2014-10-23
Today from Hiiraan Online:  _
Wararka Maanta- Khamiis, Sept 12, 2013
Marwada Madaxweynaha Somaliland oo Xaflad dhiiri-gelin ah Hargeysa ugu sameysay Haweenka Ciidanka ku jira (SAWIRRO)



Khamiis, September 12, 2013 (HOL) — Marwada Madaxweynaha Somaliland Marwo Aamina X Maxamed Jirde (Aamina Weris),  ayaa munaasibad ay ku dhiirigalinayso haweenka ciidamadda kala duwan ku jira ee darajooyinka  la siiyey ugu qabatay magaaladda Hargeysa.

Xafladan lagu casuumay haweenka Ciidanka ku jira ee Darajooyinka la siiyey ayaa lagu qabtay Hotel Ambassador ee magaalada Hargaysa, waxana ka soo qayb galay Wasiir ku xigeenada wasaaradaha shaqada iyo arimaha bulshada iyo caafimaadka oo ay wehelinayeen la taliyaha haweenka ee madaxweynaha iyo taliyaha ciidanka Booliska Somaliland sareeye Guuto Cabdilaahi fadal iimaan, taliye ku xigeenka ciidanka asluubta Gaashaanle Sare Xasan Cali dheere, gudoomiye ku xigeenkla xisbiga Kulmiye Maxamed kaahin Axmed iyo mas’uuliyiin kale.

Marwo Amaal xaaji Miisaan la taliyaha madaxweynaha ee arimaha haweenka ayaa sheegtay in ujeedada munaasabadani tahay mid lagu soo dhoweynayo haweenkii derejooyinka kala duwan ka helay ciidamada kala duwan ee Somaliland, waxaanay ka mid tahay balanqaadadii xukuumadda ee ku aadanaa derejo bixinta ciidamada iyo door inay haweenku ku yeeshaan talada wadanka.

Marwadda Madaxweynaha Somaliland Marwo Aamina X Maxamed Jirde (Aamina Weris) ayaa soo dhowaysay saraakiishan haweenka ah ee shaqadii ay ummadda u hayeen ku dalacay, waxaanay intaas ku dartay inay xukuumadani doonayso inay horumariso haweenka, isla markaana ka qaybqaataan siyaasadda iyo difaaca dalka.

Marwada madaxweynuhu ayaa xustay inay haweenkan ku hambalyeysayo darajooyinka ay heleen ee iskugu jira qaybaha kala duwan, iyadoo tilmaamtay inay mustaqbalka ay gaadhi doonaan darajada ugu sareeya ee jananka.

Sidoo kale waxa iyaguna soo dhoweynta saraakiisha dumarka ah ee darajooyinka ciidanka la siiyey ka hadlay wasiir ku xigeenka caafimaadka Nimco Xuseen Qawdhan, wasiir ku xigeenka arrimaha bulshada iyo shaqadda Shukri Xariir, kuwaas oo madaxweynaha uga mahadnaqay doorka ay haweenku ka heleen derejooyinka ciidamadda.

Taliyaha Ciidanka Booliska Somaliland Sareeye Guuto Cabdilaahi Fadal Iimaan, taliye ku xigeenka ciidanka asluubta Gaashaanle sare Xasan Cali dheere iyo Gaashaanle Hibo Maxamed Biixi oo ah taliyaha u saraysa haweenka ciidanka booliska Somaliland ayaa dhamaantood uga mahad celiyey marwada madaxweynaha munaasabadan dhiirigalinta ah ee ay u samaysay haweenka qaybta ka helay derejooyinka ciidamada.












Barkhad-Ladiif  M. Cumar, Hiiraan Online 
barkhadladiif@hiiraan.com  
Hargeysa, Somaliland





Post your comments

2013-09-12 3:07 PM EST
Khamiis, September 12, 2013 (HOL) — Tababar ku saabsanaa sida ay haweenku isaga difaaci karaan kursiga oo maanta lagu soo gabagabeeyay xarunta AMISOM ee magaalada Muqdisho, iyadoo ay ka faa’iideysteen 20 haween ah oo ka kala socday gobollada Shabeellada Hoose, Banaadir iyo Shabeellada dhexe.

2013-09-12 12:49 PM EST
Khamiis, September 12, 2013 (HOL) — Wakiilka Mareykanka ee Soomaaliya, James McAnulyt ayaa sheegay in dowladdiisu ay soo dhaweynsayso go’aankii dowladda federaalka Soomaaliya uga mid noqotay 33 waddan oo taageeray go’aankii lixdii bishan laga gaaray arrimaha Siiriya.

2013-09-12 12:47 PM EST
Khamiis, September 12, 2013 (HOL) — Xarakada Al-shabaab oo dagaal kula jirta dowladda Soomaaliya ayaa sheegatay weerarkii maanta Sheekh Axmed Maxamed Islaam lagula beegsaday bartamaha magaalada Kismaayo, iyagoo sheegay inay ku dileen ciidammo, waxgarad iyo ajnabi la socday gaadiidkii uu Sheekh Axmed Madoobe watay.

2013-09-12 12:45 PM EST
Khamiis, September 12, 2013 (HOL) — Madaxa xiriirka bulshada iyo is-gaarsiinta ee ciidamada dalka Sierra Leone, Col. M. M. Samura ayaa sheegay in dalkiisu uu ciidammo u diri doono Soomaaliya kuwaasoo ku shaqeynaya magaca AMISOM.

2013-09-12 11:16 AM EST
Khamiis, September 12, 2013 (HOL) — Golaha wasiirrada Soomaaliya ayaa maanta yeeshay kulankoodii joogtada ahaa, kaasoo uu shir guddoominayay ra’iisul wasaaraha Soomaaliya, Cabdi Faarax Shirdoon, iyadoo looga dooday qodobbo ka mid ahaa kuwii kasoo baxay shirkii culumada Soomaaliyeed ee looga hadlay sida looga hortagi karo ku talax-tagga diinta ama xag-jirnimada.

2013-09-12 9:37 AM EST
Khamiis, September 12, 2013(HOL) :- Madaxa maamulka KMG ee Jubba Sheekh Axmed Max'ed Islaam (Axmed Madoobe) oo goor dhow shir jaraa'id ku qabtay xarunta madaxtooyada kismaayo ayaa sheegay in uu ka badbaaday isku day dil oo la doonayay in lagu qaarajiyo.

2013-09-12 9:17 AM EST
Khamiis, September 12, 2013(HOL) :- Afhayeenka maamulka Jubba C/naasir Seeraar Maax oo gordhow warbaahinta kula hadlay gudaha xarunta madaxtooyada Kismaayo ayaa sheegay in uu caafimaad qabo madaxa maamulka Jubba Sheekh Axmed Max’ed Islaam (Axmed Madoobe)

2013-09-12 8:40 AM EST
Khamiis, September 12, 2013 (HOL) — Madaxweynaha Soomaaliya, Xasan Sheekh Maxamuud ayaa cambaareeyay weerarkii maanta lagu dhaawacay hoggaamiyaha maamulka KMG ee Jubbooyinka, Sheekh Axmed Maxamed Islaam (Sheekh Axmed Madoobe).

2013-09-12 8:29 AM EST
Khamiis, September 12, 2013 (HOL) — Muwaadiniin reer Somaliland ah oo ka yimid dibadda oo Raaci lahaa Diyaarada Itoobiya, ayaa dhawrkii maalmood ee u dambeeyey ku xanibnaa magaaladda Hargeysa, kuwaas oo madaarka Hargeysa ka raaci lahaa Diyaaraddaasi.

2013-09-12 8:25 AM EST
Khamiis, September 12, 2013 (HOL) — Wafdi k socda dowladda federaalka Soomaaliya oo ka kooban xildhibaanno iyo golaha wasiirrada ayaa maanta gaaray magaalada Baydhabo ee xarunta gobolka, kaddib markii dhawaan loo diiday inay halkaas tagaan.

2013-09-12 8:19 AM EST
Khamiis, September 12, 2013 (HOL) — Kulan ay kasoo qaybgaleen xubno ka tirsan baarlamaanka Soomaaliya, siyaasiyiin, aqoonyahanno, haween iyo odayaal kasoo jeeda beelaha Jareer-weyne ayaa lagu qabtay Magaalada Muqdisho ee xarunta Soomaaliya.

2013-09-12 7:35 AM EST
Khamiis, September 12, 2013 (HOL) — Hoteel ku yaalla magaalada Baydhabo oo ay deggenaayeen qurbo-joog kasoo jeeda goballada Bay iyo Bakool oo doonayay niay ka qaybgalaan shirweynaha lagu sameynayo maamulka Koonfur-galbeed Soomaaliya ayaa lagu weeraray bam-gacmeed.

2013-09-12 7:11 AM EST
Khamiis, September 12, 2013 (HOL) — Wararka ka imaanaya Kismaayo ayaa sheegaya in Sheekh Axmed Maxamed Islaam (Sheekh Axmed Madoobe) oo ka mid ah hoggaamiyeyaha maamulka KMG ah ee Jubba oo saakay ka dhoofay Muqdisho uu ku dhaawacmay qarax ismiidaamin ah oo ka dhacay Kismaayo baqonimadii maanta.

2013-09-12 7:00 AM EST
Khamiis, September 12, 2013 (HOL) — Weerar la sheegay inuu ku dhintay Cumar Shafiiq Xamaami oo ah hoggaamiye horay uga tirsanaa Al-shabaab iyo laba ruux oo kale oo mid uu ahaa ruux ajnbi ah oo dhalashadiisu ay ahayd Pakistan ayaa lagu dilay deegaan 30-km bari kaga beegan degmada Baardheer ee gobolka Gedo.

2013-09-12 6:51 AM EST
Khamiis, September 12, 2013 (HOL) — Kooxo bastoolado ku hubeysan ayaa xalay ku toogtay xaafadda Howl-wadaag ee magaalada Beledweyne nabadoon C/dulle Macalin Siyaad oo ka mid ahaa waxgaradka magaalada.

2013-09-12 4:47 AM EST
Khamiis, September 12, 2013(HOL) :- Wafdi ballaaran oo ay horkacayeen madaxa maamulka KMG ee Jubba Sheekh Axmed Max’ed Islaam (Axmed Madoobe) iyo kuxigeenkiisa Jen. C/laahi Sheekh Ismaaciil (Fartaag) ayaa maanta kasoo dagay garoonka magaalada Kismaayo.

2013-09-12 2:29 AM EST
Khamiis, September 12, 2013 (HOL) — Shir looga hadlayay xagjirnimada iyo ku talax-tagga diinta islaamka oo shalay lagu soo gabagabeeyay Muqdisho ayaa laga soo saaray fadwo ka dhan ah Al-shabaab, iyadoo looga digay dadka Soomaaliyeed inay ku biiraan ama ay caawiyaan.

2013-09-12 1:41 AM EST
Khamiis, September 12, 2013 (HOL) — Daadad ka dhasha fatahaad uu webiga Shabeelle sameeyo ayaa laga baqdin qabaa inay ku dhuftaan xarunta gobolka Shabeellada dhexe ee Jowhar, halkaasoo tan iyo xalay ay ka jirtay barakac ay sameynayeen dadka degmadaas ku nool.