3/28/2024
Today from Hiiraan Online:  _
Wararka Maanta- Isniin, Apr 1 , 2013
Shirweyne looga hadlayo dib u habeyn lagu sameeyo Garsoorka oo Maanta ka Furmaha Magaalada Muqdisho

Isniin, Abriil 01, 2013 (HOL) — Shirweyne qabashadiisa uu ku dhawaaqay madaxweynaha Soomaaliya, Xasan Sheekh Maxamuud bishii Feberaayo ee sannadkan oo looga tashanayo sidii dib u habeyn loogu sameyn lahaa garsoorka dalka ayaa manta ka furmaya Muqdisho.

Kulankan oo socon doona muddo shan maalmood ah ayaa waxaa looga hadli doonaa sida ugu habboon ee garsoorka dalka wax ka bedel loogu sameyn lahaa iyo sidii sharciyada dalka loo waafajin lahaa dastuurka iyo Diinta.

Sharci-yaqaannno, aqoonyahanno, culummaa’uddiin, oday dhaqameedyo iyo qeybo kale oo bulshada ka tirsan ayaa ka qaybgalaya shirka, iyadoo inta uu socdo la dhageysan doono fikirka ay bixiyaan qaybaha shirka ka qaybgalaya.

Madaxweynaha Soomaaliya, Xasan Sheekh ayaa lagu wadaa inuu shirka furo isagoo saakay kasoo laabtay safar uu toddobaadkii ugu kicitimay dibadda oo uu kusoo maray dalalka Qatar iyo Imaaraadka Carabta.

“Garsoorku waa halka keliya ee laga hagi karo sharciga dalka, marka haddii uusan garsoorku u shaqeyn sidii loo baahnaa, ma dhacayso in cadaalad la helo,” ayuu madaxweynaha Soomaaliya horay u sheegay isagoo xusay inay wadaan qorshayaal ay dib ugu habeynayaan garsoorka.

Fikradaha kasoo baxa shirka ayaa waxaa lagu wadaa in loo adeegsado dib u habeyn lagu sameeyo garsoorka, sidii lagu sheegay warsaxaafadeed lagu iclaamiyay qabsoomidda shirkan oo Sabtidii kasoo baxay madaxtooyada Soomaaliya.

Ammaanka Hoteelka Jaziira oo uu shirku ka dhacayo ayaa aad loo adkeeyay iyadoo waddooyinka hoteelkaas gala la dhigay ciidammo isugu jira AMSIOM iyo kuwa dowladda Soomaaliya, waxaana shirkan furmitaankiisa uu kusoo beegmayaa ra’iisul wasaaraha oo safar ugu maqan gobolka Gedo.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/1/2013 2:36 PM EST
Isniin, Abriil 01, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in dhulkii ay dowladdu lahayd wixii ka horreeyay 1991-kii ay weli yihiin dhul ay dowladdu leedahay, isagoo sheegay in markii ay dowladdu u baahato aysan cidna u dhaafay.

4/1/2013 2:06 PM EST
Isniin, Abriil 01, 2013 (HOL) — Xukuumadda Somaliland ayaa sheegtay in dowladda Turkigu ay qabanayso shir lagu sii ambaqadayo wadahadaladdii horay ugu billowday dowladda Soomaaliya iyo Somaliland kuwaasoo muddo ku jiray hakad.

4/1/2013 11:50 AM EST
Isniin, Abriil 01, 2013 (HOL) — Wafdi ka socda dalka Finland ayaa maanta soo gaaray Muqdisho, iyagoo la kulmay mas’uuliyiinta dowladda oo uu ka mid yahay madaxweyne Xasan Sheekh Maxamuud, waxanaa kulanka oo ka dhacay xarunta madaxtooyada looga hadlay intiisa badan iskaashiga iyo xiriirka u dhexeeya Somaaliya iyo Finland.

4/1/2013 9:58 AM EST
Isniin, Abriil 01, 2013 (HOL) — Wararka laga hellayo degmada Buula-burte ee xarunta gobolka Hiiraan ayaa sheegaya in dab xoogan khasaare hantiyeed geystay oo uu qabsaday goobo ganacsi oo ku yaala degmada.

4/1/2013 9:37 AM EST
Isniin, Abriil 01, 2013 (HOL) — Sarkaal ka tirsan ciidamada Uganda ee ka midka ah AMISOM ayaa sheegay inay gobolka Shabeellada Hoose ku dileen sarkaal sare oo ka tiranaa Xarakada Al-shabaab, kaasoo la socda gaadiid ay leedahay Al-shabaab oo marayay deegaanno ka tirsan Shabeellada Hoose.

4/1/2013 9:25 AM EST
Isniin, Abriil 01, 2013 (HOL) — Maxkamadda sare ee ciidamadda Milatariga Somaliland, ayaa xukunno kala duwan ku xukuntay koox dabley ahayd oo sanadkii hore soo weeraray xero ciidanku leeyahay.

4/1/2013 9:22 AM EST
Isniin, Abriil 01, 2013 (HOL) — Deeq lacageed ayaa lasoo gaarsiiyay qoys dan-yar ah oo gurigii ay galayeen ama deggenaayeen uu kaga gubtay magaalada Boorama ee gobolka Awdal, iyadoo qoyskaas ay kaalmo deg-deg ah weydiistay walaalahooda Soomaaliyeed.

4/1/2013 9:17 AM EST
Isniin, Abriil 01, 2013 (HOL) — Baarlamaanka Soomaaliya ayaa maanta u yeeray wasiirka arrimaha gudaha iyo amniga Qaranka si wax looga weydiiyo maydad lasoo dhigay waddooyinka Muqdisho, kuwaasoo la sheegay in laga baxay xabsiyo ku yaalla Muqdisho lana toogtay.

4/1/2013 9:10 AM EST
Isniin, Abriil 01, 2013 (HOL) —Ra’iisul wasaaraha Soomaaliya oo dib ugu soo laabtay Muqdisho kaddib socdaal laba maalmood qaatay oo uu ku tagay gobolka Gedo ayaa wuxuu soo saaray wareegto uu ku magacaabay maamul KMG ah oo uu yeesho gobolka Gedo.

4/1/2013 5:58 AM EST
Isniin, Abriil 01, 2013 (HOL) — Nin lagu magacaabo Cabdulaahi Cabdulqaadir Warsame oo muddo 19 maalmood ah afduub loogu haystey magaalada Garoowe ee xarunta maamulka Puntland, ayaa shalay dib xoriyadiisa u helay.

4/1/2013 5:55 AM EST
Isniin, Abriil 01, 2013 (HOL) — Ciidamada booliska ee degmada Garoowe ayaa gelinkii danbe ee shalay gacanta ku dhigay labo nin oo ka tirsanaa koox dabley ah oo asbuucii lasoo dhaafay fal-danbiyeed dhac iyo dil isugu jira ka geystey xarunta xawaaladda KAAH ee magaalada Boosaaso.

4/1/2013 5:48 AM EST
Isniin, Abriil 01, 2013 (HOL) — Madaxweyne Xasan Sheekh Maxamuud ayaa si rasmi ah u furay goor-dhaweyd shirweynaha dib u habeynta garsoorka dalka oo socon doona muddo shan maalmood ah, kaasoo looga hadlayo sida ugu habboon ee garsoorka loogu kalsoonaan karo.