3/19/2024
Today from Hiiraan Online:  _
Wararka Maanta- Isniin, Apr 29, 2013
Midowga Yurub iyo Dowladda Mareykanka oo si adag u Cambaareeyay dilkii loo geystay ku-xigeenka Garyaqaanka Guud

Isniin, Abriil 29, 2013 (HOL) — Ururka Midowga Yurub iyo Mareykanka ayaa si adag u cambaareeyay dilkii Muqdisho loogu geystay toddobaadkii hore ku-xigeenka garyaqaanka guud ee dalka, Axmed Sheekh Nuur Macallin kaasoo ay mas’uuliyaddiisa sheegatay Xarakada Al-shabaab oo dagaal kula jirta dowladda Soomaaliya.

Afhayeenadda arrimaha siyaasadda dibadda ee Midowga Yurub, Catheron Ashton ayaa ku sheegay war ay soo saartay inay aad uga naxday dila loo geystay ku-xigeenka garyaqaanka guud ee dowladda Soomaaliya, iyadoo tacsi u dirtay qoyskiisa.

“Waxaa inaan la ogolaan weerarrada noocan oo kale ah, kuwaasoo looga gol-leeyahay in lagu nusqaamiyo horumarka ay Soomaaliya ku tallaabsatay,” ayay tiri Ashton oo dowladda ku boorrisay inay sharciga horkeento kuwii ka dambeeyay dilka marxuumka.

Sidoo kale, warka ayaa lagu sheegay in Midowga Yurub ay ka go’an tahay in ay la kala shaqeyso dowladda iyo bulshada caalamka sidii loo taageeri lahaa horumarka dhinaca siyadadda iyo amaanka ah ee ay gaartay Soomaaliya.

Dhanka kale, wakiilka Mareykanka u qaabilsan arrimaha Soomaaliya, danjire James Swan ayaa sheegay inuu aad uga naxay kana xumaaday toogashadii loo geystay ku xigeenkii garyaqaanka guud ee dalka, isagoo sheegay inuu falkaas ahaa mid cadownimo oo ay geystay kooxo ma-naxayaal ah.

Kooxo hubeysan ayaa habeenkii Khamiista ahayd ee lasoo dhaafay ku dilay degmada Yaaqshiid ee Muqdisho, ku xigeenka garyaqaanka guud ee dalka xilli uu kasoo baxay masaajid uu kusoo tukaday salaaddii cishaha.

“Falkii lagu toogtay ku xigeenka garyaqaanka guud ee Somalia wuxuu ahaa mid ka baxsan dhaqanka Soomaalida oo aan oggolayn in la toogto qof kasoo baxay masaajid, wuxuuna sidoo kale xusay inuu ka dhan yahay dadaallada lagu doonayo in lagu soo celiyo nabadda Soomaaliya,” ayuu yiri Swan.

Ugu dambeyn, James Swan ayaa sheegay inay xukuumadda Washington ay sii wadi doonto taageerada ay siiso Soomaaliya, si loogu guuleysto in dib loo soo celiyo nabaddii iyo kala dambeyntii Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/29/2013 2:30 PM EST
Isniin, Abriil 29, 2013 (HOL) — Xoghayaha guud ee Qaramada Midoobay, Ban Ki-Moon ayaa u magacaabay Soomaaliya danjire cusub oo bedeli doona Augustine Phillip Mahiga oo saddex sano wakiil uga ahaa xoghayaha guud arrimaha Soomaaliya, gaar ahaan dhinaca siyaasadda.

4/29/2013 1:53 PM EST
Isniin, Abriil 29, 2013 (HOL) — Madaxweynaha Soomaaliya Xasan Sheekh Maxamuud oo waxyar kahor intii uusan galabta ka dhoofin magaalada Garoowe ee xarunta maamulka Puntland warbaahinta la hadlay, ayaa sheegay inuu ku faraxsan yahay booqashada uu kusoo gaarey Puntland.

4/29/2013 1:17 PM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayay ayaa galabta soo gabagabeeyay socdaal shaqo oo labo maalmood qaatay oo ay ku joogeen xarunta Puntland ee Garoowe, isagoo dib ugu soo laabtay gellinkii dambe ee maanta magaalada Muqdisho.

4/29/2013 1:05 PM EST
Isniin, Abriil 29, 2013 (HOL) — Kaddib markii dowladda Federaalka ee Soomaaliya iyo maamulka Puntland oo 24-tii saac ee ugu dambeeyey magaalada Garoowe shirar gaar gaar ah ku lahaa ay isku mari waayeen arimo dhowr ah, ayaa waxaa soo baxaya warar hordhac ah oo sheegaya in Puntland aysan ka qayb geli doonin shirka arimaha Soomaaliya looga hadli doono ee dhowaan la filayo in uu ka dhaco magaalada London.

4/29/2013 12:55 PM EST
Isniin, Abriil 29, 2013 (HOL) — Maalamahan waxaa magaalada Baydhabo ee gobolka bay soo gaarayay ciidamo ka tirsan kuwa Midowga Afirka ee AMISOM iyagoo ka imaanayay dhinaca magaalada Muqdisho ee xarunta Soomaaliya, ciidamadaas oo wata gaadiidka gaashaaman ayaa la wareegay fariisimo ay ku sugnaayeen ciidamada Itoobiya.

4/29/2013 12:35 PM EST
Isniin, Abriil 29, 2013 (HOL) — Madaxweynaha Puntland C/raxmaan Maxamed Maxamuud Faroole ayaa sheegay in dowladda Federaalka iyo maamulka Puntland oo galabta Garoowe ku shiray ay arimo dhowr ah isku mari waayeen.

4/29/2013 12:17 PM EST
Isniin, Abriil 29, 2013 (HOL) — Wasiirka Arrimaha gudaha Somaliland, Mr: Maxamed Nuur Caraale (Duur), oo maanta golaha Wakiiladda Horyimid ayaa ka warbixiyey saddexdii bilood ee ina dhaaftay wixii u qabsoomay, waxaanu sheegay inay ciidan badan oo boolis ah ay tobabaro aqoontooda kor loogu qaadayo usoo xidheen, isla markaana aanay wax amni daro ahi aanay deegaanka ka jirin.

4/29/2013 11:55 AM EST
Isniin, Abriil 29, 2013 (HOL) — Waxaa goor dhow soo gabagaboobey shir muddo saacado ah qaatay oo ay g Isniin, Abriil 29, 2013 (HOL) — Waxaa goor dhow soo gabagaboobey shir muddo saacado ah qaatay oo ay galabta magaalada Garoowe ku yeesheen wefdi uu horkacayo madaxIsniin, Abriil 29,

4/29/2013 8:09 AM EST
Isniin, Abriil 29, 2013 (HOL) — Golaha wasiirrada Soomaalya ayaa maanta kulan ay ku yeesheen Muqdisho ku meelmariyay magacaabista garyaqaanka guud ee dalka oo loo magacaabay, Dr. Cismaan Cilmi Guuleed, iyadoo ay si aqlabiyad ah isugu raaceen wasiirradii kulanka ka qaybgalay magacaabista garyaqaanka guud ee dalka.

4/29/2013 7:59 AM EST
Isniin, Abriil 29, 2013 (HOL) — Wasiirka Wasaaradda Diinta iyo Aw-qaafta Somaliland Sheekh Khaliil Cabdilaahi Axmed, ayaa sheegay in falal dhaqan xumo ah oo aan hore u jiri jirin ay dalka ku soo badanayaan, isla markaana loo baahan in wax laga qabto si umaddu u dhaqan guurin.

4/29/2013 6:56 AM EST
Isniin, Abriil 29, 2013 (HOL) — Ugu yaraan shan qof oo isugu jiray ciidankii dagaalamay iyo dad shacab ah ayaa ku dhintay dagaal ciidammo ka kala tirsan dowladda Soomaaliya iyo Al-shabaab ku dhexmaray deegaanno ku yaalla goblka Bakool.

4/29/2013 6:22 AM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ay albaabbadu u xiran yihiin kula leh magaalada Garoowe madaxweynaha Puntland, C/raxmaan Sheekh Maxmed Faroole, iyadoo wadahadllada labada madaxweyne ay socdaa muddo saacado ah.