2014-11-24
Today from Hiiraan Online:  _
Wararka Maanta- Sabti, Sept 14, 2013
Wafdi uu horkacayo Hoggaamiyaha Maamulka KMG ee Jubba oo ku wajahan Magaalada Brussels ee Dalka Biljamka (SAWIRRO)



Sabti, September 14, 2013 (HOL) — Wafdi uu horkacayo hogaamiyamaha maamulka KMG ah ee Jubba, Sheekh Axmed Maxamed Islaam (Sh. Axmed Madoobe) ayaa maanta ka duulay magaalada Kismaayo. Wafdigan ayaa kusii jeeda magaalada Nairobi halkaasoo la filayo inuu uga sii ambabaxo magaalada Brussels ee xarunta dalka Biljamka.

Wafdigan ayaa waxaa sagootiyay odoyaal iyo mas'uuliyiin maamulka Jubba ka tirsan oo ay ka mid ahaayeen hoggaamiye ku-xigeenka maamulka Jubba Jen. Cabdullaahi Sheekh Ismaaciil (Far-taag) iyo guddoomiye ku-xigeenka maamulkii KMG ahaa ee degmada Kismaayo Yaasiin Nuur Gaas (Raadeer).

Madaxa maamulka Jubba Sheekh Axmed Madoobe oo warbaahinta kula hadlay gudaha garoonka ayaa sheegay in uu ku wajahan yahay dalka Biljamka, halkaasoo uu xusay in uu uga qeybgali doono shirka looga hadli doono arimaha Soomaaliya ee ka dhici doona dalkaas.

La-taliyaha hogaamiyaha maamulka Jubba ee dhinaca Siyaasadda C/qani Cabdi Jaamac, oo warbaahinta kula hadlay garoonka aya isna sheegay in Sheekh Axmed Madoobe iyo wafdigiisa ay ka qeybgali doonaan shirka ka dhici doona dalka Biljamka, isagoona intaa ku daray in wafdiga ka socda maamulka Jubba ay la hortagi doonaan shirkaasi arrimo badan oo ay kamid yihiin sidii gacan looga siin lahaa dhinacyada ammaanka iyo dib usoo kabashada dhanka dhaqaalaha.

Shirka Hiigsiga cusub ayaa la filayaa in 16-ka bishan uu ka furmo magaalada Brussels, iyadoona shirkaasi looga hadli doono arrimo badan oo ay ka mid yihiin sidii dhaqaale toos ah loo siin lahaa dalka Soomaaliya.





Xasan Nuur, Hiiraan Online
hnur@hiiraan.com
Kismaayo-Soomaaliya





Post your comments

2013-09-14 3:02 PM EST
Sabti, September 14, 2013(HOL) :- Sakariye Yaquub Cabdi waa Wiil 4 sano jir ah ,waxuuna dhashey sanadkii 2010kii,isagoona ku dhashey Magaalada Luuq ee Gobolka Gedo,waxuuna tan iyo markii uu dhashey uu la xanuunsan yahay Cudurka Neerfaha oo jirkiisa oo dhan saameeyey,mana fadhiisan karo,waxaana dhibaya wax cunista waxa keliya ee uu isticmaalo ayaa ah Caanaha oo cabitaankooda ay ku adagtahay.

2013-09-14 1:44 PM EST
Sabti, September 14, 2013 (HOL) — Xarakada Al-shabaab oo dowladda kula jirta dagaal ayaa ka hadashay shir ay culummada Soomaaliyeed Muqdisho kusoo gabgabeeyeen, shirkaas oo laga soo saaray fadwo ka dhan ah ururka Al-shabaab.

2013-09-14 11:49 AM EST
Sabti, September 14, 2013 (HOL) — Fannaanada weyn ee Soomaaliyeed, Hibo Maxamed Gudoon (Hibo Nuura) ayaa maanta xaflad soo dhaweyn ah oo weyn loogu sameeyay xarunta Rugta ganacsiga Soomaaliyeed, iyadoo kulan la qaadatay mas’uuliyiinta rugta.

2013-09-14 11:19 AM EST
Sabti, September 14, 2013 (HOL) — Dowladda Soomaaliya iyo dalalka deeq-bixiyeyaasha ah ayaa lagu wadaa inay maalinta Isniinta ah ee soo socota ku saxiixaan magaalada Brussels ee xarunta dalka Belgium heshiis ku saabsan dib u dhiska Soomaaliya oo socon doona muddo saddex sano ah, iyadoo ay saraakiisha Midowga Yurub sheegeen in dib u dhiskaas ay ku bixi doonto in ka badan hal bilyan oo EURO.

2013-09-14 11:19 AM EST
Sabti, September 14, 2013 (HOL) — Madaxweynaha Somaliland Md. Axmed Maxamed Maxamuud (Siilaanyo) ayaa maanta xadhiga ka jaray dugsiga Tobabarka Saraakiisha Ciidamadda Militariga Somaliland ee Dararweyne ee gobolka Maroodi-jeex.

2013-09-14 9:42 AM EST
Sabti, September 14, 2013 (HOL) — Hay’adda samafalka Hormuud Telecom Foundation ayaa iyadoo ka jawaabaysa codsiga qaar ka mid xoogsatada ku xamaalata gaari-gacannada ayaa 40 ruux oo ka mid ah waxay u qaybisay gaari-gacanno ay ku shaqeystaan.

2013-09-14 8:47 AM EST
Sabti, September 14, 2013 (HOL) — Saraakiil ka socta ciidamada booliiska howlgalka midowgga Africa AMISOM oo maanta gaaray magaalada Beledweyne ayaa kulamo kala duwan waxaa ay la qaateen mas'uuliyiinta maamulka gobolka, saraakiisha ciidamada booliiska maamulka iyo kuwa Jabuuti ee howlgalka Midowga Afrika ee AMISOM.

2013-09-14 8:37 AM EST
Sabti, September 14, 2013 (HOL) — Iskaashatada gaadiidka BL-ka ee gobolka Bari, ayaa cabasho xooggan ka muujiyey ammarro ay dhowaan si wada jir ah usoo saareen wasaaradaha amniga; howlaha guud iyo gaadiidka iyo taliska ciidamada booliska ee Puntland.

2013-09-14 8:30 AM EST
Sabti, September 14, 2013 (HOL) — Kulan lagu taageerayay fatwadii laga soo saaray shirkii culumaa'uddiinka Soomaaliyeed ayaa maanta ka dhacay magaalada Muqdisho, iyadoo lagu dalbaday in la dhaqan-gelinayo qodobadii kasoo baxay shirkii culummada ee shanta maalmood socday Muqdisho.

2013-09-14 7:56 AM EST
Sabti, September 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa si weyn u cambaareeyay qaxayadii dhacaan ka dhacay magaalada Muqdisho iyo Kismaayo ee ay dadka badan naftooda ku waayeen, isagoo ku tilmaamay inay ahaayeen kuwo axmaqnimo ah oo lagu dilay dad shacab ah.

2013-09-14 3:16 AM EST
Sabti, September 14, 2013 (HOL) — Ergayga Qaramada Midoobay ee arrimaha Samalia, Nicholas Kay oo la hadlayay xubnaha golaha ammaanka ee Qaramada Midoobay Khamiistii lasoo dhaafay ayaa amaanay horumarka ay ku tallaabsatay Soomaaliya, isagoo xusay inaan la oran karin dhibaatadii Soomaaliya way dhammaantay.

2013-09-14 2:40 AM EST
Sabti, September 14, 2013 (HOL) — Xildhibaannada baarlamaanka Somalia ayaa waxay maanta kulan ay ku dhageysanayaan xaruntooda Muqdisho waxay ku dhageysan doonaan warbixinno ku saabsan xaaladaha gobollada dalka iyo nolosha dadka ku nool.

2013-09-14 2:21 AM EST
Sabti, September 14, 2013 (HOL) — Golaha ammaanka Qaramada Midoobay ayaa soo dhaweeyay heshiiskii ay magaalada Addis Ababa ee dalka Itoobiya ku kala saxiixdeen dowladda Soomaaliya iyo maamulka Jubba bishii Ogoosto ee aynu soo dhaafnay, iyagoo labada dhinac ugu baaqay inay meel mariyaan qodobbadii heshiiskaas.