3/29/2024
Today from Hiiraan Online:  _
Wararka Maanta- Talaado, Sept 10, 2013
Fanaanada Hibo Maxamed (Hiba Nuura) oo 22-sano kaddib Maanta dib ugu soo laabatay Magaalada Muqdisho (SAWIRRO)


Talaado, September 10, 2013 (HOL) — Fanaanadda caanka ee Soomaaliyeed, Hibo Maxamed Gudoon (Hibo Nuura) ayaa dib ugu soo laabtay 22-sano kaddib magaalada Muqdisho ee xarunta Soomaaliya, kaddib casuumaad ay ka heshay maamulka gobolka Banaadir.

HiboNuura oo ay soo dhaweeyeen fanaaniintii Soomaaliyeed, abwaanno, fannaan ka soo laabtay qurbaha, mas'uuliyiinta maamulka gobolka Banaadir iyo barbaarta gaashaaman oo saxaafadda kula hadashay garoonka diyaaradaha Muqdisho ayaa sheegtay inay aad ugu faraxsan tahay inay dib ugu soo laabato muddo dheer kaddib Muqdisho, iyadoo sheegtay in dowladda hoose ee Muqdisho ay ku casuuntay caasimadda.

“Aad ayaan ugu faraxsanahay inaan Muqdisho kusoo laabto, waa halkii aan ku dhashay, ku koray, fankana aan kaga biiray. Hillow badan ayaan u qabay intii aan ka maqnaa oo dhan,” ayay tiri Hibo Nuura oo tixo suugaan ah ku cabirtay aragtideeda Muqdisho iyo sida ay u jeceshahay.

Fannaanadu waxay sheegtay in markii ay ka tagaysay caasimadda iyo hada uu farqi weyn u dhexeeyo, iyadoo ilmaysay markii ay aragtay dad badan oo kusoo dhaweynayay garoonka kuwaasoo ay ka mid yihiin abwaannadii iyo fannaaniintii hobollada waaberi iyo kooxihii kale ee fanka Soomaaliyeed.

Afhayeenka gobolka Banaadir Maxamed Yuusuf oo isaguna saxaafadda la hadlay ayaa sheegay in imaanshana fannaanada weyn ee Hibo Nuura ay muujinayso in magaalada Muqdisho ay tahay mid nabad ah oo si weyn uga bedelay sidii ay ahaan jirtay.

“Hibo Nuura inay timaado Muqdisho caddeyn ayay u tahay in magaaladu ay tahay mid nabad ah, waxaana fannaanada leennahay kusoo dhawow meel ay muddo dheer kuugu dambeysay,” ayuu yiri Maxamed Yuusuf.

Sidoo kale, waxaa la hadlay saxaafadda C/kariin Jiir oo abwaannada Somalia ka mid ah, kaasoo aan dalka ka bixin wuxuuna imaanasha Hibo Nuura uu ku tilmaamay inay gelinayso rajo weyn oo muddo ka maqnayd, isagoo Hibo ku tilmaamay inay ahayd fannaanadii Nuurka u ahayd fanka Soomaaliyeed.

Fannaanada Hibo Nuura ayaa waxay ka mid ahayd Soomaali qubaha kasoo laabtay oo ay keentay maanta oo Talaado ah mid ka mid ah diyaaradaha Turkiga ee Muqdisho yimaada oo dhowr jeer toddobaadkiiba timaadda xarunta Soomaaliya ee Muqdisho.










Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/10/2013 1:58 PM EST
Talaado, September 10, 2013 (HOL) — Kaddib markii golaha malaaqyada Digil iyo Mirifle ay dhawaan amar ku bixiyay in wafdi ka socda dowladda Soomaaliya aysan imaan karin magaalada Baydhabo, ayaa waxaa loo diiday in magaaladaas ay galeen wafdi ka socday wasaaradda horumarinta iyo adeegga bulshada.

9/10/2013 1:41 PM EST
Talaado, September 10, 2013 (HOL) — Dowladda Soomaaliya ayaa maanta heshiis iskaashi kula saxiixatay magaalada Sanca xukuumadda dalka Yemen kaddib kulammo maalmihii lasoo dhaafay ay halkaas ku yeelanayeen wafdi uu hoggaaminayo ra’iisul wasaaraha Soomaaliya iyo mas’uuliyiin ka tirsan dalka Yemen.

9/10/2013 1:26 PM EST
Talaado, September 10, 2013 (HOL) — Madaxweynaha Somaliland, Axmed Maxamed Maxmauud (Siillaanyo), ayaa maanta shahaadooyin gudoonsiiyey in ka badan kun arday oo ka qalinjabisay jaamacadda Golis ee magaaladda Hargeysa.

9/10/2013 1:20 PM EST
Talaado, September 10, 2013 (HOL) — Munaasabad qado sharaf ahayd oo lagu soo dhaweynayey wafdigii uu hoggaaminayay Sheekh Axmed Maxamed Islaan (Axmed Madoobe) ayaa maanta loogu sameeyay magaalada Muqdisho.

9/10/2013 1:00 PM EST
Talaado, September 10, 2013 (HOL) — Haweeney ayaa ku dhimatay laba qof oo kalena way ku dhaawacmeen qarax bambaano oo gellinkii dambe ee maanta ka dhacay gudaha suuqa Bakaaraha ee magaalada Muqdisho.

9/10/2013 10:03 AM EST
Talaado, September 10, 2013 (HOL) — Xafiiska Imtixaanaadka wasaaradda waxbarashadda Somaliland ayaa maanta ku dhawaaqay imtixaankii shahaadiga ahaa ee fasallada afaraad ee dugsiyadda sare iyo fasallada siideeddaad ee dugsiyada dhexe.

9/10/2013 9:38 AM EST
Talaado, September 10, 2013 (HOL) — Inkastoo ay ku adkeyd in helaan tasiilaadkii iyo taageeradii ay u baahnaayeen haddana waxaa la oran karaa guddiga Isboortiga gobolka Hiiraan iyo naadiyada kala duwan ee ka dhisan gobolka bilihii ugu danbeeyay waxaa ay sameeyeen hormar ballaaran kadib markii tartamo is daba joog ah oo sare u qaadaya mooralka iyo niyada cayaartooyda ay ku qabteen magaalada Beledweyne.

9/10/2013 9:05 AM EST
Talaado, September 10, 2013 (HOL) — Ra’isul Soomaaliya, Cabdi Faarax Shirdoon “Saacid” iyo wafdigiisa ayaa xalay ka qayb-galay munaasabad soo dhaweyn ah oo jaaliyadda Soomaaliyeed ee dalka Yemen ay u sameeyeen, xafladdan ayaa ahayd mid si weyn loo soo agaasimay waxaana lagu soo bandhigay gaaddo-ka-ciyaar, heeso iyo murti kala duwan. Iyadoo jaaliyadda Soomaalidu muujisay sida ay ugu hiloobeen dalkooda ayna ka shaqeynayaan sidii ay ugu laaban lahaayeen.

9/10/2013 9:05 AM EST
Talaado, September 10, 2013 (HOL) — Jaamacadda Muqdisho oo ka mid ah jaamacadaha ugu faca-weyn Soomaaliya ayaa shalay kusoo gaba-gabeysay magaalada Muqdisho tartan ay ugu magic-dartay todobaad dhaqanka kaasoo lagu soo dhaweynayay ardayda cusub ee ku soo biirtay jaamacadda.

9/10/2013 7:37 AM EST
Talaado, September 10, 2013 (HOL) — Madaxweynaha Soomaaliya, Xasan Sheekh Maxamud ayaa maanta xafiiskiisa ku qaabiliay wafdi ka socday dalka Shiinaha oo uu hoggaaminayay safiirka Shiinaha ee Kenya, Liu Guangyuan ayaa waxaa ka mid ahaa khubaro ku xeel dheer qiimeynta dhismaha.

9/10/2013 7:23 AM EST
Talaado, September 10, 2013 (HOL) — Kal-fadhigii saddexaad ee baarlamaanka Somalia ayaa maanta ka furmay Muqdisho iyadoo uu hadal dheer ka jeediyay madaxweyne, Xasan Sheekh Maxamuud kaasoo uu kaga hadlay waxqabadka xukuumaddiisa tan iyo markii isaga la doortay.

9/10/2013 7:05 AM EST
Madaxweyne ku xigeenka Kenya William Ruto ayaa maanta la horgaynayaa maxkamada dambiyada dagaalka ee The Hague, halkaasoo uu kaga jawaabi doono dacwado loo heysto oo ku aadan rabshadihii ka dhashay doorashooyinkii la isku khilaafay ee sanadkii 2007-dii ka dhacay dalka kenya.

9/10/2013 2:22 AM EST
Talaado, September 10, 2013 (HOL) — Sheekh Axmed C/samad oo ka mid ah culummada ka qaybgalaya shirka looga xag-jirnimada ee Muqdisho ka socda ayaa sheegay in sababta loogu tukan la’yahay masaajidda Muqdisho ay tahay cabsi laga qabo Al-shabaab.

9/10/2013 1:58 AM EST
Talaado, September 10, 2013 (HOL) — Iyadoo maanta ay ku beegan tahay hal sano kaddib markii la doortay madaxweynaha Soomaaliya, Xasan Sheekh Maxamuud ayaa shacabka Soomaaliyeed waxay aragtiyo kala duwan ka bixiyeen waxqabadka dowladda halkii sano ee lasoo dhaafay.