3/28/2024
Today from Hiiraan Online:  _
Wararka Maanta- Axad, Sept 15, 2013
Kulan looga hadlay xoojinta Amaanka Gobolka Mudug oo Maanta ka dhacay Magaalada Gaalkacyo ee Xarunta Gobolkaas
Axad, Sebtember 15, 2013 (HOL)- Kulan looga hadlayey sidii loo adkeyn lahaa ammaanka gobolka Mudug ayaa maanta ka dhacay magaala-madaxda gobolkaas ee Gaalkacayo.

Kulanka oo uu shir guddoominayey wasiirka amniga Puntland Khaliif Ciise Mudan - oo isagu maalmihii u dambeeyey Gaalkacayo ku sugnaa- waxaa sidoo kale kasoo qayb galay qaar kamid ah saraakiisha ugu sareysa laamaha ammaanka ee gobolka.

Maamulka gobolka Mudug ee Puntland, kan degmada Gaalkacayo iyo qaar kamid ah waxgaradka iyo nabadoonnada gobolka ayaa iyaguna shirkaas ka qayb galay.

Shirka oo arrimo dhowr ah lagu gorfeeyey waxaa qodobbada ugu muhiimsan ee diiradda lagu saaray kamid ahaa: sidii xal looga gaari lahaa dilal salka ku haya aanooyin qabiil oo bilihii u dambeeyey ka dhacayey deegaanno ka tirsan Mudug iyo weliba sida ugu habboon ee ammaanka Gaalkacyo iyo guud ahaan gobolka Mudug looga dhigi lahaa mid sugan.

Wasiirka amniga Puntland oo kulanka kaddib war-baahinta la hadlay, ayaa sheegay in uu kormeer shaqo ku tegi doono deegaanno badan oo ka tirsan gobolka, si uu xaaladdooda dhanka ammaanka ugu kuur galo.

Wasiirku waxa kale oo uu sheegay in dhowaan ay is arki doonaan madax ka tirsan maamulka Gal-Mudug, kuwaasoo ay ka wada arrinsan doonaan sida ugu habboon ee xal looga gaari karo dilalka ka dhex dhaca dadka reer guuraaga ah.

Bilihii u dambeeyey waxaa deegaanno ka tirsan miyiga gobolka Mudug lagu diley in ka badan 10 qof, kuwaas oo dhamaantood dilalkooda lala xiriirinayo aanooyin u dhexeeya reer-guuraa kasoo kala jeeda maamullada Puntland iyo Gal-Mudug.

Maxamed Salaad Xaaji Dirir, Hiiraan Online
[email protected]
Boosaaso, Puntland












Click here
9/15/2013 3:10 PM EST
Axad, September 15, 2013 (HOL) — Dajire Nicholas Kay oo ah wakiilka gaarka ah ee u qaabilsan Qaramada Midoobay Soomaaliya ayaa sheegay in shirka Somalia loogu qabanayo magaalada Brussels ee dalka Belgium uu yahay mid muhiimad weyn u leh Soomaaliya uuna ka duwan yahay shirarkii horay loogu qaban jiray.

9/15/2013 1:34 PM EST
Axad, September 15, 2013 (HOL) — Ugu yaraan shan qof ayaa ku geeriyooday 30 qof oo kalena wy ku dhaawacmeen shil gaari oo ka dhacay deegaanka kala-bayrka oo ku yaalla duleedka degmada Buulo-burte ee gobolka Hiiraan.

9/15/2013 12:43 PM EST
Axad, September 15, 2013 (HOL) — Madaxweynaha Somaliland, Axmed Maxamed Maxamuud (Silaanyo), ayaa maanta xadhiga ka jaray, qaar kalana dhagax dhigay mashaariic fara badan oo laga hirgaliyey magaaladda Berbera ee gobolka Saaxil.

9/15/2013 11:56 AM EST
Axad, September 15, 2013 (HOL) — Kulan uu baarlamaanka Soomaaliya ku yeelan lahaa maanta xaruntiisa Muqdisho ayaa baaqday kaddib markii ay iman waayeen xildhibaannadii uu ku furmi lahaa kooramka, iyadoo mid ka mid ah mudanayaasha baarlamaanka uu ka hadlay arrintan.

9/15/2013 11:37 AM EST
Axad, September 15, 2013 (HOL) — Magaalada Baydhabo ee xarunta u ah gobolka Bay ayaa waxaa ka socda abaabulka dibadbax looga soo horjeedo shirka shirka Brussels ka furmaya, kaasoo lagu wado inuu berri magaaladaas ka dhaco.

9/15/2013 11:21 AM EST
Axad, September 15, 2013 (HOL) — Shirkadda SKA Air & Logistic oo haysay garoonka maamulka Muqdisho saddexdii sano ee lasoo dhaafay ayaa maanta ku wareejisay howlaha garoonka iyo maamulkiisa shirkad lagu magacaabo FAVORI LLC oo laga leeyahay dalka Turkiga, taasoo dib u habeyn ku sameyn doona garoonka.

9/15/2013 11:20 AM EST
Axad, September 15, 2013 (HOL) — Wasiirka arrimha gudaha iyo amniga Qaranka, C/kariin Xuseen Guuleed iyo xubno wasiirro ah ayaa kormeer ku sameeyay maanta mashruuca dowladda Turkiga ay ka waddo magaalada Muqdisho kaasoo lagu dayactirayo waddooyinka muhiimka ah, isagoo uga mahadceliyay dowladda Turkiga howsha dayactirka ah ee ay waddo.

9/15/2013 10:47 AM EST
Axad, September 15, 2013 (HOL) —Dowladda Soomaaliya ayaa maanta xabsiga dhigtay, Sheekh C/qaadir Maxamed Soomoow oo ka mid ahaa culummada Ahlusunna waljamaaca garabkooda Muqdisho, iyadoo aan la ogeyn sababta ramsi ah ee loo xiray.

9/15/2013 10:25 AM EST
Axad, September 15, 2013 (HOL) — Madaxweynaha Somalia, Xasan Sheikh Maxamud iyo wafdi heer sare ah oo uu hoggaaminayo ayaa maanta gaaray magaalada Brussels ee xarunta dalka Belgium, halkaasoo uu maalinta berri ah ka furmayo shirka higsiga cusub ee Soomaaliya.

9/15/2013 10:15 AM EST
Axad, Sebtember 15, 2013 (HOL)- Wefdi uu horkacayo madaxweynaha Puntland C/raxmaan Sheekh Maxamed (Faroole) ayaa maanta gaarey xarunta dalka Biljamka ee Brusells, halkaasoo uu berri ka furmayo shirka New Deal ee looga hadlayo sanadkan dib-u-dhiska dalka Soomaaliya.

9/15/2013 3:49 AM EST
Axad, September 15, 2013 (HOL) — Shirkad laga leeyahay dalka Turkiga oo lagu magacaabo FAVORI LLC ayaa maanta si rasmi ah ula wareegaysa gacan ku haynta maamulka garoonka diyaaradaha caalamiga ah ee Muqdisho, iyadoo xilka kala wareegaysa shirkadda SKA Air & Logistic oo saddexdii sano ee lasoo dhaafay haysay maamulka garoonka diyaaradaha.

9/15/2013 3:27 AM EST
Axad, September 15, 2013 (HOL) — Wasiirka wafaafinta dowladda Somalia, C/llaahi Ciilmooge Xirsi ayaa si caro leh uga jawaabay qoraal lagu baahiyay qaar ka mid ah war-baahinta Soomaalida, isgaoo qoraalkaas ku tilmaamay mid been abuur ah.

9/15/2013 2:29 AM EST
Axad, September 15, 2013 (HOL) — Madaxweynaha dowladda Soomaaliya, Xasan Sheekh Maxamuud iyo wafdi ballaaran oo uu hoggaaminayo ayaa xalay u ambabaxay magaalada Brussels ee dalka Belgium, halkaasoo lagu wado in maalinta berri ah uu ka furmo shir looga hadlayo dib u dhiska dalka Soomaaliya.