2014-10-31
Today from Hiiraan Online:  _
Wararka Maanta- Axad, Sept 15, 2013
Wasiirka Arrimaha Gudaha iyo Xubno kale oo Dowladda ka tirsan oo maanta Kormeeray Waddo la Dayac-tirayo (SAWIRRO)



Axad, September 15, 2013 (HOL) — Wasiirka arrimha gudaha iyo amniga Qaranka,
C/kariin Xuseen Guuleed iyo xubno wasiirro ah ayaa kormeer ku sameeyay maanta mashruuca dowladda Turkiga ay ka waddo magaalada Muqdisho kaasoo lagu dayactirayo waddooyinka muhiimka ah, isagoo uga mahadceliyay dowladda Turkiga howsha dayactirka ah ee ay waddo.

C/kariin Guuleed ayaa xusay in dayactirka waddooyinka burbursan ee magaalada Muqdisho uu dib u soo celinayo bilicdii magaalada, wuxuuna ku ammaanay dowladda Turkiga howlaha samafalka ah ee ay dalka kawaddo.

“Howlahan lagu dayactirayo waddooyinka Muqdisho waa kuwo billow ah oo aan ku kalsoonnahay inay noqon doonaan kuwo bilicdii caasimadda dib u soo celiya, waayo jidadka caasimaddu waxay ahaayeen kuwo aan helin wax dayactir ah tan iyo markii ay burburtay dowladdii dhexe ee Soomaaliya,” ayuu yiri wasiirka arrimaha gudaha iyo amniga Qaranka.

Waddada isku xirta garoonka diyaaradaha iyo midda Maka Al-Mukarama ee magaalada Muqdisho ayaa dayactirkan uu maanta ka socday, iyadoo ay ku suganaayeen halkaas mas’uuliyiin ka tirsan dowladda Turkiga oo howshan waday.

Gaadiid casri ah ayaa loo adeegsanayay howlaha dayactirka ah iyadoo ay si wadajir ah howsha u wadeen shaqaale Soomaali ah oo la tababaray iyo kuwo u dhashay dalka Turkiga.

“Arrimahan dib u dayactirka waddooyinka waa qorshe lagu mataaneynayo magaalooyinka Muqdisho iyo Istanbuul, taasoo ay dowladaha labadan magaalo iska kaashanayaan, isla markaana horseedaya in bilicidii Muqdisho ay dib u soo laabato,” ayuu yiri afhayeenka gobolka Banaadir, Maxamed Yuusuf Cismaan oo la hadlay warbaahinta.

Sidoo kale, afhayeenka ayaa sheegay in dayactirka jidkan uu ku dhammaan doono muddo laba toddobaad gudahood ah, ayna ku xigi doonaan jidad kale oo burbursan, wuxuuna xusay in jidkan lagu xiri doono nalalka ku shaqeeya cadceedda.

Mas’uul ka tirsan shirkadda Turkiga ah ee howshan fulisa oo isaguna hadal siiyay warbaahinta ayaa xusay inay dadaal ugu jiraan sidii ay u garab istaagi lahaayeen shacabka Soomaaliyeed, ayna sii wadayaan howlahan oo ah kuwo wax loogu qabanayo shacabka Soomaaliyeed.




Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-09-15 3:10 PM EST
Axad, September 15, 2013 (HOL) — Dajire Nicholas Kay oo ah wakiilka gaarka ah ee u qaabilsan Qaramada Midoobay Soomaaliya ayaa sheegay in shirka Somalia loogu qabanayo magaalada Brussels ee dalka Belgium uu yahay mid muhiimad weyn u leh Soomaaliya uuna ka duwan yahay shirarkii horay loogu qaban jiray.

2013-09-15 1:34 PM EST
Axad, September 15, 2013 (HOL) — Ugu yaraan shan qof ayaa ku geeriyooday 30 qof oo kalena wy ku dhaawacmeen shil gaari oo ka dhacay deegaanka kala-bayrka oo ku yaalla duleedka degmada Buulo-burte ee gobolka Hiiraan.

2013-09-15 12:43 PM EST
Axad, September 15, 2013 (HOL) — Madaxweynaha Somaliland, Axmed Maxamed Maxamuud (Silaanyo), ayaa maanta xadhiga ka jaray, qaar kalana dhagax dhigay mashaariic fara badan oo laga hirgaliyey magaaladda Berbera ee gobolka Saaxil.

2013-09-15 11:56 AM EST
Axad, September 15, 2013 (HOL) — Kulan uu baarlamaanka Soomaaliya ku yeelan lahaa maanta xaruntiisa Muqdisho ayaa baaqday kaddib markii ay iman waayeen xildhibaannadii uu ku furmi lahaa kooramka, iyadoo mid ka mid ah mudanayaasha baarlamaanka uu ka hadlay arrintan.

2013-09-15 11:37 AM EST
Axad, September 15, 2013 (HOL) — Magaalada Baydhabo ee xarunta u ah gobolka Bay ayaa waxaa ka socda abaabulka dibadbax looga soo horjeedo shirka shirka Brussels ka furmaya, kaasoo lagu wado inuu berri magaaladaas ka dhaco.

2013-09-15 11:21 AM EST
Axad, September 15, 2013 (HOL) — Shirkadda SKA Air & Logistic oo haysay garoonka maamulka Muqdisho saddexdii sano ee lasoo dhaafay ayaa maanta ku wareejisay howlaha garoonka iyo maamulkiisa shirkad lagu magacaabo FAVORI LLC oo laga leeyahay dalka Turkiga, taasoo dib u habeyn ku sameyn doona garoonka.

2013-09-15 11:20 AM EST
Axad, Sebtember 15, 2013 (HOL)-Kulan looga hadlayey sidii loo adkeyn lahaa ammaanka gobolka Mudug aya maanta ka dhacay magaala madaxda gobolkaas ee Gaalkacayo.

2013-09-15 10:47 AM EST
Axad, September 15, 2013 (HOL) —Dowladda Soomaaliya ayaa maanta xabsiga dhigtay, Sheekh C/qaadir Maxamed Soomoow oo ka mid ahaa culummada Ahlusunna waljamaaca garabkooda Muqdisho, iyadoo aan la ogeyn sababta ramsi ah ee loo xiray.

2013-09-15 10:25 AM EST
Axad, September 15, 2013 (HOL) — Madaxweynaha Somalia, Xasan Sheikh Maxamud iyo wafdi heer sare ah oo uu hoggaaminayo ayaa maanta gaaray magaalada Brussels ee xarunta dalka Belgium, halkaasoo uu maalinta berri ah ka furmayo shirka higsiga cusub ee Soomaaliya.

2013-09-15 10:15 AM EST
Axad, Sebtember 15, 2013 (HOL)- Wefdi uu horkacayo madaxweynaha Puntland C/raxmaan Sheekh Maxamed (Faroole) ayaa maanta gaarey xarunta dalka Biljamka ee Brusells, halkaasoo uu berri ka furmayo shirka New Deal ee looga hadlayo sanadkan dib-u-dhiska dalka Soomaaliya.

2013-09-15 3:49 AM EST
Axad, September 15, 2013 (HOL) — Shirkad laga leeyahay dalka Turkiga oo lagu magacaabo FAVORI LLC ayaa maanta si rasmi ah ula wareegaysa gacan ku haynta maamulka garoonka diyaaradaha caalamiga ah ee Muqdisho, iyadoo xilka kala wareegaysa shirkadda SKA Air & Logistic oo saddexdii sano ee lasoo dhaafay haysay maamulka garoonka diyaaradaha.

2013-09-15 3:27 AM EST
Axad, September 15, 2013 (HOL) — Wasiirka wafaafinta dowladda Somalia, C/llaahi Ciilmooge Xirsi ayaa si caro leh uga jawaabay qoraal lagu baahiyay qaar ka mid ah war-baahinta Soomaalida, isgaoo qoraalkaas ku tilmaamay mid been abuur ah.

2013-09-15 2:29 AM EST
Axad, September 15, 2013 (HOL) — Madaxweynaha dowladda Soomaaliya, Xasan Sheekh Maxamuud iyo wafdi ballaaran oo uu hoggaaminayo ayaa xalay u ambabaxay magaalada Brussels ee dalka Belgium, halkaasoo lagu wado in maalinta berri ah uu ka furmo shir looga hadlayo dib u dhiska dalka Soomaaliya.