3/19/2024
Today from Hiiraan Online:  _
Wararka Maanta- Isniin, Apr 1 , 2013
Dab Khasaare Geystay oo Xalay ka kacay Magaalada Buula-burte ee Gobolka Hiiraan oo ay ka Taliso Al-shabaab

Isniin, Abriil 01, 2013 (HOL) — Wararka laga hellayo degmada Buula-burte  ee xarunta gobolka Hiiraan ayaa sheegaya in dab xoogan khasaare hantiyeed geystay oo uu qabsaday goobo ganacsi oo ku yaala degmada.

Dad  ku sugan degmada ayaa HOL u sheegay in dab-ka oo ka bilaawday kaalin shidaal lagu iibiyo oo aan ka fogeyn Buundada degmada Buula-burte, waxaana uu si fudub ugu fiday dhamaan goobihii ganacsiga ka ag-dhawaan halka uu dab-ka bilaawday.

“Ilaa Toban dukaan ayaa baabi’iyay dab-ka oo marba marka ka daneysay sii xoogeysanayay, dadka degmada oo meelo kala duwan ka soo gurmaday ayaa markii danbe ku guuleystay in ay damiyaan,’’ ayuu yiri qof ku sugan degmada Buula-burte.

Dhab ahaan looma inta uu la eg yahay khasaaraha uu geystay dabka hasse ahaatee waxaa la sheegay in uu  bur buriyay hantidii ku jirtay ilaa Toban dukaan oo ku tiilay agagarka kaalinta shidaalka ee uu dabka ka kacay.

Degmada Buula-burte waxaa gacanta ku haya kooxda Al-shabaab, mana jiro ilaa hadda wax war ah oo ka soo saareen dabka khasaaraha geystay ee xalay ka kacay degmada.

C/raxmaan Diini, Hiiraan Online
[email protected]
Baladweyne, Soomaaliya

 


 

 













Click here
4/1/2013 2:36 PM EST
Isniin, Abriil 01, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in dhulkii ay dowladdu lahayd wixii ka horreeyay 1991-kii ay weli yihiin dhul ay dowladdu leedahay, isagoo sheegay in markii ay dowladdu u baahato aysan cidna u dhaafay.

4/1/2013 2:06 PM EST
Isniin, Abriil 01, 2013 (HOL) — Xukuumadda Somaliland ayaa sheegtay in dowladda Turkigu ay qabanayso shir lagu sii ambaqadayo wadahadaladdii horay ugu billowday dowladda Soomaaliya iyo Somaliland kuwaasoo muddo ku jiray hakad.

4/1/2013 11:50 AM EST
Isniin, Abriil 01, 2013 (HOL) — Wafdi ka socda dalka Finland ayaa maanta soo gaaray Muqdisho, iyagoo la kulmay mas’uuliyiinta dowladda oo uu ka mid yahay madaxweyne Xasan Sheekh Maxamuud, waxanaa kulanka oo ka dhacay xarunta madaxtooyada looga hadlay intiisa badan iskaashiga iyo xiriirka u dhexeeya Somaaliya iyo Finland.

4/1/2013 9:37 AM EST
Isniin, Abriil 01, 2013 (HOL) — Sarkaal ka tirsan ciidamada Uganda ee ka midka ah AMISOM ayaa sheegay inay gobolka Shabeellada Hoose ku dileen sarkaal sare oo ka tiranaa Xarakada Al-shabaab, kaasoo la socda gaadiid ay leedahay Al-shabaab oo marayay deegaanno ka tirsan Shabeellada Hoose.

4/1/2013 9:25 AM EST
Isniin, Abriil 01, 2013 (HOL) — Maxkamadda sare ee ciidamadda Milatariga Somaliland, ayaa xukunno kala duwan ku xukuntay koox dabley ahayd oo sanadkii hore soo weeraray xero ciidanku leeyahay.

4/1/2013 9:22 AM EST
Isniin, Abriil 01, 2013 (HOL) — Deeq lacageed ayaa lasoo gaarsiiyay qoys dan-yar ah oo gurigii ay galayeen ama deggenaayeen uu kaga gubtay magaalada Boorama ee gobolka Awdal, iyadoo qoyskaas ay kaalmo deg-deg ah weydiistay walaalahooda Soomaaliyeed.

4/1/2013 9:17 AM EST
Isniin, Abriil 01, 2013 (HOL) — Baarlamaanka Soomaaliya ayaa maanta u yeeray wasiirka arrimaha gudaha iyo amniga Qaranka si wax looga weydiiyo maydad lasoo dhigay waddooyinka Muqdisho, kuwaasoo la sheegay in laga baxay xabsiyo ku yaalla Muqdisho lana toogtay.

4/1/2013 9:10 AM EST
Isniin, Abriil 01, 2013 (HOL) —Ra’iisul wasaaraha Soomaaliya oo dib ugu soo laabtay Muqdisho kaddib socdaal laba maalmood qaatay oo uu ku tagay gobolka Gedo ayaa wuxuu soo saaray wareegto uu ku magacaabay maamul KMG ah oo uu yeesho gobolka Gedo.

4/1/2013 5:58 AM EST
Isniin, Abriil 01, 2013 (HOL) — Nin lagu magacaabo Cabdulaahi Cabdulqaadir Warsame oo muddo 19 maalmood ah afduub loogu haystey magaalada Garoowe ee xarunta maamulka Puntland, ayaa shalay dib xoriyadiisa u helay.

4/1/2013 5:55 AM EST
Isniin, Abriil 01, 2013 (HOL) — Ciidamada booliska ee degmada Garoowe ayaa gelinkii danbe ee shalay gacanta ku dhigay labo nin oo ka tirsanaa koox dabley ah oo asbuucii lasoo dhaafay fal-danbiyeed dhac iyo dil isugu jira ka geystey xarunta xawaaladda KAAH ee magaalada Boosaaso.

4/1/2013 5:48 AM EST
Isniin, Abriil 01, 2013 (HOL) — Madaxweyne Xasan Sheekh Maxamuud ayaa si rasmi ah u furay goor-dhaweyd shirweynaha dib u habeynta garsoorka dalka oo socon doona muddo shan maalmood ah, kaasoo looga hadlayo sida ugu habboon ee garsoorka loogu kalsoonaan karo.

4/1/2013 2:15 AM EST
Isniin, Abriil 01, 2013 (HOL) — Shirweyne qabashadiisa uu ku dhawaaqay madaxweynaha Soomaaliya, Xasan Sheekh Maxamuud bishii Feberaayo ee sannadkan oo looga tashanayo sidii dib u habeyn loogu sameyn lahaa garsoorka dalka ayaa manta ka furmaya Muqdisho.