa si adag u cambaareeyay dilkii Muqdisho loogu geystay toddobaadkii hore ku-xigeenka garyaqaanka guud ee dalka, Axmed Sheekh Nuur Macallin kaasoo ay mas’uuliyaddiisa sheegatay Xarakada Al-shabaab oo dagaal kula jirta dowladda Soomaaliya.