3/28/2024
Today from Hiiraan Online:  _
Wararka Maanta- Isniin, Apr 1 , 2013
MADAXWEYNAHA SOOMAALIYA: “Qofkii Dhul Dowladeed haysta hadda ha iska sii Isticmaalo; balse markii loo baahdo looma dhaafayo”


Isniin, Abriil 01, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in dhulkii ay dowladdu lahayd wixii ka horreeyay 1991-kii ay weli yihiin dhul ay dowladdu leedahay, isagoo sheegay in markii ay dowladdu u baahato aysan cidna u dhaafay.

Khudbadda uu madaxweynuh ka jeediyay shirka ayuu kaga hadlay hantida la kala haysto, isagoo sheegay in inta muwaadin Soomaaliyeed la haysto hantidiisa uusan dalkan noqon doonin mid dega, balse loo baahan yahay in garsoorka la dajinayo uu noqdo mid kala saara labadaas qof.

“Inta muwaadin Soomaaliyeed hantidiisa la haysto, gurigiisa la haysto, beertiis la heysto, Soomaaliya ma dageyso, waa in laga shaqeeyaa sidii la isugu celin lahaa hantidaas la kala heysto,” ayuu yiri madaxweynaha Soomaaliya Xasan Sheekh.

Madaxweynaha ayaa ku baaqay in hantida la kala qaatay la isku celiyo oo qof walba uu helo wixii uu xaqa u lahaa ee uu haystay sharciga, wuxuuna ku daray inaas in wixii ka dambeeyay 26-kii Janaayo 1991-dii dhulkii dowladdua ay lahayd uu yahay dhul dowladeed oo dowladdu markii ay doonto ay dib ula soo laabanayso.

“Dhulkii dowladdu lahayd wixii ka horreeyay 1991-kii dowladda ayaa iska leh, qofka haysta ee ka dhigtay guriga, goobta shaqo ama garaashka waxaan leennahay hadda iska hayso, balse haddii ay dowladdu u baahato wa lagaa qaadayaa oo laguuma dhaafayo,” ayuu madaxweynuhu ku yiri hadalkii uu shirka ka jeediyay.

Magaalada Muqdisho ayaa waxaa ku yaalla dhulal badan oo dowladdu lahayd oo dhismayaal ganacsi laga sameystay iyo kuwo kale oo deegaan laga dhigtay iyadoo dowladdu ay billowday inay dib uga kiciso goobahaas qaarkood dadkii deggenaa 22-kii sano ee colaaduhu ay jireen.

Ugu dambeyn; madaxweynuhu  wuxuu ha hadlay habka federaaliga ah iyo sidii dalka oo dhan lagu gaarsiin lahaa, isagoo sheegay in arrintu aysan taagnayn in federaalka la qaato iyo inaan la qaadan, balse loo baahan yahay in laga fikiro sidii loo hirgelin lahaa.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/1/2013 2:06 PM EST
Isniin, Abriil 01, 2013 (HOL) — Xukuumadda Somaliland ayaa sheegtay in dowladda Turkigu ay qabanayso shir lagu sii ambaqadayo wadahadaladdii horay ugu billowday dowladda Soomaaliya iyo Somaliland kuwaasoo muddo ku jiray hakad.

4/1/2013 11:50 AM EST
Isniin, Abriil 01, 2013 (HOL) — Wafdi ka socda dalka Finland ayaa maanta soo gaaray Muqdisho, iyagoo la kulmay mas’uuliyiinta dowladda oo uu ka mid yahay madaxweyne Xasan Sheekh Maxamuud, waxanaa kulanka oo ka dhacay xarunta madaxtooyada looga hadlay intiisa badan iskaashiga iyo xiriirka u dhexeeya Somaaliya iyo Finland.

4/1/2013 9:58 AM EST
Isniin, Abriil 01, 2013 (HOL) — Wararka laga hellayo degmada Buula-burte ee xarunta gobolka Hiiraan ayaa sheegaya in dab xoogan khasaare hantiyeed geystay oo uu qabsaday goobo ganacsi oo ku yaala degmada.

4/1/2013 9:37 AM EST
Isniin, Abriil 01, 2013 (HOL) — Sarkaal ka tirsan ciidamada Uganda ee ka midka ah AMISOM ayaa sheegay inay gobolka Shabeellada Hoose ku dileen sarkaal sare oo ka tiranaa Xarakada Al-shabaab, kaasoo la socda gaadiid ay leedahay Al-shabaab oo marayay deegaanno ka tirsan Shabeellada Hoose.

4/1/2013 9:25 AM EST
Isniin, Abriil 01, 2013 (HOL) — Maxkamadda sare ee ciidamadda Milatariga Somaliland, ayaa xukunno kala duwan ku xukuntay koox dabley ahayd oo sanadkii hore soo weeraray xero ciidanku leeyahay.

4/1/2013 9:22 AM EST
Isniin, Abriil 01, 2013 (HOL) — Deeq lacageed ayaa lasoo gaarsiiyay qoys dan-yar ah oo gurigii ay galayeen ama deggenaayeen uu kaga gubtay magaalada Boorama ee gobolka Awdal, iyadoo qoyskaas ay kaalmo deg-deg ah weydiistay walaalahooda Soomaaliyeed.

4/1/2013 9:17 AM EST
Isniin, Abriil 01, 2013 (HOL) — Baarlamaanka Soomaaliya ayaa maanta u yeeray wasiirka arrimaha gudaha iyo amniga Qaranka si wax looga weydiiyo maydad lasoo dhigay waddooyinka Muqdisho, kuwaasoo la sheegay in laga baxay xabsiyo ku yaalla Muqdisho lana toogtay.

4/1/2013 9:10 AM EST
Isniin, Abriil 01, 2013 (HOL) —Ra’iisul wasaaraha Soomaaliya oo dib ugu soo laabtay Muqdisho kaddib socdaal laba maalmood qaatay oo uu ku tagay gobolka Gedo ayaa wuxuu soo saaray wareegto uu ku magacaabay maamul KMG ah oo uu yeesho gobolka Gedo.

4/1/2013 5:58 AM EST
Isniin, Abriil 01, 2013 (HOL) — Nin lagu magacaabo Cabdulaahi Cabdulqaadir Warsame oo muddo 19 maalmood ah afduub loogu haystey magaalada Garoowe ee xarunta maamulka Puntland, ayaa shalay dib xoriyadiisa u helay.

4/1/2013 5:55 AM EST
Isniin, Abriil 01, 2013 (HOL) — Ciidamada booliska ee degmada Garoowe ayaa gelinkii danbe ee shalay gacanta ku dhigay labo nin oo ka tirsanaa koox dabley ah oo asbuucii lasoo dhaafay fal-danbiyeed dhac iyo dil isugu jira ka geystey xarunta xawaaladda KAAH ee magaalada Boosaaso.

4/1/2013 5:48 AM EST
Isniin, Abriil 01, 2013 (HOL) — Madaxweyne Xasan Sheekh Maxamuud ayaa si rasmi ah u furay goor-dhaweyd shirweynaha dib u habeynta garsoorka dalka oo socon doona muddo shan maalmood ah, kaasoo looga hadlayo sida ugu habboon ee garsoorka loogu kalsoonaan karo.

4/1/2013 2:15 AM EST
Isniin, Abriil 01, 2013 (HOL) — Shirweyne qabashadiisa uu ku dhawaaqay madaxweynaha Soomaaliya, Xasan Sheekh Maxamuud bishii Feberaayo ee sannadkan oo looga tashanayo sidii dib u habeyn loogu sameyn lahaa garsoorka dalka ayaa manta ka furmaya Muqdisho.