2014-11-28
Today from Hiiraan Online:  _
Wararka Maanta- Sabti, Sept 14, 2013
NICHOLAS KAY: “Haddii Somalia ay dib u kufto Al-Shabaabna ay guulaysato Nabadgalyo darradu waxay ku baahi doontaa…”



Sabti, September 14, 2013 (HOL) — Ergeyga Qaramada Midoobay ee arrimaha Soomaaliya, Nicholas Kay oo la hadlayay xubnaha golaha ammaanka ee Qaramada Midoobay Khamiistii lasoo dhaafay ayaa ammaanay horumarka ay ku tallaabsatay Soomaaliya, isagoo xusay inaan la oran karin dhibaatadii Soomaaliya way dhammaatay.

Nicholas Kay ayaa sheegay inay weli jiraan dhibaatooyin ka dhacaya meel ka mid ah Soomaaliya sida Muqdisho, isagoo tusaale usoo qaatay qaraxyadii ka kala dhacay Muqdisho iyo Kismaayo.

“Waxaanu u baahannahay in Soomaaliya laga caawiyo sidii dhibaatada ay ku jirto ay uga bixi lahayd. Inkastoo meel wanaagsan hadda la taagan yahay, haddana weli lama oran karo dhibaatadii waa laga baxay. Caalamku waa in uu taageero dadaalka loogu jiro in Soomaaliya ay horumar intan ka badan sameyso,” ayuu yiri Kay.

Sidoo kale, Kay wuxuu xusay inay jiraan caqabado badan isagoo xusay inuu ku rajo ku qabo mustaqbalka Soomaaliya, haatanna ay Soomaaliya ka jiraan asaasyadii horumarka. Wuxuuna ammaan u jeediyay dalalka Soomaaliya u fidiya taageerada si ay sharaftii dalka u soo laabato.

"Waxaan qarka u saarannahay guul weyn," ayuu yiri Kay oo intaas ku daray in golaha ay ku boorriyaan inay baaqi kusii ahaadaan xaaladda feejignaanta ah, isagoo carrabka ku dhuftay in dhibaatadu aysan wali fari ka qodnayn.

Nicholas Kay oo ah madaxa xafiiska UNSOM ee Somalia ayaa wuxuu xilka kala wareegay ergaygii hore ee Qaramada Midoobay u joogay Soomaaliya, Augustine Phillip Mahiga, kaasoo muddo saddex ah ka shaqeynayay dalka Soomaaliya.

"Haddii Soomaaliya ay dib u kufto oo Al-Shabaab ay guulaysato nabadgalyo darradu waxay ku baahi doontaa laga billaabo Bomako illaa Bangui iyo sidoo kale dunida ka fog Afrika," ayuu Kay ku yiri warbixinta uu siinayay golaha ammaanka ee Qaramada Midoobay.

Ugu dambeyn, Nicholas Kay wuxuu beesha caalamka ugu baaqay in ay kor qaadaan taageerada la siiyo ciidamada Soomaaliya si tayadooda kor loogu qaado, sidoo kalena wuxuu ku baaqay in la  taageero howlgalka AMISOM ee Soomaaliya; si ay awood ugu yeeshaan inay Al-shabaab ka saaraan deegaannada ay dalka kaga harsan tahay.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-09-14 3:02 PM EST
Sabti, September 14, 2013(HOL) :- Sakariye Yaquub Cabdi waa Wiil 4 sano jir ah ,waxuuna dhashey sanadkii 2010kii,isagoona ku dhashey Magaalada Luuq ee Gobolka Gedo,waxuuna tan iyo markii uu dhashey uu la xanuunsan yahay Cudurka Neerfaha oo jirkiisa oo dhan saameeyey,mana fadhiisan karo,waxaana dhibaya wax cunista waxa keliya ee uu isticmaalo ayaa ah Caanaha oo cabitaankooda ay ku adagtahay.

2013-09-14 1:44 PM EST
Sabti, September 14, 2013 (HOL) — Xarakada Al-shabaab oo dowladda kula jirta dagaal ayaa ka hadashay shir ay culummada Soomaaliyeed Muqdisho kusoo gabgabeeyeen, shirkaas oo laga soo saaray fadwo ka dhan ah ururka Al-shabaab.

2013-09-14 11:49 AM EST
Sabti, September 14, 2013 (HOL) — Fannaanada weyn ee Soomaaliyeed, Hibo Maxamed Gudoon (Hibo Nuura) ayaa maanta xaflad soo dhaweyn ah oo weyn loogu sameeyay xarunta Rugta ganacsiga Soomaaliyeed, iyadoo kulan la qaadatay mas’uuliyiinta rugta.

2013-09-14 11:19 AM EST
Sabti, September 14, 2013 (HOL) — Dowladda Soomaaliya iyo dalalka deeq-bixiyeyaasha ah ayaa lagu wadaa inay maalinta Isniinta ah ee soo socota ku saxiixaan magaalada Brussels ee xarunta dalka Belgium heshiis ku saabsan dib u dhiska Soomaaliya oo socon doona muddo saddex sano ah, iyadoo ay saraakiisha Midowga Yurub sheegeen in dib u dhiskaas ay ku bixi doonto in ka badan hal bilyan oo EURO.

2013-09-14 11:19 AM EST
Sabti, September 14, 2013 (HOL) — Madaxweynaha Somaliland Md. Axmed Maxamed Maxamuud (Siilaanyo) ayaa maanta xadhiga ka jaray dugsiga Tobabarka Saraakiisha Ciidamadda Militariga Somaliland ee Dararweyne ee gobolka Maroodi-jeex.

2013-09-14 9:42 AM EST
Sabti, September 14, 2013 (HOL) — Hay’adda samafalka Hormuud Telecom Foundation ayaa iyadoo ka jawaabaysa codsiga qaar ka mid xoogsatada ku xamaalata gaari-gacannada ayaa 40 ruux oo ka mid ah waxay u qaybisay gaari-gacanno ay ku shaqeystaan.

2013-09-14 8:47 AM EST
Sabti, September 14, 2013 (HOL) — Saraakiil ka socta ciidamada booliiska howlgalka midowgga Africa AMISOM oo maanta gaaray magaalada Beledweyne ayaa kulamo kala duwan waxaa ay la qaateen mas'uuliyiinta maamulka gobolka, saraakiisha ciidamada booliiska maamulka iyo kuwa Jabuuti ee howlgalka Midowga Afrika ee AMISOM.

2013-09-14 8:37 AM EST
Sabti, September 14, 2013 (HOL) — Iskaashatada gaadiidka BL-ka ee gobolka Bari, ayaa cabasho xooggan ka muujiyey ammarro ay dhowaan si wada jir ah usoo saareen wasaaradaha amniga; howlaha guud iyo gaadiidka iyo taliska ciidamada booliska ee Puntland.

2013-09-14 8:30 AM EST
Sabti, September 14, 2013 (HOL) — Wafdi uu horkacayo hogaamiyamaha maamulka KMG ah ee Jubba, Sheekh Axmed Maxamed Islaam (Sh. Axmed Madoobe) ayaa maanta ka duulay magaalada Kismaayo, waxaana wafdiga uu kusii jeeda magaalada Nairobi halkaasoo la filayo inuu uga sii ambabaxo magaalada Brussels ee dalka Biljimka.

2013-09-14 8:30 AM EST
Sabti, September 14, 2013 (HOL) — Kulan lagu taageerayay fatwadii laga soo saaray shirkii culumaa'uddiinka Soomaaliyeed ayaa maanta ka dhacay magaalada Muqdisho, iyadoo lagu dalbaday in la dhaqan-gelinayo qodobadii kasoo baxay shirkii culummada ee shanta maalmood socday Muqdisho.

2013-09-14 7:56 AM EST
Sabti, September 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa si weyn u cambaareeyay qaxayadii dhacaan ka dhacay magaalada Muqdisho iyo Kismaayo ee ay dadka badan naftooda ku waayeen, isagoo ku tilmaamay inay ahaayeen kuwo axmaqnimo ah oo lagu dilay dad shacab ah.

2013-09-14 2:40 AM EST
Sabti, September 14, 2013 (HOL) — Xildhibaannada baarlamaanka Somalia ayaa waxay maanta kulan ay ku dhageysanayaan xaruntooda Muqdisho waxay ku dhageysan doonaan warbixinno ku saabsan xaaladaha gobollada dalka iyo nolosha dadka ku nool.

2013-09-14 2:21 AM EST
Sabti, September 14, 2013 (HOL) — Golaha ammaanka Qaramada Midoobay ayaa soo dhaweeyay heshiiskii ay magaalada Addis Ababa ee dalka Itoobiya ku kala saxiixdeen dowladda Soomaaliya iyo maamulka Jubba bishii Ogoosto ee aynu soo dhaafnay, iyagoo labada dhinac ugu baaqay inay meel mariyaan qodobbadii heshiiskaas.