2014-09-16
Today from Hiiraan Online:  _
Wararka Maanta- Arbaco, Sept 11, 2013
Ciidamada Maamulka KMG-ka ah ee Jubba oo dad badan ku soo Qab-qabtay Howlgallo ay ka Sameeyeen Kismaayo


Arbaco, September 11, 2013 (HOL) — Ciidamada maamulka KMG ee Jubba ayaa howlgallo ay xalay ilaa saaka ka sameeyeen gudaha magaalada Kismaayo waxay kusoo qabqabteen tiro dad ah oo ku eedeysan falal lidi ku ah ammaanka.

Magaalada Kismaayo ee xarunta gobolka Jubbada Hoose oo xalay ku waabariisateeen bandow ayaa waxa howlgallo ballaaran ka fulinayay ciidamada loo yaqaan Boliis Militaaro, iyadoona howlgalladaasi ay ka soconayeen shanta xaafadood ee ay ka koobantahay degmada Kismaayo.

Gudoomiyaha degmada Kismaayo C/laahi Qaldaan oo saaka warbaahinta la hadlay ayaa sheegay in howlgalladii ay xalay ilaa saaka ay ka fuliyeen magaalada ay kusoo qabqabteen dad gaaraya ilaa 20 qof kuwaasoo ku eedeysnaa in ay ku howlanaayeen falal lidi ku ah ammaanka.

Magaalada ayaa  xalay ilaa saaka waxa lagu arkayay ciidamo raxan raxan u socdo iyadoona intii ay howlgaladani socdeen hawada laga saaray gabi ahaanba isgaarsiinta magaalada.

Dhinaca kale, ciidamada nabad-sugidda maamulka Kismaayo ayaa shalay gelinkii danbe waxa ay ku guuleysteen in ay soo saaraan Miino lagu aasay mid kamid ah wadooyinka waaweyn ee magaalada Kismaayo.

Miinadan oo ahayd mid aad u weyn islamarkaana la sheegay in ay qasaarooyin lixaad leh geysan lahayd hadii ay qaraxi lahayd ayaa laga soo saaray wadada dheer ee marta xaafadda Calanleey, gaar ahaan ilinka hore ee isbitalka guud ee magaalada Kismaayo.

Xasan Nuur, Hiiraan Online
hnur@hiiraan.com
Kismaayo-Soomaaliya





Post your comments

2013-09-11 10:59 AM EST
Arbaco, September 11, 2013 (HOL) — Magaalada Baydhabo ayaa waxaa ka furmay maanta shirweynihii lagu dhisayo maamul goboleed, kaasoo si rasmi ah uga furmay xarunta baarlamaanka Soomaaliya uu ku lahaa Baydhabo.

2013-09-11 10:59 AM EST
Arbaco, September 11, 2013 (HOL) — Madaxweynaha Soomaaliya, Xasan Sheekh Maxamuud ayaa maanta khudbad ka jeeediyey furitaanka shirka ka hortaga burcad-badeedda ee ka socda magaaladda Dubai ee dalka Isutagga Imaaraadka Carabta.

2013-09-11 10:15 AM EST
Arbaco, September 11, 2013 (HOL) — Ra’iisul Soomaaliya, Cabdi Faarax Shirdoon (Saacid) ayaa maanta dalka dib ugu soo laabtay kaddib safarro uu ku tagay dalalka Jabuuti, Sucuudiga iyo Yemen, halkaasoo uu heshiisyo kala duwan kula soo saxiixday hay’addo iyo wadammo, waxaana safarkiisa ku wehliyay xubno ka tirsan golaha wasiirrada xukuumadda Soomaaliya.

2013-09-11 9:36 AM EST
Arbaco, September 11, 2013 (HOL) — Shirkadda diyaaradaha Ethiopian Airlines ayaa joojisay duulimaadyadii ay ku tegi jirtay Somalialnd iyadoo aan la ogeyn sababta rasmiga ah ee keentay inay shirkaddaas joojiso socdaalkii ay ku tegi jirtay Somaliland.

2013-09-11 9:35 AM EST
Arbaco, September 11, 2013 (HOL) — Mas'uuliyiin ka tirsan maamulka gobolka Hiiraan, saraakiisha ciidamada Jabuuti ee howlgalka AMISOM, odayaal, waxgarad iyo qaar ka mid ah qurba joogta ka soo jeeda gobolka ayaa maanta kormeeray dhismaha mid ka mid ah jidadka ugu muhiimsan magaalada Beledweyne.

2013-09-11 7:50 AM EST
Arbaco, September 11, 2013 (HOL) — Xarakada Al-shabaab ayaa maanta ku toogatay degmada Buulo-burte ee gobolka Hiiraan, laba dhallniyaro oo mid ka mid ah ay ku sheegeen inuu ahaa jaasuus u shaqeynayay dalal shisheeye inkastoo aysan sheegin magacyadooda, halka ruuxa kalena ay ku eedeeyeen inuu ahaa tuug dhacayay gaadiid xamuul ah oo ay ciidamadooda amnigu soo qabteen.

2013-09-11 3:33 AM EST
Arbaco, September 11, 2013 (HOL) — Saraakiil ka tirsan milateriga Somalia ayaa lagu wadaa inuu maalmaha soo socda tababar socon doona muddo hal sano ah uu ugu furmo dalka Turkiga, kaasoo qayb ka ah heshiiskii ay horay u gaareen dowladda Soomaaliya iyo dowladda Turkiga.

2013-09-11 3:11 AM EST
Arbaco, September 11, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa xalay gaaray Dubai oo ka tirsan imaaraadka carabta, halkaasoo uu ka furmayo shir looga hadlayo ka hortagga burcad-badeedda.

2013-09-11 3:02 AM EST
Arbaco, September 11, 2013 (HOL) — Kulan ballaaran oo shalay ka dhacay magaalada Brussels ee xarunta dalka Belgium ayaa lagu soo dhaweeyay danjiraha cusub ee Soomaaliya ay u magacowday dalkaas, Cali Siciid Fiqi, iyadoo shirkaas ay ka qaygbaleen mas'uuliyiin, jaaliyadaha Soomaaliyeed ee ku nool dalka Belgium, culummo iyo odayaal.

2013-09-11 2:58 AM EST
Arbaco, September 11, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa sheegay in howsha ugu weyn ee hortaalla baarlamaanka ay tahay dib u eegis lagu sameeyo dastuurka dalka, inta looga ansixinayo afti dadweyne.