2014-10-01
Today from Hiiraan Online:  _
Wararka Maanta- Sabti, Sept 14, 2013
Saraakiil ka socta Ciidanka Booliiska Midowga Afrika ee AMISOM oo Maanta Gaaray Magaalada Beledweyne (SAWIRRO)



Sabti, September 14, 2013 (HOL) — Saraakiil ka socta ciidamada booliska howlgalka midowgga Africa AMISOM oo maanta gaaray magaalada Beledweyne ayaa kulamo kala duwan waxaa ay la qaateen mas'uuliyiinta maamulka gobolka, saraakiisha ciidamada booliiska maamulka iyo kuwa Jabuuti ee qaybta ka ah howlgalka  AMISOM.

Madaxa ciidamada ka tirsan booliska AMISOM ee lagu wado in dhawaan la geeyo magaalada Beledweyne Theophilus Senese oo horkacayay wafdiga ayaa sheegay in qorshahoodu yahay in ciidamada booliska maamulka gobolka ay kala shaqeeyaan sugidda amniga, dhinaca kalana ay siin doonaa tababaro sare loogu qaadayo aqoontooda.

''Wafdiga waxaa uu ka kooban yahay 12 sarkaal oo ka kala socda dowladdaha Sierra Leone, Uganda, Chana iyo Nigeria, halkan ayaan soo gaarnay - Beledweyne - kulammadii aan yeelannay waxaan uga wada hadalnay qorshaha ciidamada booliska la filayo in ay ka howlgalaan magaalada Beledweyne, is faham buuxa ayaanna arintaa ka gaarnay,'' ayuu yiri Theophilus Senese.

Waxaa uu siweyn u amaanay nabad-galyada ka jirta magaalada Beledweyne, isaga oo sheegay in waqtigii koobnaa oo ay ku sugnaayeen magaalada aysan ku arag cid aan aheyn ciidamada oo hub ku dhax sidata.

''Nabad-galyo ayaa halkan jirta, aniga iyo xubnaha wafdiga ila socda magaalada ayaan ku wareegnay, ma arag dad hub ku dhax sita magaalada oo aan ciidamada aheyn, waxaan gacan ka geysan doonaa sidii loo sii xoojin lahaa nabad-galyada hadda ka jirta magaalada,'' ayuu hadalkiisa raaciyay.

Theophilus Senese, ayaa sidoo kale sheegay in ay bilaabi doonaan marka ay soo dhameystirmaan ciidamada, howlgal guri-guri ah oo lagu xaqijiinayo nabad-galyada guud ahaan magaalada.

Mas'uuliyiinta maamulka heer gobolka iyo degmo ayaa si weyn usoo dhaweeyay wafdiga hordhaca ah ee ka socda booliska ciidamada AMISOM ee maanta gaaray magaalada Beledweyne, iyaga oo sheegay in ay ka gacan siin doonaan saraakiisha iyo ciidamada booliiska, fulinta howlahooda la xiriira sugidda ammniga,  iyaga oo intaa ku daray in saraakiishani ay kaalin mug leh ka qaadan karaan  sare u qaadista tayada aqoonta ciidamada booliiska ee gobolka Hiiraan.

Taliyaha ciidamada Jabuuti ee howlgalka midowga Africa  Kol. Cismaan Dubbad oo ka hadlay kulanka, ayaa sheegay in ay si weyn ugu faraxsan yihiin imaatinka saraakiisha ka socota booliska AMISOM, isaga oo ku tilmaamay in imaashahoodu uu wax weyn ka tari doono amniga.

Ugu danbeytii taliyaha qeybta booliiska gobolka Hiiraan Kol. Isaaq Cali C/dulle oo warbaahinta si kooban ula hadllay, ayaa sheegay in ciidamada booliska AMISOM ee la geynayo magaalada Beledweyne ay qeyb ka yihiin ballan-qaad hore, waxaana uu sheegay in ay iska kaashan doonaan sugidda ammniga.


C/raxmaan Diini, Hiiraan Online
diini@hiiraan.com
Beledweyne, Soomaaliya





Post your comments

2013-09-14 3:02 PM EST
Sabti, September 14, 2013(HOL) :- Sakariye Yaquub Cabdi waa Wiil 4 sano jir ah ,waxuuna dhashey sanadkii 2010kii,isagoona ku dhashey Magaalada Luuq ee Gobolka Gedo,waxuuna tan iyo markii uu dhashey uu la xanuunsan yahay Cudurka Neerfaha oo jirkiisa oo dhan saameeyey,mana fadhiisan karo,waxaana dhibaya wax cunista waxa keliya ee uu isticmaalo ayaa ah Caanaha oo cabitaankooda ay ku adagtahay.

2013-09-14 1:44 PM EST
Sabti, September 14, 2013 (HOL) — Xarakada Al-shabaab oo dowladda kula jirta dagaal ayaa ka hadashay shir ay culummada Soomaaliyeed Muqdisho kusoo gabgabeeyeen, shirkaas oo laga soo saaray fadwo ka dhan ah ururka Al-shabaab.

2013-09-14 11:49 AM EST
Sabti, September 14, 2013 (HOL) — Fannaanada weyn ee Soomaaliyeed, Hibo Maxamed Gudoon (Hibo Nuura) ayaa maanta xaflad soo dhaweyn ah oo weyn loogu sameeyay xarunta Rugta ganacsiga Soomaaliyeed, iyadoo kulan la qaadatay mas’uuliyiinta rugta.

2013-09-14 11:19 AM EST
Sabti, September 14, 2013 (HOL) — Dowladda Soomaaliya iyo dalalka deeq-bixiyeyaasha ah ayaa lagu wadaa inay maalinta Isniinta ah ee soo socota ku saxiixaan magaalada Brussels ee xarunta dalka Belgium heshiis ku saabsan dib u dhiska Soomaaliya oo socon doona muddo saddex sano ah, iyadoo ay saraakiisha Midowga Yurub sheegeen in dib u dhiskaas ay ku bixi doonto in ka badan hal bilyan oo EURO.

2013-09-14 11:19 AM EST
Sabti, September 14, 2013 (HOL) — Madaxweynaha Somaliland Md. Axmed Maxamed Maxamuud (Siilaanyo) ayaa maanta xadhiga ka jaray dugsiga Tobabarka Saraakiisha Ciidamadda Militariga Somaliland ee Dararweyne ee gobolka Maroodi-jeex.

2013-09-14 9:42 AM EST
Sabti, September 14, 2013 (HOL) — Hay’adda samafalka Hormuud Telecom Foundation ayaa iyadoo ka jawaabaysa codsiga qaar ka mid xoogsatada ku xamaalata gaari-gacannada ayaa 40 ruux oo ka mid ah waxay u qaybisay gaari-gacanno ay ku shaqeystaan.

2013-09-14 8:37 AM EST
Sabti, September 14, 2013 (HOL) — Iskaashatada gaadiidka BL-ka ee gobolka Bari, ayaa cabasho xooggan ka muujiyey ammarro ay dhowaan si wada jir ah usoo saareen wasaaradaha amniga; howlaha guud iyo gaadiidka iyo taliska ciidamada booliska ee Puntland.

2013-09-14 8:30 AM EST
Sabti, September 14, 2013 (HOL) — Wafdi uu horkacayo hogaamiyamaha maamulka KMG ah ee Jubba, Sheekh Axmed Maxamed Islaam (Sh. Axmed Madoobe) ayaa maanta ka duulay magaalada Kismaayo, waxaana wafdiga uu kusii jeeda magaalada Nairobi halkaasoo la filayo inuu uga sii ambabaxo magaalada Brussels ee dalka Biljimka.

2013-09-14 8:30 AM EST
Sabti, September 14, 2013 (HOL) — Kulan lagu taageerayay fatwadii laga soo saaray shirkii culumaa'uddiinka Soomaaliyeed ayaa maanta ka dhacay magaalada Muqdisho, iyadoo lagu dalbaday in la dhaqan-gelinayo qodobadii kasoo baxay shirkii culummada ee shanta maalmood socday Muqdisho.

2013-09-14 7:56 AM EST
Sabti, September 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa si weyn u cambaareeyay qaxayadii dhacaan ka dhacay magaalada Muqdisho iyo Kismaayo ee ay dadka badan naftooda ku waayeen, isagoo ku tilmaamay inay ahaayeen kuwo axmaqnimo ah oo lagu dilay dad shacab ah.

2013-09-14 3:16 AM EST
Sabti, September 14, 2013 (HOL) — Ergayga Qaramada Midoobay ee arrimaha Samalia, Nicholas Kay oo la hadlayay xubnaha golaha ammaanka ee Qaramada Midoobay Khamiistii lasoo dhaafay ayaa amaanay horumarka ay ku tallaabsatay Soomaaliya, isagoo xusay inaan la oran karin dhibaatadii Soomaaliya way dhammaantay.

2013-09-14 2:40 AM EST
Sabti, September 14, 2013 (HOL) — Xildhibaannada baarlamaanka Somalia ayaa waxay maanta kulan ay ku dhageysanayaan xaruntooda Muqdisho waxay ku dhageysan doonaan warbixinno ku saabsan xaaladaha gobollada dalka iyo nolosha dadka ku nool.

2013-09-14 2:21 AM EST
Sabti, September 14, 2013 (HOL) — Golaha ammaanka Qaramada Midoobay ayaa soo dhaweeyay heshiiskii ay magaalada Addis Ababa ee dalka Itoobiya ku kala saxiixdeen dowladda Soomaaliya iyo maamulka Jubba bishii Ogoosto ee aynu soo dhaafnay, iyagoo labada dhinac ugu baaqay inay meel mariyaan qodobbadii heshiiskaas.