12/21/2014
Today from Hiiraan Online:  _
Wararka Maanta- Axad, Sept 15, 2013
Madaxweynaha Somalia iyo Wafdigii uu Hoggaaminayay oo Maanta Gaaray Magaalada Brussels ee Dalka Belgium


Axad, September 15, 2013 (HOL) — Madaxweynaha Soomaaliya, Xasan Sheekh Maxamud iyo wafdi heer sare ah oo uu hoggaaminayo ayaa maanta gaaray magaalada Brussels ee xarunta dalka Belgium, halkaasoo uu maalinta berri ah ka furmayo shirka higsiga cusub ee Soomaaliya.

Madaxweyne Xasan iyo wafdigiisa ayaa caawa casho-sharaf la leh madaxa xiriirka caalamiga ee Midowga Yurub ahna madaxweyne ku-xigeenka ururka Midowga Yurub, Catherine Ashton.

Berri oo Isniin ah ayaa waxaa ka furmaya Brussels shirkii dib-u-dhiska dalka Soomaaliya looga hadlayay, iyadoo ka hor uu madaxweynuhu kulan gaar ah la yeelan doono madaxweynaha golaha wasiiradda ee Midowga Yurub, Mr. Herman Van Rompuy.

Shirka Brussels ayaa waxaa wada shir-guddoomin doona madaxweynaha Soomaaliya iyo Catherine Ashton, kaasoo lagu wado in lagu yabooho lacag dib loogu dhisayo Soomaaliya, iyadoo ay kasoo qaybgeli doonaan madax ka socota 50 dalka oo caalamka ka mid ah.

Dowladda Soomaaliya ayaa waxay soo diyaarisay dukumiintiga COMPACT oo qeexaya sida dalka dib loogu dhisi lahaa muddada saddexda sano ee nagu soo fool leh, dukumiintigan oo la-tashiyo lagala soo sameeyey shacabka Soomaaliyeed, isagoo ah mid ay Soomaalidu soo diyaarisay.

Qorshaha ayaa ah in caalamku ay taageeraan COMPACT-ka oo lacago badan ay ku yahoobaan; iyadoo dal walba uu dhaqaale ku saacidayo qorshahan oo ah mid si weyn ay madaxda Soomaaliya ugu kalsoon yihiin.

Waxaa jira guddi ka kooban Midowga Yurub iyo Soomaaliya oo daba-gal ku sameyn doono hirgelinta qorshaha dib-u-dhiska Soomaaliya ee saddexda sano ee soo socota.

Dhanka kale, waxaa magaalada Brussels tagay guddoomiyeyaasha qaar ka mid ah maamullada dalka ka jira, kuwaasoo ay ku jiraan madaxewynaha Galmudug, Jen. Cabdi Xasan Cawaale (Qaybdiid), guddoomiyaha maamulka gobolka Hiiraan, Cabdi Faarax Laqanyo iyo madaxweynaha maamulka KMG ah ee Jubba, Sheekh Axmed Madoobe.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

9/15/2013 3:10 PM EST
Axad, September 15, 2013 (HOL) — Dajire Nicholas Kay oo ah wakiilka gaarka ah ee u qaabilsan Qaramada Midoobay Soomaaliya ayaa sheegay in shirka Somalia loogu qabanayo magaalada Brussels ee dalka Belgium uu yahay mid muhiimad weyn u leh Soomaaliya uuna ka duwan yahay shirarkii horay loogu qaban jiray.

9/15/2013 1:34 PM EST
Axad, September 15, 2013 (HOL) — Ugu yaraan shan qof ayaa ku geeriyooday 30 qof oo kalena wy ku dhaawacmeen shil gaari oo ka dhacay deegaanka kala-bayrka oo ku yaalla duleedka degmada Buulo-burte ee gobolka Hiiraan.

9/15/2013 12:43 PM EST
Axad, September 15, 2013 (HOL) — Madaxweynaha Somaliland, Axmed Maxamed Maxamuud (Silaanyo), ayaa maanta xadhiga ka jaray, qaar kalana dhagax dhigay mashaariic fara badan oo laga hirgaliyey magaaladda Berbera ee gobolka Saaxil.

9/15/2013 11:56 AM EST
Axad, September 15, 2013 (HOL) — Kulan uu baarlamaanka Soomaaliya ku yeelan lahaa maanta xaruntiisa Muqdisho ayaa baaqday kaddib markii ay iman waayeen xildhibaannadii uu ku furmi lahaa kooramka, iyadoo mid ka mid ah mudanayaasha baarlamaanka uu ka hadlay arrintan.

9/15/2013 11:37 AM EST
Axad, September 15, 2013 (HOL) — Magaalada Baydhabo ee xarunta u ah gobolka Bay ayaa waxaa ka socda abaabulka dibadbax looga soo horjeedo shirka shirka Brussels ka furmaya, kaasoo lagu wado inuu berri magaaladaas ka dhaco.

9/15/2013 11:21 AM EST
Axad, September 15, 2013 (HOL) — Shirkadda SKA Air & Logistic oo haysay garoonka maamulka Muqdisho saddexdii sano ee lasoo dhaafay ayaa maanta ku wareejisay howlaha garoonka iyo maamulkiisa shirkad lagu magacaabo FAVORI LLC oo laga leeyahay dalka Turkiga, taasoo dib u habeyn ku sameyn doona garoonka.

9/15/2013 11:20 AM EST
Axad, September 15, 2013 (HOL) — Wasiirka arrimha gudaha iyo amniga Qaranka, C/kariin Xuseen Guuleed iyo xubno wasiirro ah ayaa kormeer ku sameeyay maanta mashruuca dowladda Turkiga ay ka waddo magaalada Muqdisho kaasoo lagu dayactirayo waddooyinka muhiimka ah, isagoo uga mahadceliyay dowladda Turkiga howsha dayactirka ah ee ay waddo.

9/15/2013 11:20 AM EST
Axad, Sebtember 15, 2013 (HOL)-Kulan looga hadlayey sidii loo adkeyn lahaa ammaanka gobolka Mudug aya maanta ka dhacay magaala madaxda gobolkaas ee Gaalkacayo.

9/15/2013 10:47 AM EST
Axad, September 15, 2013 (HOL) —Dowladda Soomaaliya ayaa maanta xabsiga dhigtay, Sheekh C/qaadir Maxamed Soomoow oo ka mid ahaa culummada Ahlusunna waljamaaca garabkooda Muqdisho, iyadoo aan la ogeyn sababta ramsi ah ee loo xiray.

9/15/2013 10:15 AM EST
Axad, Sebtember 15, 2013 (HOL)- Wefdi uu horkacayo madaxweynaha Puntland C/raxmaan Sheekh Maxamed (Faroole) ayaa maanta gaarey xarunta dalka Biljamka ee Brusells, halkaasoo uu berri ka furmayo shirka New Deal ee looga hadlayo sanadkan dib-u-dhiska dalka Soomaaliya.

9/15/2013 3:49 AM EST
Axad, September 15, 2013 (HOL) — Shirkad laga leeyahay dalka Turkiga oo lagu magacaabo FAVORI LLC ayaa maanta si rasmi ah ula wareegaysa gacan ku haynta maamulka garoonka diyaaradaha caalamiga ah ee Muqdisho, iyadoo xilka kala wareegaysa shirkadda SKA Air & Logistic oo saddexdii sano ee lasoo dhaafay haysay maamulka garoonka diyaaradaha.

9/15/2013 3:27 AM EST
Axad, September 15, 2013 (HOL) — Wasiirka wafaafinta dowladda Somalia, C/llaahi Ciilmooge Xirsi ayaa si caro leh uga jawaabay qoraal lagu baahiyay qaar ka mid ah war-baahinta Soomaalida, isgaoo qoraalkaas ku tilmaamay mid been abuur ah.

9/15/2013 2:29 AM EST
Axad, September 15, 2013 (HOL) — Madaxweynaha dowladda Soomaaliya, Xasan Sheekh Maxamuud iyo wafdi ballaaran oo uu hoggaaminayo ayaa xalay u ambabaxay magaalada Brussels ee dalka Belgium, halkaasoo lagu wado in maalinta berri ah uu ka furmo shir looga hadlayo dib u dhiska dalka Soomaaliya.