2014-10-22
Today from Hiiraan Online:  _
Wararka Maanta- Arbaco, Sept 11, 2013
Kulan lagu soo dhaweynayay Dan-jiraha cusub ee Somalia ay u magacowaday Midowga Yurub oo ka dhacay Brussels (SAWIRRO)



Arbaco, September 11, 2013 (HOL) — Kulan ballaaran oo shalay ka dhacay magaalada Brussels ee xarunta dalka Belgium ayaa lagu soo dhaweeyay danjiraha cusub ee Soomaaliya u joogi doona Midowga Yurub (EU), Cali Siciid Fiqi, iyadoo shirkaas ay ka qayb galeen xubno ka tirsan jaaliyadda Soomaalida  ee Belgium oo isugu jirey: mas'uuliyiin, culummo iyo odayaal.

Danjiraha soo dhaweyntiisa kaddib ayaa waxaa kulanka looga hadlay sidii loo qaban qaabin lahaa soo dhaweynta wafdi ballaaran oo uu hoggaaminayo madaxweynaha Soomaaliya, Xasan Sheekh Maxamuud oo lagu wado inay tagaan dalkaas toddobaadka soo socda; si ay uga qayb galaan shirka Brusells ka furmaya ee looga hadlayo dib u dhiska Soomaaliya.

Shirkan oo loogu magac-daray hirgsiga cusub ama (New Deal) ayaa waxaa si wadajir ah u shir-guddoomin doona madaxweynaha Somalia, madaxa u qaabilsan Midowga Yurub arrimaha siyaasadda, Catherin Ashton.

Magaalada Brussels ee dalka Belgium ayaa lagu wadaa inay tagaan boqollaal qof oo Soomaali ah oo ka kala imaan doona dalalka ku xeeran Belgium sida: Faransiiska, Holland, Luxamberg, UK iyo kuwo kasii fog.

Dadkii shirkaas kasoo qayb galay ayaa waxaa ka muuqday kalsooni ay u qabaan dowladda uu hoggaaminayo madaxweyne Xasan Sheekh Maxamuud iyagoo ku dhiirri geliyay tallaabooyinka ay qaadeyso.





Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-09-11 10:59 AM EST
Arbaco, September 11, 2013 (HOL) — Magaalada Baydhabo ayaa waxaa ka furmay maanta shirweynihii lagu dhisayo maamul goboleed, kaasoo si rasmi ah uga furmay xarunta baarlamaanka Soomaaliya uu ku lahaa Baydhabo.

2013-09-11 10:59 AM EST
Arbaco, September 11, 2013 (HOL) — Madaxweynaha Soomaaliya, Xasan Sheekh Maxamuud ayaa maanta khudbad ka jeeediyey furitaanka shirka ka hortaga burcad-badeedda ee ka socda magaaladda Dubai ee dalka Isutagga Imaaraadka Carabta.

2013-09-11 10:15 AM EST
Arbaco, September 11, 2013 (HOL) — Ra’iisul Soomaaliya, Cabdi Faarax Shirdoon (Saacid) ayaa maanta dalka dib ugu soo laabtay kaddib safarro uu ku tagay dalalka Jabuuti, Sucuudiga iyo Yemen, halkaasoo uu heshiisyo kala duwan kula soo saxiixday hay’addo iyo wadammo, waxaana safarkiisa ku wehliyay xubno ka tirsan golaha wasiirrada xukuumadda Soomaaliya.

2013-09-11 9:36 AM EST
Arbaco, September 11, 2013 (HOL) — Shirkadda diyaaradaha Ethiopian Airlines ayaa joojisay duulimaadyadii ay ku tegi jirtay Somalialnd iyadoo aan la ogeyn sababta rasmiga ah ee keentay inay shirkaddaas joojiso socdaalkii ay ku tegi jirtay Somaliland.

2013-09-11 9:35 AM EST
Arbaco, September 11, 2013 (HOL) — Mas'uuliyiin ka tirsan maamulka gobolka Hiiraan, saraakiisha ciidamada Jabuuti ee howlgalka AMISOM, odayaal, waxgarad iyo qaar ka mid ah qurba joogta ka soo jeeda gobolka ayaa maanta kormeeray dhismaha mid ka mid ah jidadka ugu muhiimsan magaalada Beledweyne.

2013-09-11 7:50 AM EST
Arbaco, September 11, 2013 (HOL) — Xarakada Al-shabaab ayaa maanta ku toogatay degmada Buulo-burte ee gobolka Hiiraan, laba dhallniyaro oo mid ka mid ah ay ku sheegeen inuu ahaa jaasuus u shaqeynayay dalal shisheeye inkastoo aysan sheegin magacyadooda, halka ruuxa kalena ay ku eedeeyeen inuu ahaa tuug dhacayay gaadiid xamuul ah oo ay ciidamadooda amnigu soo qabteen.

2013-09-11 5:07 AM EST
Arbaco, September 11, 2013 (HOL) — Ciidamada maamulka KMG eee Jubba ayaa howlgallo ay xalay ilaa saaka ka sameeyeen gudaha magaalada Kismaayo ayay kusoo qabqabteen tiro dad ah oo ku eedeysan falal lidi ku ah ammaanka.

2013-09-11 3:33 AM EST
Arbaco, September 11, 2013 (HOL) — Saraakiil ka tirsan milateriga Somalia ayaa lagu wadaa inuu maalmaha soo socda tababar socon doona muddo hal sano ah uu ugu furmo dalka Turkiga, kaasoo qayb ka ah heshiiskii ay horay u gaareen dowladda Soomaaliya iyo dowladda Turkiga.

2013-09-11 3:11 AM EST
Arbaco, September 11, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa xalay gaaray Dubai oo ka tirsan imaaraadka carabta, halkaasoo uu ka furmayo shir looga hadlayo ka hortagga burcad-badeedda.

2013-09-11 2:58 AM EST
Arbaco, September 11, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa sheegay in howsha ugu weyn ee hortaalla baarlamaanka ay tahay dib u eegis lagu sameeyo dastuurka dalka, inta looga ansixinayo afti dadweyne.