3/19/2024
Today from Hiiraan Online:  _
Wararka Maanta- Arbaco, Sept 11, 2013
Mas'uuliyiinta gobolka Hiiraan iyo saraakiil AMISOM ka tirsan oo Kormeer ku sameeyay Waddo laga dhisayo Beledweyne (SAWIRRO)


Arbaco, September 11, 2013 (HOL) — Mas'uuliyiin ka tirsan maamulka gobolka Hiiraan, saraakiisha ciidamada Jabuuti ee howlgalka AMISOM, odayaal, waxgarad iyo qaar ka mid ah qurba joogta ka soo jeeda gobolka ayaa maanta kormeeray dhismaha mid ka mid ah jidadka ugu muhiimsan magaalada Beledweyne.

Ururka hormarinta midowgga dhalinyarrada gobolka Hiiraan oo bilihii ugu danbeeyayba ku howlanaa dhismaha wadadan ayaa warbixin ka siiyay mas'uuliyiintii maanta booqatay marxaladihii kala duwanaa ee uu soo maray dhismaha wadada oo muhiim u ah isku xirka magaalada iyo deegaannada kale  gobolka.

Guddoomiyaha ururka hormarinta midowgga dhalinyarrada gobolka Hiiraan Max'ed C/llaahi Buraale [Raaxeey] oo goobta ka hadllay ayaa sheegay in dhismaha wadadan marka laga soo tago ururka dhalinyarrada qeyb weyn ka qaateen bulshada ku dhaqan xaafadda Kooshin oo wadadani marto.

“Illaa hadda waxaan ku guuleysanay in aan si rasmi ah u soo afjarno dhismaha ilaa 1km [Hal Kiiloo Mitir] dhaqaallaha ku baxay oo dhan $10,725 doolar waxaa iska ururiyay oo jeebkooda ka bixiyay bulshada ku dhaqan xaafadda iyo ururka dhalinyarrada, walina dhismahuhu waxaa u socdaan,'' ayuu yiri Max'ed C/llaahi Buraalle Raaxeeye.

Xaaji Cujub Khaliif oo ah guddoomiyaha xaafadda Kooshin oo ka hadllay goobta ayaa sheegay in dhibaato xoog leh ku qabeen wadada ka hor inta aan la dhisan, gaar ahaan waxaa uu sheegay in xiliyada roobka fatahada wabiga dhibaato xoog leh kala kulmi jireen dadka ku dhaqan xaafadda.

“Annaga haddii aynu nahay odayaashii xaafadda aad ayaa ugu mahad celineynaa ururka dhalinyarrada, wadadan aad arkeysaan dhibaato xoog leh ayeey ku qabeen dadka ku dhaqan xaafadda, gaar ahaan xiliyada roobka ama wabigu fatahaad sameeyo, waayo waxaa si toos ah ugu soo rogmi jiray biyaha Togaga ama Waadiyaasha soo qaadaan, taasoo keeni jirtay in xaafaddu go'adoon ka noqto magaalada inteeda kale, laakiin hadda waad arkeysaan sida loo dhisay, inta dhimanna gacan ayaan ka wada geysan doonaa,'' ayuu yiri Xaaji Cujub Khaliif.

Guddoomiye ku-xigeenka arrimaha bulshada maamulka gobolka Hiiraan Sheekh Xusseen Cismaan Cali ayaa sheegay in talaabada ay qaadeen ururka dhalinyarrada qiimo weyn ugu fadhiso maamulka gobolka Hiiraan.

“Runtii maamulka gobolka Hiiraan waa uu ku faanayaa howsha ay qabteen ururka dhalinyarrada, gaar ahaan qeybta arrimaha bulshada, sharaf weyn ayeey inoo tahay, waayo in waddo la dhiso ma'aha wax sahlan, maamulkana gacan ayuu ka geysan doonaa dhameystirka inta ka dhiman dhismaha wadada,'' ayuu yiri guddoomiye ku-xigeenka arrimaha bulshada maamulka gobolka.

Col. Cismaan Dubad taliyaha ciidamada Jabuuti oo hadal jeediyay ayaa sheegay in dhismaha wadadan tusaale cad u noqon karto in bulshadu wax qabsan karto, isaga oo soo dhaweeyay dhismaha wadadan isku xirta magaalada Beledweyne iyo deegaannada kale.

“Runtii waa waxqabad ku dasho mudan, islamarkaana muujinaya in bulshadu haddii ay isku tashato wax qabsan karto, taa waxaa ka mara-kacaya is xilqaanka dheeraadka ah oo ay sameeyeen ururka dhalinyarrada oo kaashanaya bulshada xaafadda, annaga AMISOM ahaan gacan kasta oo nalooga baahdo diyaar ayeeynu u nahay in aan geysano,'' ayuu yiri Col Cismaan Dubad.

Mas'uuliyiintii iyo saraakiisha booqatay dhismaha wadada ayaa ku lug ku maray wadada ayaa  kormeeray dhismaha qeybta hadda la soo afjaray, sidoo kalana waxaa soo dhaweeyay dib u hagaajinta wadadan gadiidleyda magaalada markii hore dhibaato xoog leh ku qabtay isticmaalka wadada.






C/raxmaan Diini, Hiiraan Online
[email protected]
Beledweyne, Soomaaliya













Click here
9/11/2013 10:59 AM EST
Arbaco, September 11, 2013 (HOL) — Magaalada Baydhabo ayaa waxaa ka furmay maanta shirweynihii lagu dhisayo maamul goboleed, kaasoo si rasmi ah uga furmay xarunta baarlamaanka Soomaaliya uu ku lahaa Baydhabo.

9/11/2013 10:59 AM EST
Arbaco, September 11, 2013 (HOL) — Madaxweynaha Soomaaliya, Xasan Sheekh Maxamuud ayaa maanta khudbad ka jeeediyey furitaanka shirka ka hortaga burcad-badeedda ee ka socda magaaladda Dubai ee dalka Isutagga Imaaraadka Carabta.

9/11/2013 10:15 AM EST
Arbaco, September 11, 2013 (HOL) — Ra’iisul Soomaaliya, Cabdi Faarax Shirdoon (Saacid) ayaa maanta dalka dib ugu soo laabtay kaddib safarro uu ku tagay dalalka Jabuuti, Sucuudiga iyo Yemen, halkaasoo uu heshiisyo kala duwan kula soo saxiixday hay’addo iyo wadammo, waxaana safarkiisa ku wehliyay xubno ka tirsan golaha wasiirrada xukuumadda Soomaaliya.

9/11/2013 9:36 AM EST
Arbaco, September 11, 2013 (HOL) — Shirkadda diyaaradaha Ethiopian Airlines ayaa joojisay duulimaadyadii ay ku tegi jirtay Somalialnd iyadoo aan la ogeyn sababta rasmiga ah ee keentay inay shirkaddaas joojiso socdaalkii ay ku tegi jirtay Somaliland.

9/11/2013 7:50 AM EST
Arbaco, September 11, 2013 (HOL) — Xarakada Al-shabaab ayaa maanta ku toogatay degmada Buulo-burte ee gobolka Hiiraan, laba dhallniyaro oo mid ka mid ah ay ku sheegeen inuu ahaa jaasuus u shaqeynayay dalal shisheeye inkastoo aysan sheegin magacyadooda, halka ruuxa kalena ay ku eedeeyeen inuu ahaa tuug dhacayay gaadiid xamuul ah oo ay ciidamadooda amnigu soo qabteen.

9/11/2013 5:07 AM EST
Arbaco, September 11, 2013 (HOL) — Ciidamada maamulka KMG eee Jubba ayaa howlgallo ay xalay ilaa saaka ka sameeyeen gudaha magaalada Kismaayo ayay kusoo qabqabteen tiro dad ah oo ku eedeysan falal lidi ku ah ammaanka.

9/11/2013 3:33 AM EST
Arbaco, September 11, 2013 (HOL) — Saraakiil ka tirsan milateriga Somalia ayaa lagu wadaa inuu maalmaha soo socda tababar socon doona muddo hal sano ah uu ugu furmo dalka Turkiga, kaasoo qayb ka ah heshiiskii ay horay u gaareen dowladda Soomaaliya iyo dowladda Turkiga.

9/11/2013 3:11 AM EST
Arbaco, September 11, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa xalay gaaray Dubai oo ka tirsan imaaraadka carabta, halkaasoo uu ka furmayo shir looga hadlayo ka hortagga burcad-badeedda.

9/11/2013 3:02 AM EST
Arbaco, September 11, 2013 (HOL) — Kulan ballaaran oo shalay ka dhacay magaalada Brussels ee xarunta dalka Belgium ayaa lagu soo dhaweeyay danjiraha cusub ee Soomaaliya ay u magacowday dalkaas, Cali Siciid Fiqi, iyadoo shirkaas ay ka qaygbaleen mas'uuliyiin, jaaliyadaha Soomaaliyeed ee ku nool dalka Belgium, culummo iyo odayaal.

9/11/2013 2:58 AM EST
Arbaco, September 11, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa sheegay in howsha ugu weyn ee hortaalla baarlamaanka ay tahay dib u eegis lagu sameeyo dastuurka dalka, inta looga ansixinayo afti dadweyne.