2014-08-20
Today from Hiiraan Online:  _
Wararka Maanta- Arbaco, Sept 11, 2013
Shirkadda Diyaaradaha Ethiopian Airlines oo Joojisay Duullimaadyadii ay ku tegi jirtay Somaliland iyo dad badan oo xayiran



Arbaco, September 11, 2013 (HOL) — Shirkadda diyaaradaha Ethiopian Airlines ayaa joojisay duulimaadyadii ay ku tegi jirtay Somaliland iyadoo aan la ogeyn sababta rasmiga ah ee keentay inay shirkaddaasi joojiso socdaalkii ay ku tegi jirtay Somaliland.

Arrintan ayaa waxay keentay in rakaab badan oo horay uga yimid dibadaha dalka haystana tigidhada shirkaddaasi ay ku xayiran yihiin hadda magaalada Hargeysa ee xarunta Somaliland. Dhanka kale wasiirro ka tirsan maamulka Somaliland ayaa u jooga magaalada Addis Ababa sidii ay arrintan ugala hadli lahaayeen maaumulka shirkadda.

“Inkastoo aanan lahayn shirkadda Ethiopian Airlines haddana waxaan ka dalbaynaa inay qaaddo dadkii tikidhada ka haystay ama ay ku wareejiso shirkad kale oo ka howlgasha Somaliland,” ayuu yiri wasiir u dowlaha wasaaradda maaliyadda ee Somaliland, Cismaan Cabdullaahi Saxardiid oo ka hadlay dadka xayiran ee tigidhada ka haysta shirkadda Ethiopia Airlines.

Wasiirka duulista hawada Somaliland, Maxamuud Xaashi Cabdi  iyo wasiirka arrimaha gudaha Somaliland, Cali Mxamed Waran-cadde ayaa Itoobiya ku sugan si ay ugala hadlaan shirkadda sababta keentay in duulimaadyadii ay ku tegi jirtay Somaliland ay joojiso.

Xukuumadda Somaliland ay sanadihii u dambeeyey dadaal weyn ugu jirtey sidii garoonka Hargeysa ay u imaan lahaayeen shirkado caalami ah, kaddib markii dayac-tir ballaaran lagu sameeyey.

Tallaabadan ayaa waxay imaanaysaa iyadoo dhawaan ay shaqadii joojisay shirkad shidaalka baarta oo ku sugnayd gobolka Togdheer oo ka mid ah gobollada Somaliland, islamarkaana aan weli la ogeyn sababta ay u joojisay baaristii shidaalka.

Warar ayaa sheegaya in nabadgalyo-darro awgeed shirkaddani howshii u joojisay, inkastoo maamulka Somaliland uu sheegay inaysan taasi jirin, ayna socdaan kulammo ay la leeyihiin madaxda shirkadda si loo ogaado sababta ay shaqada u joojisay.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-09-11 10:59 AM EST
Arbaco, September 11, 2013 (HOL) — Magaalada Baydhabo ayaa waxaa ka furmay maanta shirweynihii lagu dhisayo maamul goboleed, kaasoo si rasmi ah uga furmay xarunta baarlamaanka Soomaaliya uu ku lahaa Baydhabo.

2013-09-11 10:59 AM EST
Arbaco, September 11, 2013 (HOL) — Madaxweynaha Soomaaliya, Xasan Sheekh Maxamuud ayaa maanta khudbad ka jeeediyey furitaanka shirka ka hortaga burcad-badeedda ee ka socda magaaladda Dubai ee dalka Isutagga Imaaraadka Carabta.

2013-09-11 10:15 AM EST
Arbaco, September 11, 2013 (HOL) — Ra’iisul Soomaaliya, Cabdi Faarax Shirdoon (Saacid) ayaa maanta dalka dib ugu soo laabtay kaddib safarro uu ku tagay dalalka Jabuuti, Sucuudiga iyo Yemen, halkaasoo uu heshiisyo kala duwan kula soo saxiixday hay’addo iyo wadammo, waxaana safarkiisa ku wehliyay xubno ka tirsan golaha wasiirrada xukuumadda Soomaaliya.

2013-09-11 9:35 AM EST
Arbaco, September 11, 2013 (HOL) — Mas'uuliyiin ka tirsan maamulka gobolka Hiiraan, saraakiisha ciidamada Jabuuti ee howlgalka AMISOM, odayaal, waxgarad iyo qaar ka mid ah qurba joogta ka soo jeeda gobolka ayaa maanta kormeeray dhismaha mid ka mid ah jidadka ugu muhiimsan magaalada Beledweyne.

2013-09-11 7:50 AM EST
Arbaco, September 11, 2013 (HOL) — Xarakada Al-shabaab ayaa maanta ku toogatay degmada Buulo-burte ee gobolka Hiiraan, laba dhallniyaro oo mid ka mid ah ay ku sheegeen inuu ahaa jaasuus u shaqeynayay dalal shisheeye inkastoo aysan sheegin magacyadooda, halka ruuxa kalena ay ku eedeeyeen inuu ahaa tuug dhacayay gaadiid xamuul ah oo ay ciidamadooda amnigu soo qabteen.

2013-09-11 5:07 AM EST
Arbaco, September 11, 2013 (HOL) — Ciidamada maamulka KMG eee Jubba ayaa howlgallo ay xalay ilaa saaka ka sameeyeen gudaha magaalada Kismaayo ayay kusoo qabqabteen tiro dad ah oo ku eedeysan falal lidi ku ah ammaanka.

2013-09-11 3:33 AM EST
Arbaco, September 11, 2013 (HOL) — Saraakiil ka tirsan milateriga Somalia ayaa lagu wadaa inuu maalmaha soo socda tababar socon doona muddo hal sano ah uu ugu furmo dalka Turkiga, kaasoo qayb ka ah heshiiskii ay horay u gaareen dowladda Soomaaliya iyo dowladda Turkiga.

2013-09-11 3:11 AM EST
Arbaco, September 11, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa xalay gaaray Dubai oo ka tirsan imaaraadka carabta, halkaasoo uu ka furmayo shir looga hadlayo ka hortagga burcad-badeedda.

2013-09-11 3:02 AM EST
Arbaco, September 11, 2013 (HOL) — Kulan ballaaran oo shalay ka dhacay magaalada Brussels ee xarunta dalka Belgium ayaa lagu soo dhaweeyay danjiraha cusub ee Soomaaliya ay u magacowday dalkaas, Cali Siciid Fiqi, iyadoo shirkaas ay ka qaygbaleen mas'uuliyiin, jaaliyadaha Soomaaliyeed ee ku nool dalka Belgium, culummo iyo odayaal.

2013-09-11 2:58 AM EST
Arbaco, September 11, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa sheegay in howsha ugu weyn ee hortaalla baarlamaanka ay tahay dib u eegis lagu sameeyo dastuurka dalka, inta looga ansixinayo afti dadweyne.