3/29/2024
Today from Hiiraan Online:  _
Wararka Maanta- Sabti, Sept 14, 2013
Madaxweynaha Somaliland oo Maanta Xariga ka Jaray Dugsiga Tababbarka Saraakiisha Ciidamada ee Darar-weyne (SAWIRRO)


Sabti, September 14, 2013 (HOL) — Madaxweynaha  Somaliland Md. Axmed Maxamed Maxamuud (Siilaanyo) ayaa maanta xadhiga ka jaray dugsiga Tobabarka Saraakiisha Ciidamadda Militariga Somaliland ee Dararweyne ee gobolka Maroodi jeex.

Xafladda lagu furayey dugsigaasi Tobabarka ee Ciidamadda ayaa waxa ka soo qaybgalay Raxan Wasiiro ah, xildhibaano iyo Taliyeyaasha Ciidamadda kala duwan ee Somaliland, kuwaas oo kormeer ku soo maray qaybaha kala duwan ee uu ka kooban yahay dugsigaasi.

Taliyaha Ciidamadda Militariga Somaliland Sareeyo Gaas Ismaaciil Maxamed Shaqale ayaa madaxweynaha uga warbixiyey qaybaha kala duwan ee uu dugsigaasi ka kooban yahay, taas oo uu sheegay inay u dhamaystiranyahay guud ahaan adeegyadii laga rabay dugsiyadda tobabrada ee ciidamada looga baahnaa.

Taliyaha ayaa sheegay inay ciidamadda muhiim u tahay dugsigan kaas oo kor u qaadi doonaan aqoonta ciidanimo ee laga rabo, waxaanu xusay in saraakiisha ciidanku bixin doonaan casharadda kala duwan ee ciidanka, isla markaana uu ciidanku isku filan yahay oo ay dalka joogaan saraakiil badan oo aqoon sare u leh ciidamdaa, qaarkoodna dhowaan ka soo baxeen kuuliyaddo kala duwan ee dalalka dibadda.

Madaxweynaha Somaliland Md. Axmed Maxamed Maxamuud (Siilaanyo) oo kormeeray qaybaha kala duwan ee uu ka kooban yahy dugsigan oo iskugu jiro qaybta hurdada, qaybta caafimaadka iyo qaybta tobabarka iyo aqoonta.

Madaxweynaha ayaa xadhiga ka jaray dugsigan waxaanu ciidanka ku hambalyeeyey horumarka ay gaadheen 22 kii sanno ee Somaliland jirtay, isagoo xusay inuu xoogga saari doono sidii aqoonta iyo tobabarka kor ugu qaadi lahaayeen, isla markaana wax kasta oo tayadooda kor u qaadaya u samayn doonno.

Sido kale, Siilaanyo wuxuu ku amaanay darajooyinka kala duwan ee ciidanka la siiyey taas oo milgaha iyo sharafta ciidanka kor u qaadaysa.

Madaxweynuhu markii uu furay dugsiga wuxuu gaadhay magaalada Berbera oo uu mashaariic laga hirgaliyey xadhiga ka jari doono, sidoo kale waxa uu maalmaha soo socda u dhaafi doonaa gobolka Togdheer oo iyana mashaariic xadhiga ka jari doonno.

Si kastaba ha ahaatee xukuumadihii kala duwana ee Somaliland soo maray, ayaa xoogga saaray dhisidda iyo horumarinta ciidanka Militariga, kuwaas oo saraakil badani ka soo baxeen kuuliyadaha kala duwan ee jaamacadaha  ciidamadda  Itoobiya.









Barkhad-ladiif M. Cumar, Hiiraan Online
[email protected]
Hargeysa, Somaliland













Click here
9/14/2013 3:02 PM EST
Sabti, September 14, 2013(HOL) :- Sakariye Yaquub Cabdi waa Wiil 4 sano jir ah ,waxuuna dhashey sanadkii 2010kii,isagoona ku dhashey Magaalada Luuq ee Gobolka Gedo,waxuuna tan iyo markii uu dhashey uu la xanuunsan yahay Cudurka Neerfaha oo jirkiisa oo dhan saameeyey,mana fadhiisan karo,waxaana dhibaya wax cunista waxa keliya ee uu isticmaalo ayaa ah Caanaha oo cabitaankooda ay ku adagtahay.

9/14/2013 1:44 PM EST
Sabti, September 14, 2013 (HOL) — Xarakada Al-shabaab oo dowladda kula jirta dagaal ayaa ka hadashay shir ay culummada Soomaaliyeed Muqdisho kusoo gabgabeeyeen, shirkaas oo laga soo saaray fadwo ka dhan ah ururka Al-shabaab.

9/14/2013 11:49 AM EST
Sabti, September 14, 2013 (HOL) — Fannaanada weyn ee Soomaaliyeed, Hibo Maxamed Gudoon (Hibo Nuura) ayaa maanta xaflad soo dhaweyn ah oo weyn loogu sameeyay xarunta Rugta ganacsiga Soomaaliyeed, iyadoo kulan la qaadatay mas’uuliyiinta rugta.

9/14/2013 11:19 AM EST
Sabti, September 14, 2013 (HOL) — Dowladda Soomaaliya iyo dalalka deeq-bixiyeyaasha ah ayaa lagu wadaa inay maalinta Isniinta ah ee soo socota ku saxiixaan magaalada Brussels ee xarunta dalka Belgium heshiis ku saabsan dib u dhiska Soomaaliya oo socon doona muddo saddex sano ah, iyadoo ay saraakiisha Midowga Yurub sheegeen in dib u dhiskaas ay ku bixi doonto in ka badan hal bilyan oo EURO.

9/14/2013 9:42 AM EST
Sabti, September 14, 2013 (HOL) — Hay’adda samafalka Hormuud Telecom Foundation ayaa iyadoo ka jawaabaysa codsiga qaar ka mid xoogsatada ku xamaalata gaari-gacannada ayaa 40 ruux oo ka mid ah waxay u qaybisay gaari-gacanno ay ku shaqeystaan.

9/14/2013 8:47 AM EST
Sabti, September 14, 2013 (HOL) — Saraakiil ka socta ciidamada booliiska howlgalka midowgga Africa AMISOM oo maanta gaaray magaalada Beledweyne ayaa kulamo kala duwan waxaa ay la qaateen mas'uuliyiinta maamulka gobolka, saraakiisha ciidamada booliiska maamulka iyo kuwa Jabuuti ee howlgalka Midowga Afrika ee AMISOM.

9/14/2013 8:37 AM EST
Sabti, September 14, 2013 (HOL) — Iskaashatada gaadiidka BL-ka ee gobolka Bari, ayaa cabasho xooggan ka muujiyey ammarro ay dhowaan si wada jir ah usoo saareen wasaaradaha amniga; howlaha guud iyo gaadiidka iyo taliska ciidamada booliska ee Puntland.

9/14/2013 8:30 AM EST
Sabti, September 14, 2013 (HOL) — Wafdi uu horkacayo hogaamiyamaha maamulka KMG ah ee Jubba, Sheekh Axmed Maxamed Islaam (Sh. Axmed Madoobe) ayaa maanta ka duulay magaalada Kismaayo, waxaana wafdiga uu kusii jeeda magaalada Nairobi halkaasoo la filayo inuu uga sii ambabaxo magaalada Brussels ee dalka Biljimka.

9/14/2013 8:30 AM EST
Sabti, September 14, 2013 (HOL) — Kulan lagu taageerayay fatwadii laga soo saaray shirkii culumaa'uddiinka Soomaaliyeed ayaa maanta ka dhacay magaalada Muqdisho, iyadoo lagu dalbaday in la dhaqan-gelinayo qodobadii kasoo baxay shirkii culummada ee shanta maalmood socday Muqdisho.

9/14/2013 7:56 AM EST
Sabti, September 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa si weyn u cambaareeyay qaxayadii dhacaan ka dhacay magaalada Muqdisho iyo Kismaayo ee ay dadka badan naftooda ku waayeen, isagoo ku tilmaamay inay ahaayeen kuwo axmaqnimo ah oo lagu dilay dad shacab ah.

9/14/2013 3:16 AM EST
Sabti, September 14, 2013 (HOL) — Ergayga Qaramada Midoobay ee arrimaha Samalia, Nicholas Kay oo la hadlayay xubnaha golaha ammaanka ee Qaramada Midoobay Khamiistii lasoo dhaafay ayaa amaanay horumarka ay ku tallaabsatay Soomaaliya, isagoo xusay inaan la oran karin dhibaatadii Soomaaliya way dhammaantay.

9/14/2013 2:40 AM EST
Sabti, September 14, 2013 (HOL) — Xildhibaannada baarlamaanka Somalia ayaa waxay maanta kulan ay ku dhageysanayaan xaruntooda Muqdisho waxay ku dhageysan doonaan warbixinno ku saabsan xaaladaha gobollada dalka iyo nolosha dadka ku nool.

9/14/2013 2:21 AM EST
Sabti, September 14, 2013 (HOL) — Golaha ammaanka Qaramada Midoobay ayaa soo dhaweeyay heshiiskii ay magaalada Addis Ababa ee dalka Itoobiya ku kala saxiixdeen dowladda Soomaaliya iyo maamulka Jubba bishii Ogoosto ee aynu soo dhaafnay, iyagoo labada dhinac ugu baaqay inay meel mariyaan qodobbadii heshiiskaas.