2014-10-02
Today from Hiiraan Online:  _
Wararka Maanta- Axad, Sept 15, 2013
Kulan ay Xubnaha Baarlamaanka yeelan lahaayeen Maanta oo baaqday iyo Xildhibaan ka hadlay baaqashada kulankaas


Axad, September 15, 2013 (HOL) — Kulan uu baarlamaanka Soomaaliya ku yeelan lahaa maanta xaruntiisa Muqdisho ayaa baaqday kaddib markii ay iman waayeen xildhibaannadii uu ku furmi lahaa kooramka, iyadoo mid ka mid ah mudanayaasha baarlamaanka uu ka hadlay arrintan.

Xildhibaannadii kulanka yimid ayaa waxaa markii uu kooramku buuxsami waayay kala diray guddoomiye ku xigeenka koowaad ee golaha shacabka, Jeylaani Nuur Iikar oo xusay in dastuurka uu qabo in kooramka marka uu buuxsamo uu shirku furmi karo.

Guddoomiyaha guddiga warfaafinta ee baarlamaanka Soomaaliya, Cabdi Xaashi Cabdullaahi oo warbaahinta kula hadlay xarunta baarlamaanka ayaa sheegay in xildhibaannnadu ay u muuqdaan kuwo gudan waayay howshii loo idmaday, maadaama uu kulankii maanta u baaqday kooram la’aan.

“Waxaan leeyahay sababta uu kulanku u baaqday waa inay imaan waayeen tiradii xildhibaannada ahaa ee loo baahnaa si uu shirku u furmo, taasna waa mid ceeb weyn ku ah xildhibaannada, waxay muujinaysaa inaysan xubnaha baarlamaanku gudan waajibaadkii ay shacabku saareen,” ayuu yiri Cabdi Xaashi.

Sidoo kale, xildhibaanku wuxuu sheegay in xildhibaannada aysan xilliga la ballamiyo oo ah 9:00 aroornimo aysan imaan, balse ay yimaadaan intooda badan 12:00 duhurnimo, taasoo dib u dhac ku keenta xilligii uu kulanku socon lahaa.

“Guddoonka sare ee baarlamaanka waxaan ku boorinaynaa inay xilliga ku adkeeyaan xildhibaannada, si aanu dib u dhac ugu imaan kulammada, sidoo kalena ay ka hortagaan in xildhibaannadu ay danahooda raacdaan iyadoo uu jiro shir,” ayuu hadalkiisa raaciyay guddoomiyaha guddiga warfaafinta ee baarlamaanka Soomaaliya.

Kulanka maanta baaqday ayaa wuxuu noqonayaa kii ugu horreeyay eek al-fadhiga saddexaad ee baarlamaanka oo 10-kii bishan furmay, iyadoo baaqshada kulankan ay timid xilli ay inta badan xildhibaannada baarlmaanku ku sugan yihiin magaalada Muqdisho.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-09-15 3:10 PM EST
Axad, September 15, 2013 (HOL) — Dajire Nicholas Kay oo ah wakiilka gaarka ah ee u qaabilsan Qaramada Midoobay Soomaaliya ayaa sheegay in shirka Somalia loogu qabanayo magaalada Brussels ee dalka Belgium uu yahay mid muhiimad weyn u leh Soomaaliya uuna ka duwan yahay shirarkii horay loogu qaban jiray.

2013-09-15 1:34 PM EST
Axad, September 15, 2013 (HOL) — Ugu yaraan shan qof ayaa ku geeriyooday 30 qof oo kalena wy ku dhaawacmeen shil gaari oo ka dhacay deegaanka kala-bayrka oo ku yaalla duleedka degmada Buulo-burte ee gobolka Hiiraan.

2013-09-15 12:43 PM EST
Axad, September 15, 2013 (HOL) — Madaxweynaha Somaliland, Axmed Maxamed Maxamuud (Silaanyo), ayaa maanta xadhiga ka jaray, qaar kalana dhagax dhigay mashaariic fara badan oo laga hirgaliyey magaaladda Berbera ee gobolka Saaxil.

2013-09-15 11:37 AM EST
Axad, September 15, 2013 (HOL) — Magaalada Baydhabo ee xarunta u ah gobolka Bay ayaa waxaa ka socda abaabulka dibadbax looga soo horjeedo shirka shirka Brussels ka furmaya, kaasoo lagu wado inuu berri magaaladaas ka dhaco.

2013-09-15 11:21 AM EST
Axad, September 15, 2013 (HOL) — Shirkadda SKA Air & Logistic oo haysay garoonka maamulka Muqdisho saddexdii sano ee lasoo dhaafay ayaa maanta ku wareejisay howlaha garoonka iyo maamulkiisa shirkad lagu magacaabo FAVORI LLC oo laga leeyahay dalka Turkiga, taasoo dib u habeyn ku sameyn doona garoonka.

2013-09-15 11:20 AM EST
Axad, September 15, 2013 (HOL) — Wasiirka arrimha gudaha iyo amniga Qaranka, C/kariin Xuseen Guuleed iyo xubno wasiirro ah ayaa kormeer ku sameeyay maanta mashruuca dowladda Turkiga ay ka waddo magaalada Muqdisho kaasoo lagu dayactirayo waddooyinka muhiimka ah, isagoo uga mahadceliyay dowladda Turkiga howsha dayactirka ah ee ay waddo.

2013-09-15 11:20 AM EST
Axad, Sebtember 15, 2013 (HOL)-Kulan looga hadlayey sidii loo adkeyn lahaa ammaanka gobolka Mudug aya maanta ka dhacay magaala madaxda gobolkaas ee Gaalkacayo.

2013-09-15 10:47 AM EST
Axad, September 15, 2013 (HOL) —Dowladda Soomaaliya ayaa maanta xabsiga dhigtay, Sheekh C/qaadir Maxamed Soomoow oo ka mid ahaa culummada Ahlusunna waljamaaca garabkooda Muqdisho, iyadoo aan la ogeyn sababta ramsi ah ee loo xiray.

2013-09-15 10:25 AM EST
Axad, September 15, 2013 (HOL) — Madaxweynaha Somalia, Xasan Sheikh Maxamud iyo wafdi heer sare ah oo uu hoggaaminayo ayaa maanta gaaray magaalada Brussels ee xarunta dalka Belgium, halkaasoo uu maalinta berri ah ka furmayo shirka higsiga cusub ee Soomaaliya.

2013-09-15 10:15 AM EST
Axad, Sebtember 15, 2013 (HOL)- Wefdi uu horkacayo madaxweynaha Puntland C/raxmaan Sheekh Maxamed (Faroole) ayaa maanta gaarey xarunta dalka Biljamka ee Brusells, halkaasoo uu berri ka furmayo shirka New Deal ee looga hadlayo sanadkan dib-u-dhiska dalka Soomaaliya.

2013-09-15 3:49 AM EST
Axad, September 15, 2013 (HOL) — Shirkad laga leeyahay dalka Turkiga oo lagu magacaabo FAVORI LLC ayaa maanta si rasmi ah ula wareegaysa gacan ku haynta maamulka garoonka diyaaradaha caalamiga ah ee Muqdisho, iyadoo xilka kala wareegaysa shirkadda SKA Air & Logistic oo saddexdii sano ee lasoo dhaafay haysay maamulka garoonka diyaaradaha.

2013-09-15 3:27 AM EST
Axad, September 15, 2013 (HOL) — Wasiirka wafaafinta dowladda Somalia, C/llaahi Ciilmooge Xirsi ayaa si caro leh uga jawaabay qoraal lagu baahiyay qaar ka mid ah war-baahinta Soomaalida, isgaoo qoraalkaas ku tilmaamay mid been abuur ah.

2013-09-15 2:29 AM EST
Axad, September 15, 2013 (HOL) — Madaxweynaha dowladda Soomaaliya, Xasan Sheekh Maxamuud iyo wafdi ballaaran oo uu hoggaaminayo ayaa xalay u ambabaxay magaalada Brussels ee dalka Belgium, halkaasoo lagu wado in maalinta berri ah uu ka furmo shir looga hadlayo dib u dhiska dalka Soomaaliya.