2014-04-19
Today from Hiiraan Online:  _
Wararka Maanta- Axad, Sept 15, 2013
Shirkadda SKA oo si rasmi ah Maamulkii garoonka diyaaradaha ee Muqdisho ugu Wareejisay Shirkad Turkish ah (SAWIRRO)


Axad, September 15, 2013 (HOL) — Shirkadda SKA Air & Logistic oo haysay garoonka maamulka Muqdisho saddexdii sano ee lasoo dhaafay ayaa maanta ku wareejisay howlaha garoonka iyo maamulkiisa shirkad lagu magacaabo FAVORI LLC oo laga leeyahay dalka Turkiga, taasoo dib u habeyn ku sameyn doona garoonka.

Munaasabad ay xilalka ku kala wareegsanayeen mas’uuliyiinta shirkadahan ayaa maanta lagu qabtay garoonka diyaaradaha ee Muqdisho, iyadoo ay ka ahaayeen goobjoog wasiirrada warfaafinta, arrimaha gudaha iyo amniga Qaranka, taliyaha ciidanka booliska, agaasimaha guud ee hay’ada nabad-sugida Qaranka, maareeyaha hay’adda duulista iyo saadaasha hawada iyo madaxda shirkadaha SKA iyo FAVORI.

Wasiirka warfaafinta, C/llaahi Ciilmooge Xirsi oo hadal ka jeediyay goobta ayaa sheegay in tani ay qayb ka tahay qorshii ku saabsanaa sidii shirkadda SKA maamulka garoonka ugu wareejin lahayd shirkadda Turkiga, taasoo uu ku tilmaamay inay wax weyn kusoo kordhin doonto garoonka diyaaradaha, isagoo intaas ku daray in wixii hadda ka dambeeya ay howsha garoonka la wareegtay shirkadda FAVORI.

Maamulaha shirkadda SKA, Sean Mendis oo isna hadal kooban goobtaas ka jeediyay ayaa dowladda Soomaaliya uga mahadceliyay wadashaqeyntii ay la sameynayeen mudadii saddexda sano ahayd ee ay maamulayeen garoonka diyaaradaha Muqdisho, ayna maamulka garoonka maanta ku wareejinayaan shirkad cusub oo dalka Turkiga laga leeyahay, wuxuuna xusay inay aad ugu faraxsan yihiin inay howsha garoonka wareejiyaan.

Madaxa shirkadda FAVORI, Axmed Getin oo isaguna hadlay ayaa sheegay in muddo siddeed bil gudaheed ay wax weyn kusoo kordhin doonaan habsami u socodka howlaha garoonka, isagoo shacabka Soomaaliyeed ku booriyay in ay si diiran u soo dhaweeyaan howlaha ay u qaban doonaan.

Intaas kaddib mas’uuliyiintii ka qayb-gashay munaasabadda xil-wareejinta ahayd ayaa waxay kulan la qaateen mas’uuliyiinta shirkadaha diyaaradaha ee dalka ka shaqeeya, iyagoo ka dalbaday inay si hufan ula shaqeeyaan shirkaddan cusub ee maamulka garoonka lagu wareejiyay.

Wasiirka arrimaha gudaha iyo amniga Qaranka, C/kariin Xuseen oo halkaas ka jeediyay hadal ayaa isaguna ka codsaday maamulayaasha shirkadaha diyaaradaha inay la qabsadaan maamulka cusub ee garoonka, isla markaana aysan ku abuurin dareen gooni ah, isagoo intaa raaciyay in wixii dhib ah oo ay dareemaan ay u soo gudbin karaan madaxda ku shaqada leh.

Shirkada cusub ee FAVORI ee maanta lagu wareejiyay maamulka garoonka Muqdisho ayaa looga fadhiyaa in garoonka ay kusoo kordhiso qalab casri ah iyo waxyaabo kale oo aan looga maarmeyn howlaha garoonka.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-09-15 3:10 PM EST
Axad, September 15, 2013 (HOL) — Dajire Nicholas Kay oo ah wakiilka gaarka ah ee u qaabilsan Qaramada Midoobay Soomaaliya ayaa sheegay in shirka Somalia loogu qabanayo magaalada Brussels ee dalka Belgium uu yahay mid muhiimad weyn u leh Soomaaliya uuna ka duwan yahay shirarkii horay loogu qaban jiray.

2013-09-15 1:34 PM EST
Axad, September 15, 2013 (HOL) — Ugu yaraan shan qof ayaa ku geeriyooday 30 qof oo kalena wy ku dhaawacmeen shil gaari oo ka dhacay deegaanka kala-bayrka oo ku yaalla duleedka degmada Buulo-burte ee gobolka Hiiraan.

2013-09-15 12:43 PM EST
Axad, September 15, 2013 (HOL) — Madaxweynaha Somaliland, Axmed Maxamed Maxamuud (Silaanyo), ayaa maanta xadhiga ka jaray, qaar kalana dhagax dhigay mashaariic fara badan oo laga hirgaliyey magaaladda Berbera ee gobolka Saaxil.

2013-09-15 11:56 AM EST
Axad, September 15, 2013 (HOL) — Kulan uu baarlamaanka Soomaaliya ku yeelan lahaa maanta xaruntiisa Muqdisho ayaa baaqday kaddib markii ay iman waayeen xildhibaannadii uu ku furmi lahaa kooramka, iyadoo mid ka mid ah mudanayaasha baarlamaanka uu ka hadlay arrintan.

2013-09-15 11:37 AM EST
Axad, September 15, 2013 (HOL) — Magaalada Baydhabo ee xarunta u ah gobolka Bay ayaa waxaa ka socda abaabulka dibadbax looga soo horjeedo shirka shirka Brussels ka furmaya, kaasoo lagu wado inuu berri magaaladaas ka dhaco.

2013-09-15 11:20 AM EST
Axad, September 15, 2013 (HOL) — Wasiirka arrimha gudaha iyo amniga Qaranka, C/kariin Xuseen Guuleed iyo xubno wasiirro ah ayaa kormeer ku sameeyay maanta mashruuca dowladda Turkiga ay ka waddo magaalada Muqdisho kaasoo lagu dayactirayo waddooyinka muhiimka ah, isagoo uga mahadceliyay dowladda Turkiga howsha dayactirka ah ee ay waddo.

2013-09-15 11:20 AM EST
Axad, Sebtember 15, 2013 (HOL)-Kulan looga hadlayey sidii loo adkeyn lahaa ammaanka gobolka Mudug aya maanta ka dhacay magaala madaxda gobolkaas ee Gaalkacayo.

2013-09-15 10:47 AM EST
Axad, September 15, 2013 (HOL) —Dowladda Soomaaliya ayaa maanta xabsiga dhigtay, Sheekh C/qaadir Maxamed Soomoow oo ka mid ahaa culummada Ahlusunna waljamaaca garabkooda Muqdisho, iyadoo aan la ogeyn sababta ramsi ah ee loo xiray.

2013-09-15 10:25 AM EST
Axad, September 15, 2013 (HOL) — Madaxweynaha Somalia, Xasan Sheikh Maxamud iyo wafdi heer sare ah oo uu hoggaaminayo ayaa maanta gaaray magaalada Brussels ee xarunta dalka Belgium, halkaasoo uu maalinta berri ah ka furmayo shirka higsiga cusub ee Soomaaliya.

2013-09-15 10:15 AM EST
Axad, Sebtember 15, 2013 (HOL)- Wefdi uu horkacayo madaxweynaha Puntland C/raxmaan Sheekh Maxamed (Faroole) ayaa maanta gaarey xarunta dalka Biljamka ee Brusells, halkaasoo uu berri ka furmayo shirka New Deal ee looga hadlayo sanadkan dib-u-dhiska dalka Soomaaliya.

2013-09-15 3:49 AM EST
Axad, September 15, 2013 (HOL) — Shirkad laga leeyahay dalka Turkiga oo lagu magacaabo FAVORI LLC ayaa maanta si rasmi ah ula wareegaysa gacan ku haynta maamulka garoonka diyaaradaha caalamiga ah ee Muqdisho, iyadoo xilka kala wareegaysa shirkadda SKA Air & Logistic oo saddexdii sano ee lasoo dhaafay haysay maamulka garoonka diyaaradaha.

2013-09-15 3:27 AM EST
Axad, September 15, 2013 (HOL) — Wasiirka wafaafinta dowladda Somalia, C/llaahi Ciilmooge Xirsi ayaa si caro leh uga jawaabay qoraal lagu baahiyay qaar ka mid ah war-baahinta Soomaalida, isgaoo qoraalkaas ku tilmaamay mid been abuur ah.

2013-09-15 2:29 AM EST
Axad, September 15, 2013 (HOL) — Madaxweynaha dowladda Soomaaliya, Xasan Sheekh Maxamuud iyo wafdi ballaaran oo uu hoggaaminayo ayaa xalay u ambabaxay magaalada Brussels ee dalka Belgium, halkaasoo lagu wado in maalinta berri ah uu ka furmo shir looga hadlayo dib u dhiska dalka Soomaaliya.