3/19/2024
Today from Hiiraan Online:  _
Wararka Maanta- Isniin, Apr 1 , 2013
AMSIOM oo sheegtay in ay Gobolka Shabeellada Hoose ku dileen Sarkaal sare oo ka Tirsanaa Al-shabaab iyo Ilaaladiisii

Isniin, Abriil 01, 2013 (HOL) — Sarkaal ka tirsan ciidamada Uganda ee ka midka ah AMISOM ayaa sheegay inay gobolka Shabeellada Hoose ku dileen sarkaal sare oo ka tiranaa Xarakada Al-shabaab, kaasoo la socda gaadiid ay leedahay Al-shabaab oo marayay deegaanno ka tirsan Shabeellada Hoose.

Maj. Henry Obbo oo ka tirsan xafiiska warfaafinta AMISOM ayaa sheegay in weerar qorsheysan ku dilaan sarkaalka ka tirsan Al-shabaab oo magaciisa uu ku sheegay Maxamed Abuu-Saciid.

Sarkaalka u hadlay AMISOM ayaa sheegay inay ku dileen Abuu-Siciid meel 70-KM Koonfur-galbeed kaga beegan caasimada Soomaaliya ee Muqdisho, sidoo kalena ay dileen ilaalo la socotay.

“Taliye sare oo Al-shabaab ka tirsan laguna magacaabo, Maxamed Abuu-Saciid iyo qaar ka mid ah ilaaladiisa ayaan ku dilnay weerar ay ciidammo ka tirsan AMISOM ku qaadeen deegaan uu si dhuumaaleysi ah ku marayay,” ayuu yiri Maj. Obbo.

Sidoo kale Maj. Obbo wuxuu intaas ku daray inay gacanta ku dhigeen hub, dareys ciidan iyo qalab isgaarsiineed oo ay wateen sarkaalkan iyo ilaaladii la socotay, inkastoo uusan sheegain ilaalada la socotay tiradooda.

“Hogaamiyahan geeriyooday wuxuu watay illaa 50 dagaalyahan oo ka tirsan Al-shabaab; waxayna ka howlgalayeen inta u dhexeysa gobolka Shabeellada Hoose iyo gobolka Bay, waxaan helnay xogo ku saabsan arrintooda waana ku guuleysannay inaan dilno,” ayuu Maj. Obbo hadalkiisa ku daray.

Xarakada Al-shabaab ayaan ka hadlin sarkaalka ay sheegtay AMISOM inay ku dileen weerar gaadmo ah oo ay ku qaadeen, waxaase dhowr jeer oo hore ay saraakiisha ciidamada Midowga Afrika sheegeen inay weerarro noocan oo kale ay ku dileen saraakiil Al-shabaab ka tirsan.

Hadalka kasoo yeeray sarkaalka ka tirsan AMISOM ayaa kusoo beegmaya iyadoo Al-shabaab ay maalin ka hor sheegeen inay ku dileen siddeed askari oo isugu jira Somali iyo Afrikaan ku dileen weerarro ay ku qaadeen deegaanno ka tirsan gobolka Shabeellada Hoose.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/1/2013 2:36 PM EST
Isniin, Abriil 01, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in dhulkii ay dowladdu lahayd wixii ka horreeyay 1991-kii ay weli yihiin dhul ay dowladdu leedahay, isagoo sheegay in markii ay dowladdu u baahato aysan cidna u dhaafay.

4/1/2013 2:06 PM EST
Isniin, Abriil 01, 2013 (HOL) — Xukuumadda Somaliland ayaa sheegtay in dowladda Turkigu ay qabanayso shir lagu sii ambaqadayo wadahadaladdii horay ugu billowday dowladda Soomaaliya iyo Somaliland kuwaasoo muddo ku jiray hakad.

4/1/2013 11:50 AM EST
Isniin, Abriil 01, 2013 (HOL) — Wafdi ka socda dalka Finland ayaa maanta soo gaaray Muqdisho, iyagoo la kulmay mas’uuliyiinta dowladda oo uu ka mid yahay madaxweyne Xasan Sheekh Maxamuud, waxanaa kulanka oo ka dhacay xarunta madaxtooyada looga hadlay intiisa badan iskaashiga iyo xiriirka u dhexeeya Somaaliya iyo Finland.

4/1/2013 9:58 AM EST
Isniin, Abriil 01, 2013 (HOL) — Wararka laga hellayo degmada Buula-burte ee xarunta gobolka Hiiraan ayaa sheegaya in dab xoogan khasaare hantiyeed geystay oo uu qabsaday goobo ganacsi oo ku yaala degmada.

4/1/2013 9:25 AM EST
Isniin, Abriil 01, 2013 (HOL) — Maxkamadda sare ee ciidamadda Milatariga Somaliland, ayaa xukunno kala duwan ku xukuntay koox dabley ahayd oo sanadkii hore soo weeraray xero ciidanku leeyahay.

4/1/2013 9:22 AM EST
Isniin, Abriil 01, 2013 (HOL) — Deeq lacageed ayaa lasoo gaarsiiyay qoys dan-yar ah oo gurigii ay galayeen ama deggenaayeen uu kaga gubtay magaalada Boorama ee gobolka Awdal, iyadoo qoyskaas ay kaalmo deg-deg ah weydiistay walaalahooda Soomaaliyeed.

4/1/2013 9:17 AM EST
Isniin, Abriil 01, 2013 (HOL) — Baarlamaanka Soomaaliya ayaa maanta u yeeray wasiirka arrimaha gudaha iyo amniga Qaranka si wax looga weydiiyo maydad lasoo dhigay waddooyinka Muqdisho, kuwaasoo la sheegay in laga baxay xabsiyo ku yaalla Muqdisho lana toogtay.

4/1/2013 9:10 AM EST
Isniin, Abriil 01, 2013 (HOL) —Ra’iisul wasaaraha Soomaaliya oo dib ugu soo laabtay Muqdisho kaddib socdaal laba maalmood qaatay oo uu ku tagay gobolka Gedo ayaa wuxuu soo saaray wareegto uu ku magacaabay maamul KMG ah oo uu yeesho gobolka Gedo.

4/1/2013 5:58 AM EST
Isniin, Abriil 01, 2013 (HOL) — Nin lagu magacaabo Cabdulaahi Cabdulqaadir Warsame oo muddo 19 maalmood ah afduub loogu haystey magaalada Garoowe ee xarunta maamulka Puntland, ayaa shalay dib xoriyadiisa u helay.

4/1/2013 5:55 AM EST
Isniin, Abriil 01, 2013 (HOL) — Ciidamada booliska ee degmada Garoowe ayaa gelinkii danbe ee shalay gacanta ku dhigay labo nin oo ka tirsanaa koox dabley ah oo asbuucii lasoo dhaafay fal-danbiyeed dhac iyo dil isugu jira ka geystey xarunta xawaaladda KAAH ee magaalada Boosaaso.

4/1/2013 5:48 AM EST
Isniin, Abriil 01, 2013 (HOL) — Madaxweyne Xasan Sheekh Maxamuud ayaa si rasmi ah u furay goor-dhaweyd shirweynaha dib u habeynta garsoorka dalka oo socon doona muddo shan maalmood ah, kaasoo looga hadlayo sida ugu habboon ee garsoorka loogu kalsoonaan karo.

4/1/2013 2:15 AM EST
Isniin, Abriil 01, 2013 (HOL) — Shirweyne qabashadiisa uu ku dhawaaqay madaxweynaha Soomaaliya, Xasan Sheekh Maxamuud bishii Feberaayo ee sannadkan oo looga tashanayo sidii dib u habeyn loogu sameyn lahaa garsoorka dalka ayaa manta ka furmaya Muqdisho.