2014-10-26
Today from Hiiraan Online:  _
Wararka Maanta- Khamiis, Sept 12, 2013
Tababar ku Saabsan sida Haweenku ay isaga Difaaci karaan Kufsiga oo lagu soo Gabagabeeyay Magaalada Muqdisho (SAWIRRO)



Khamiis, September 12, 2013 (HOL) — Tababar ku saabsanaa sida ay haweenku isaga difaaci karaan kursiga oo maanta lagu soo gabagabeeyay xarunta AMISOM ee magaalada Muqdisho, iyadoo ay ka faa’iideysteen 20 haween ah oo ka kala socday gobollada Shabeellada Hoose, Banaadir iyo Shabeellada dhexe.

Qabashada tababarkan oo qaban-qaabadiisa iska kaashaday wasaaradda horumarinta adeegga bulshada iyo xafiiska Jinsiga ee AMISOM ayaa lagu sheegay inuu yahay mid lagu dhisayo awoodda dumarka, iyadoo haweenkii tababarka qaatay ay sheegeen inay ka faa’iideen xeelado la isaga difaaci karo ragga oo aanay horay u aqoon.

Haweenkan ayaa la baray sida la isaga difaaco haddii uu nin damcno inuu u geysto kufsi, iyadoo ay tababarka casharro ka bixinayeen haween iyo rag ka tirsan ciidamada AMISOM ee howgalka u jooga dalka Soomaaliya.

“Tababarku wuxuu ahaa mid lagu dhisayay awoodda dumarka Soomaaliyeed si ay isaga difaacaan kuwa doonaya inay kufsadaan, iyadoo haweenka ka faa’iideystay tababarka lagu wargeliyay inay mid walba barto tababarka ay qaadatay 20 haween ah oo Soomaaliyeed,” ayay tiri madaxa xafiiska jinsiga ee AMISOM, Mane Axmed oo ka hadlaysay xirtaanka tababarka. Iyadoo ku dartay hadalkeeda in haweenka la tababaray loogu talogalay inay noqdaan tababarayaal.

Wasiiradda horumarinta adeegga bulshada xukuumadda Soomaaliya, Maryan Qaasim Axmed oo furitaankii tababarkan hadal dheer ka jeedisay ayaa aad u soo dhaweysay in haweenka Soomaaliyeed ay markii ugu horreysay bartaan sida la isaga difaaco kuwa doonaya inay kufsiga u geystaan.

“Runtii tababarkan waa mid qiimo weyn ugu fadhiya wasaarada iyo dumarka Soomaaliyeed oo dhan, waayo waa xifad ay isaga difaacayaan kuwa aan ka xishoonayn dhibaateynta haweenka, waana mid aan aad ugu farxay markii aan maqlay,” ayay tiri Maryan Qaasim.

Tababarkan oo socday muddo saddex maalmood ah ayaa wuxuu qayb weyn ka yahay olole uu wado xafiiska jinsiga ee AMISOM, kaasoo lagu doonayo in haweenka ay karti iyo awood u yeeshaan inay ka hortagaan kuwa kufsiga u geysanaya iyo in bulshada Soomaaliyeed laga dhaadhiciyo inaan haweenka la dhibaateyn.

Waa markii ugu horreysay oo tababar noocan oo kale ah ay qaataan qaataan haweenka Soomaaliyeed, waxaana uu kusoo beegmayaa iyadoo maalmahan soo badanayeen hadallada ku saabsan in haweenka Soomaaliyeed ay weli la kulmaan kufsi baahsan oo ay u geysanayaan kooxo hubeysan oo qaarkood ay xiran yihiin dharka ciidamada dowladda Soomaaliya.

Ugu dambeyn, labaatankii haweenka ahaa ee tababarka qaatay ayaa kusoo bandhigay Soomaali fara badan iyo saraakiisha AMISOM hortooda tababarkii ay qaateen taasoo ay aad ugu riyaaqeen dadkii xirtaanka tababarkan goob-joogga ka ahaa.

Xafiiska jinsiga (Gender-ka) ee AMSIOM oo la aasaasay sannadkii 2009 ayaa wuxuu dadaal weyn ugu jiraa dhisidda wacyiga haweenka Soomaaliyeed si ay qayb uga noqdaan siyaasadda dalka, go’aan gaarista iyo inay helaan mid la mid ah xuquuqaadka ay raggu ka helaan hay’adaha dowladda.









Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-09-12 12:49 PM EST
Khamiis, September 12, 2013 (HOL) — Wakiilka Mareykanka ee Soomaaliya, James McAnulyt ayaa sheegay in dowladdiisu ay soo dhaweynsayso go’aankii dowladda federaalka Soomaaliya uga mid noqotay 33 waddan oo taageeray go’aankii lixdii bishan laga gaaray arrimaha Siiriya.

2013-09-12 12:47 PM EST
Khamiis, September 12, 2013 (HOL) — Xarakada Al-shabaab oo dagaal kula jirta dowladda Soomaaliya ayaa sheegatay weerarkii maanta Sheekh Axmed Maxamed Islaam lagula beegsaday bartamaha magaalada Kismaayo, iyagoo sheegay inay ku dileen ciidammo, waxgarad iyo ajnabi la socday gaadiidkii uu Sheekh Axmed Madoobe watay.

2013-09-12 12:45 PM EST
Khamiis, September 12, 2013 (HOL) — Madaxa xiriirka bulshada iyo is-gaarsiinta ee ciidamada dalka Sierra Leone, Col. M. M. Samura ayaa sheegay in dalkiisu uu ciidammo u diri doono Soomaaliya kuwaasoo ku shaqeynaya magaca AMISOM.

2013-09-12 11:16 AM EST
Khamiis, September 12, 2013 (HOL) — Golaha wasiirrada Soomaaliya ayaa maanta yeeshay kulankoodii joogtada ahaa, kaasoo uu shir guddoominayay ra’iisul wasaaraha Soomaaliya, Cabdi Faarax Shirdoon, iyadoo looga dooday qodobbo ka mid ahaa kuwii kasoo baxay shirkii culumada Soomaaliyeed ee looga hadlay sida looga hortagi karo ku talax-tagga diinta ama xag-jirnimada.

2013-09-12 11:14 AM EST
Khamiis, September 12, 2013 (HOL) — Marwada Madaxweynaha Somaliland Marwo Aamina X Maxamed Jirde (Aamina Weris), ayaa munaasibad ay ku dhiirigalinayso haweenka ciidamadda kala duwan ku jira ee darajooyinka la siiyey ugu qabatay magaaladda Hargeysa.

2013-09-12 9:37 AM EST
Khamiis, September 12, 2013(HOL) :- Madaxa maamulka KMG ee Jubba Sheekh Axmed Max'ed Islaam (Axmed Madoobe) oo goor dhow shir jaraa'id ku qabtay xarunta madaxtooyada kismaayo ayaa sheegay in uu ka badbaaday isku day dil oo la doonayay in lagu qaarajiyo.

2013-09-12 9:17 AM EST
Khamiis, September 12, 2013(HOL) :- Afhayeenka maamulka Jubba C/naasir Seeraar Maax oo gordhow warbaahinta kula hadlay gudaha xarunta madaxtooyada Kismaayo ayaa sheegay in uu caafimaad qabo madaxa maamulka Jubba Sheekh Axmed Max’ed Islaam (Axmed Madoobe)

2013-09-12 8:40 AM EST
Khamiis, September 12, 2013 (HOL) — Madaxweynaha Soomaaliya, Xasan Sheekh Maxamuud ayaa cambaareeyay weerarkii maanta lagu dhaawacay hoggaamiyaha maamulka KMG ee Jubbooyinka, Sheekh Axmed Maxamed Islaam (Sheekh Axmed Madoobe).

2013-09-12 8:29 AM EST
Khamiis, September 12, 2013 (HOL) — Muwaadiniin reer Somaliland ah oo ka yimid dibadda oo Raaci lahaa Diyaarada Itoobiya, ayaa dhawrkii maalmood ee u dambeeyey ku xanibnaa magaaladda Hargeysa, kuwaas oo madaarka Hargeysa ka raaci lahaa Diyaaraddaasi.

2013-09-12 8:25 AM EST
Khamiis, September 12, 2013 (HOL) — Wafdi k socda dowladda federaalka Soomaaliya oo ka kooban xildhibaanno iyo golaha wasiirrada ayaa maanta gaaray magaalada Baydhabo ee xarunta gobolka, kaddib markii dhawaan loo diiday inay halkaas tagaan.

2013-09-12 8:19 AM EST
Khamiis, September 12, 2013 (HOL) — Kulan ay kasoo qaybgaleen xubno ka tirsan baarlamaanka Soomaaliya, siyaasiyiin, aqoonyahanno, haween iyo odayaal kasoo jeeda beelaha Jareer-weyne ayaa lagu qabtay Magaalada Muqdisho ee xarunta Soomaaliya.

2013-09-12 7:35 AM EST
Khamiis, September 12, 2013 (HOL) — Hoteel ku yaalla magaalada Baydhabo oo ay deggenaayeen qurbo-joog kasoo jeeda goballada Bay iyo Bakool oo doonayay niay ka qaybgalaan shirweynaha lagu sameynayo maamulka Koonfur-galbeed Soomaaliya ayaa lagu weeraray bam-gacmeed.

2013-09-12 7:11 AM EST
Khamiis, September 12, 2013 (HOL) — Wararka ka imaanaya Kismaayo ayaa sheegaya in Sheekh Axmed Maxamed Islaam (Sheekh Axmed Madoobe) oo ka mid ah hoggaamiyeyaha maamulka KMG ah ee Jubba oo saakay ka dhoofay Muqdisho uu ku dhaawacmay qarax ismiidaamin ah oo ka dhacay Kismaayo baqonimadii maanta.

2013-09-12 7:00 AM EST
Khamiis, September 12, 2013 (HOL) — Weerar la sheegay inuu ku dhintay Cumar Shafiiq Xamaami oo ah hoggaamiye horay uga tirsanaa Al-shabaab iyo laba ruux oo kale oo mid uu ahaa ruux ajnbi ah oo dhalashadiisu ay ahayd Pakistan ayaa lagu dilay deegaan 30-km bari kaga beegan degmada Baardheer ee gobolka Gedo.

2013-09-12 6:51 AM EST
Khamiis, September 12, 2013 (HOL) — Kooxo bastoolado ku hubeysan ayaa xalay ku toogtay xaafadda Howl-wadaag ee magaalada Beledweyne nabadoon C/dulle Macalin Siyaad oo ka mid ahaa waxgaradka magaalada.

2013-09-12 4:47 AM EST
Khamiis, September 12, 2013(HOL) :- Wafdi ballaaran oo ay horkacayeen madaxa maamulka KMG ee Jubba Sheekh Axmed Max’ed Islaam (Axmed Madoobe) iyo kuxigeenkiisa Jen. C/laahi Sheekh Ismaaciil (Fartaag) ayaa maanta kasoo dagay garoonka magaalada Kismaayo.

2013-09-12 2:29 AM EST
Khamiis, September 12, 2013 (HOL) — Shir looga hadlayay xagjirnimada iyo ku talax-tagga diinta islaamka oo shalay lagu soo gabagabeeyay Muqdisho ayaa laga soo saaray fadwo ka dhan ah Al-shabaab, iyadoo looga digay dadka Soomaaliyeed inay ku biiraan ama ay caawiyaan.

2013-09-12 1:41 AM EST
Khamiis, September 12, 2013 (HOL) — Daadad ka dhasha fatahaad uu webiga Shabeelle sameeyo ayaa laga baqdin qabaa inay ku dhuftaan xarunta gobolka Shabeellada dhexe ee Jowhar, halkaasoo tan iyo xalay ay ka jirtay barakac ay sameynayeen dadka degmadaas ku nool.