3/29/2024
Today from Hiiraan Online:  _
Wararka Maanta- Khamiis, Sept 12, 2013
Sheekh Axmed Madoobe oo la sheegay in uu Dhaawac ka soo gaaray Qarax Ismiidaamin ahaa oo ka dhacay Kismaayo

Khamiis, September 12, 2013 (HOL) — Wararka ka imaanaya Kismaayo ayaa sheegaya in Sheekh Axmed Maxamed Islaam (Sheekh Axmed Madoobe) oo ka mid ah hoggaamiyeyaha maamulka KMG ah ee Jubba oo saakay ka dhoofay Muqdisho uu ku dhaawacmay qarax ismiidaamin ah oo ka dhacay Kismaayo baqonimadii maanta.

Inkastoo isgaarsiinta la jaray markii uu weerarku dhacay ayaa wararkii laga helayo Kimaayo intii aan isgaarsiinta la jarin waxay sheegayaan in dhaawac ka gaaray qaybta sare ee jirkiisa, iyadoo la dhigay isbitaal ay garoonka diyaaradaha Kismaayo ku leeyihiin ciidamada Kenya ee qaybta ka ah AMISOM.

Qaraxan ismiidaaminta ah ayaa waxaa la sheegay inuu fuliyay ruux naftiis hure ahaa oo saarnaa gaari laga soo buuxiyay waxyaabaha qarxan, iyadoo la sheegay in dad ka badan 10-qof ay ku dhinteen is-qarxinta iyo rasaas ay fureen ilaaladii Sheekh Axmed Madoobe.

Mas’uuliyiinta maamulka Jubbaland ayaa ka gaabsaday inay faahfaahin ka bixiyaan weerarkaas, iyadoo tani ay noqonayso weerarkii ugu horreeyay oo noociisa ah oo lala beegsado hoggaamiyaha maamulka Jubba ee dhawaan heshiiska la galay dowladda Soomaaliya.

Illaa hadda ma jirto cid sheegatay inay mas’uul ka tahay weerarkaas, iyadoo xalaadda magaalada Kismaayo ay aad u kacsan tahay, waxaana la xiray gabi ahaan goobaha ganacsiga ee magaaladaas.

Xarakada Al-shabaab oo magaalada Kismaayo laga saaray bishii Oktoobar ee sannadkii hore ayaa dhowr jeer qaraxyo ka geystay magaaladaas iyagoo ku qaadayay weerarro xilliyadii ugu dambeeyay.

Sheekh Axmed Madoobe oo toddobaadkan soo gaaray Muqdisho ayaa kulammo la yeeshay mas’uuliyiin ka tirsan dowladda Soomaaliya, inkastoo uu saakay si lama filaan ah uga baxay Muqdisho.

Wararka ku saabsan weerarkan waxaad kula socon doontaa wararkeenna dambe haddii Alle ogolaado.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/12/2013 3:07 PM EST
Khamiis, September 12, 2013 (HOL) — Tababar ku saabsanaa sida ay haweenku isaga difaaci karaan kursiga oo maanta lagu soo gabagabeeyay xarunta AMISOM ee magaalada Muqdisho, iyadoo ay ka faa’iideysteen 20 haween ah oo ka kala socday gobollada Shabeellada Hoose, Banaadir iyo Shabeellada dhexe.

9/12/2013 12:49 PM EST
Khamiis, September 12, 2013 (HOL) — Wakiilka Mareykanka ee Soomaaliya, James McAnulyt ayaa sheegay in dowladdiisu ay soo dhaweynsayso go’aankii dowladda federaalka Soomaaliya uga mid noqotay 33 waddan oo taageeray go’aankii lixdii bishan laga gaaray arrimaha Siiriya.

9/12/2013 12:47 PM EST
Khamiis, September 12, 2013 (HOL) — Xarakada Al-shabaab oo dagaal kula jirta dowladda Soomaaliya ayaa sheegatay weerarkii maanta Sheekh Axmed Maxamed Islaam lagula beegsaday bartamaha magaalada Kismaayo, iyagoo sheegay inay ku dileen ciidammo, waxgarad iyo ajnabi la socday gaadiidkii uu Sheekh Axmed Madoobe watay.

9/12/2013 12:45 PM EST
Khamiis, September 12, 2013 (HOL) — Madaxa xiriirka bulshada iyo is-gaarsiinta ee ciidamada dalka Sierra Leone, Col. M. M. Samura ayaa sheegay in dalkiisu uu ciidammo u diri doono Soomaaliya kuwaasoo ku shaqeynaya magaca AMISOM.

9/12/2013 11:16 AM EST
Khamiis, September 12, 2013 (HOL) — Golaha wasiirrada Soomaaliya ayaa maanta yeeshay kulankoodii joogtada ahaa, kaasoo uu shir guddoominayay ra’iisul wasaaraha Soomaaliya, Cabdi Faarax Shirdoon, iyadoo looga dooday qodobbo ka mid ahaa kuwii kasoo baxay shirkii culumada Soomaaliyeed ee looga hadlay sida looga hortagi karo ku talax-tagga diinta ama xag-jirnimada.

9/12/2013 11:14 AM EST
Khamiis, September 12, 2013 (HOL) — Marwada Madaxweynaha Somaliland Marwo Aamina X Maxamed Jirde (Aamina Weris), ayaa munaasibad ay ku dhiirigalinayso haweenka ciidamadda kala duwan ku jira ee darajooyinka la siiyey ugu qabatay magaaladda Hargeysa.

9/12/2013 9:37 AM EST
Khamiis, September 12, 2013(HOL) :- Madaxa maamulka KMG ee Jubba Sheekh Axmed Max'ed Islaam (Axmed Madoobe) oo goor dhow shir jaraa'id ku qabtay xarunta madaxtooyada kismaayo ayaa sheegay in uu ka badbaaday isku day dil oo la doonayay in lagu qaarajiyo.

9/12/2013 9:17 AM EST
Khamiis, September 12, 2013(HOL) :- Afhayeenka maamulka Jubba C/naasir Seeraar Maax oo gordhow warbaahinta kula hadlay gudaha xarunta madaxtooyada Kismaayo ayaa sheegay in uu caafimaad qabo madaxa maamulka Jubba Sheekh Axmed Max’ed Islaam (Axmed Madoobe)

9/12/2013 8:40 AM EST
Khamiis, September 12, 2013 (HOL) — Madaxweynaha Soomaaliya, Xasan Sheekh Maxamuud ayaa cambaareeyay weerarkii maanta lagu dhaawacay hoggaamiyaha maamulka KMG ee Jubbooyinka, Sheekh Axmed Maxamed Islaam (Sheekh Axmed Madoobe).

9/12/2013 8:29 AM EST
Khamiis, September 12, 2013 (HOL) — Muwaadiniin reer Somaliland ah oo ka yimid dibadda oo Raaci lahaa Diyaarada Itoobiya, ayaa dhawrkii maalmood ee u dambeeyey ku xanibnaa magaaladda Hargeysa, kuwaas oo madaarka Hargeysa ka raaci lahaa Diyaaraddaasi.

9/12/2013 8:25 AM EST
Khamiis, September 12, 2013 (HOL) — Wafdi k socda dowladda federaalka Soomaaliya oo ka kooban xildhibaanno iyo golaha wasiirrada ayaa maanta gaaray magaalada Baydhabo ee xarunta gobolka, kaddib markii dhawaan loo diiday inay halkaas tagaan.

9/12/2013 8:19 AM EST
Khamiis, September 12, 2013 (HOL) — Kulan ay kasoo qaybgaleen xubno ka tirsan baarlamaanka Soomaaliya, siyaasiyiin, aqoonyahanno, haween iyo odayaal kasoo jeeda beelaha Jareer-weyne ayaa lagu qabtay Magaalada Muqdisho ee xarunta Soomaaliya.

9/12/2013 7:35 AM EST
Khamiis, September 12, 2013 (HOL) — Hoteel ku yaalla magaalada Baydhabo oo ay deggenaayeen qurbo-joog kasoo jeeda goballada Bay iyo Bakool oo doonayay niay ka qaybgalaan shirweynaha lagu sameynayo maamulka Koonfur-galbeed Soomaaliya ayaa lagu weeraray bam-gacmeed.

9/12/2013 7:00 AM EST
Khamiis, September 12, 2013 (HOL) — Weerar la sheegay inuu ku dhintay Cumar Shafiiq Xamaami oo ah hoggaamiye horay uga tirsanaa Al-shabaab iyo laba ruux oo kale oo mid uu ahaa ruux ajnbi ah oo dhalashadiisu ay ahayd Pakistan ayaa lagu dilay deegaan 30-km bari kaga beegan degmada Baardheer ee gobolka Gedo.

9/12/2013 6:51 AM EST
Khamiis, September 12, 2013 (HOL) — Kooxo bastoolado ku hubeysan ayaa xalay ku toogtay xaafadda Howl-wadaag ee magaalada Beledweyne nabadoon C/dulle Macalin Siyaad oo ka mid ahaa waxgaradka magaalada.

9/12/2013 4:47 AM EST
Khamiis, September 12, 2013(HOL) :- Wafdi ballaaran oo ay horkacayeen madaxa maamulka KMG ee Jubba Sheekh Axmed Max’ed Islaam (Axmed Madoobe) iyo kuxigeenkiisa Jen. C/laahi Sheekh Ismaaciil (Fartaag) ayaa maanta kasoo dagay garoonka magaalada Kismaayo.

9/12/2013 2:29 AM EST
Khamiis, September 12, 2013 (HOL) — Shir looga hadlayay xagjirnimada iyo ku talax-tagga diinta islaamka oo shalay lagu soo gabagabeeyay Muqdisho ayaa laga soo saaray fadwo ka dhan ah Al-shabaab, iyadoo looga digay dadka Soomaaliyeed inay ku biiraan ama ay caawiyaan.

9/12/2013 1:41 AM EST
Khamiis, September 12, 2013 (HOL) — Daadad ka dhasha fatahaad uu webiga Shabeelle sameeyo ayaa laga baqdin qabaa inay ku dhuftaan xarunta gobolka Shabeellada dhexe ee Jowhar, halkaasoo tan iyo xalay ay ka jirtay barakac ay sameynayeen dadka degmadaas ku nool.