2014-09-18
Today from Hiiraan Online:  _
Wararka Maanta- Talaado, Sept 10, 2013
Madaxweyne ku-xigeenka Dalka Kenya William Ruto oo Maxkamaddiisu dib uga billaabatay Magaalada Hague ee Holland


147D1012-60C5-4BE3-B7BE-38B38E0CD0B2_mw1024_n_s.jpgTalaado, September 10, 2013(HOL) - Madaxweyne ku xigeenka Kenya William Ruto ayaa maanta la horgaynayaa maxkamadda dambiyada dagaalka ee The Hague, halkaasoo uu kaga jawaabi doono dacwado loo heysto oo ku aadan rabshadihii ka dhashay doorashooyinkii la isku khilaafay ee sanadkii 2007 ka dhacay dalka kenya.

William Ruto iyo Madaxweynaha Kenya Uhuru Kenyatta ayaa labadaba lagu eedeeyay inay maleegeen rabshadihii Kenya ka dhacay doorashadii 2007-dii iyo 2008-dii xilligaas oo Kenya lagu dilay 1500 oo qof kumannaan kalana ay barakaceen.

Wararka ayaa sheegaya in maxkamadeynta Madaxweyne kuxigeenka Kenya William Ruto oo maanta bilaabaneysa la soo hordhigi doono eedeymaha ku aadan dilka, barakaca iyo dhaawaca soo gaarey dadkii rayidka ahaa, waxaa sidoo kale maanta Maxkamadda hortegaya Joshua Arab Sang oo ah Wariye Kenyan ah oo isna dambiyada loo haysto ay kamid tahay kicinta dadka kasoo jeeda qabiilka Kalenjin oo uu ka dhashay iyadoo xilligii dagaalkana uu ka shaqaynayay idaacad ku hadasha afka Kalenjin oo maxalli ah.

Dacwada maanta ka bilaaban doonta Maxkamadda ICC ayaa ku soo aadeysa, iyadoo dhowaan Baarlamaanka Kenya uu u codeeyay, inay isaga baxaan xubinnimada Maxkamada, haseyeeshee Afhayeen u hadlay Maxkamadda ayaa sheegay in go'aankaasi uusan wax saameyn  ah ku yeelan doonin dacwadda ka dhanka ah Madaxweynaha Kenya iyo kuxigeenkiisa.

Uhuru Kenyatta ayaa la filayaa in bisha November uu hortago Maxkamadda dambiyada dagaalka ee ICC, isagoo ka dalbaday maxkamadda in aan isku mar looga yeerin isaga iyo kuxigeenkiisa, maadaama aanay dalka mar kaliya ka wada maqnaan karin.

Waxaa isha lagu hayaa Maxkamadda maanta la saarayo Madaxweyne kuxigeenka Kenya iyo sida uu uga jawaabi doono eedeymaha loo heysto, iyadoo dadweynaha reer Kenya ay si gaar ah uga war dhowrayaan.

Dadka Kenyaanka ah ayaa ku kala qaybsan maxkamada la saarayo madaxweynaha iyo ku xigeenkiisa iyadoo qaar badan oo aan waydiiyay sida ay u arkaan ay ii sheegeen in dacwadan ay tahay mid siyaasadeed oo la saarayo oo kaliya hogaamiyayaasha qaaarada Afrika.

"May saaraan maxkamad madaxweynaha Syria oo isticmaalay hub kiimikaal ah, may saareen George W. Bush madaxweynihii hore ee Maraykanka oo kumannaan qof ku dilay Afghanistan iyo Ciraaq" ayuu yiri Maina Mwite oo ah arday Kenyan ah oo aaminsan in maxkamada caalamiga ah la saaro oo kaliya hogaamiyayaasha kasoo jeeda qaarada Afrika.

Balse qaar kamid ah Kenyanka gaar ahaanna taageerayaasha Raila Odinga ayaa soo dhaweeyay maxkamadan oo sheegay in wixii ay ka digayeen ay soo baxday.

"Horay ayaan u sheegnay raggan in maxkamadi ku socoto oo waddanka aysan maamuli karin, hadda see waddanka u maamulayaan labadaba maxkamad ayaa ku socota, hadii la xukumo Kenya see noqon doontaa" ayuu yiri Denis Ochieng oo ah mid kamid ah taageerayaasha Raila Odinga oo sheegay in hadii hogaamiyayaashan aan lagu maxkadayn Heeg inaysan cadaalad helayn dadkii dhibaatadu ay kasoo gaartay rabshadihii 2007 iyo 2008 Kenya ka dhacay.

Dadweynaha Kenya ayaa maanta si aad ah u soo dhoobtay goobaha makhaayadaha ah ee ay ka shidanyihiin taleefishinnada si ay u daawadaan maxkamada la saarayo madaxweyne ku xigeenkooda William Ruto.


Axmed C/samad, Hiiraan Online
asamad@hiiraan.com
Nairobi , Kenya




Post your comments

2013-09-10 1:58 PM EST
Talaado, September 10, 2013 (HOL) — Kaddib markii golaha malaaqyada Digil iyo Mirifle ay dhawaan amar ku bixiyay in wafdi ka socda dowladda Soomaaliya aysan imaan karin magaalada Baydhabo, ayaa waxaa loo diiday in magaaladaas ay galeen wafdi ka socday wasaaradda horumarinta iyo adeegga bulshada.

2013-09-10 1:41 PM EST
Talaado, September 10, 2013 (HOL) — Dowladda Soomaaliya ayaa maanta heshiis iskaashi kula saxiixatay magaalada Sanca xukuumadda dalka Yemen kaddib kulammo maalmihii lasoo dhaafay ay halkaas ku yeelanayeen wafdi uu hoggaaminayo ra’iisul wasaaraha Soomaaliya iyo mas’uuliyiin ka tirsan dalka Yemen.

2013-09-10 1:26 PM EST
Talaado, September 10, 2013 (HOL) — Madaxweynaha Somaliland, Axmed Maxamed Maxmauud (Siillaanyo), ayaa maanta shahaadooyin gudoonsiiyey in ka badan kun arday oo ka qalinjabisay jaamacadda Golis ee magaaladda Hargeysa.

2013-09-10 1:20 PM EST
Talaado, September 10, 2013 (HOL) — Munaasabad qado sharaf ahayd oo lagu soo dhaweynayey wafdigii uu hoggaaminayay Sheekh Axmed Maxamed Islaan (Axmed Madoobe) ayaa maanta loogu sameeyay magaalada Muqdisho.

2013-09-10 1:16 PM EST
Talaado, September 10, 2013 (HOL) — Fanaanadda caanka ee Soomaaliyeed, Hibo Maxamed Gudoon (Hibo Nuura) ayaa dib ugu soo laabtay 22-sano kaddib magaalada Muqdisho ee xarunta Soomaaliya, kaddib casuumaad ay ka heshay maamulka gobolka Banaadir.

2013-09-10 1:00 PM EST
Talaado, September 10, 2013 (HOL) — Haweeney ayaa ku dhimatay laba qof oo kalena way ku dhaawacmeen qarax bambaano oo gellinkii dambe ee maanta ka dhacay gudaha suuqa Bakaaraha ee magaalada Muqdisho.

2013-09-10 10:03 AM EST
Talaado, September 10, 2013 (HOL) — Xafiiska Imtixaanaadka wasaaradda waxbarashadda Somaliland ayaa maanta ku dhawaaqay imtixaankii shahaadiga ahaa ee fasallada afaraad ee dugsiyadda sare iyo fasallada siideeddaad ee dugsiyada dhexe.

2013-09-10 9:38 AM EST
Talaado, September 10, 2013 (HOL) — Inkastoo ay ku adkeyd in helaan tasiilaadkii iyo taageeradii ay u baahnaayeen haddana waxaa la oran karaa guddiga Isboortiga gobolka Hiiraan iyo naadiyada kala duwan ee ka dhisan gobolka bilihii ugu danbeeyay waxaa ay sameeyeen hormar ballaaran kadib markii tartamo is daba joog ah oo sare u qaadaya mooralka iyo niyada cayaartooyda ay ku qabteen magaalada Beledweyne.

2013-09-10 9:05 AM EST
Talaado, September 10, 2013 (HOL) — Ra’isul Soomaaliya, Cabdi Faarax Shirdoon “Saacid” iyo wafdigiisa ayaa xalay ka qayb-galay munaasabad soo dhaweyn ah oo jaaliyadda Soomaaliyeed ee dalka Yemen ay u sameeyeen, xafladdan ayaa ahayd mid si weyn loo soo agaasimay waxaana lagu soo bandhigay gaaddo-ka-ciyaar, heeso iyo murti kala duwan. Iyadoo jaaliyadda Soomaalidu muujisay sida ay ugu hiloobeen dalkooda ayna ka shaqeynayaan sidii ay ugu laaban lahaayeen.

2013-09-10 9:05 AM EST
Talaado, September 10, 2013 (HOL) — Jaamacadda Muqdisho oo ka mid ah jaamacadaha ugu faca-weyn Soomaaliya ayaa shalay kusoo gaba-gabeysay magaalada Muqdisho tartan ay ugu magic-dartay todobaad dhaqanka kaasoo lagu soo dhaweynayay ardayda cusub ee ku soo biirtay jaamacadda.

2013-09-10 7:37 AM EST
Talaado, September 10, 2013 (HOL) — Madaxweynaha Soomaaliya, Xasan Sheekh Maxamud ayaa maanta xafiiskiisa ku qaabiliay wafdi ka socday dalka Shiinaha oo uu hoggaaminayay safiirka Shiinaha ee Kenya, Liu Guangyuan ayaa waxaa ka mid ahaa khubaro ku xeel dheer qiimeynta dhismaha.

2013-09-10 7:23 AM EST
Talaado, September 10, 2013 (HOL) — Kal-fadhigii saddexaad ee baarlamaanka Somalia ayaa maanta ka furmay Muqdisho iyadoo uu hadal dheer ka jeediyay madaxweyne, Xasan Sheekh Maxamuud kaasoo uu kaga hadlay waxqabadka xukuumaddiisa tan iyo markii isaga la doortay.

2013-09-10 2:22 AM EST
Talaado, September 10, 2013 (HOL) — Sheekh Axmed C/samad oo ka mid ah culummada ka qaybgalaya shirka looga xag-jirnimada ee Muqdisho ka socda ayaa sheegay in sababta loogu tukan la’yahay masaajidda Muqdisho ay tahay cabsi laga qabo Al-shabaab.

2013-09-10 1:58 AM EST
Talaado, September 10, 2013 (HOL) — Iyadoo maanta ay ku beegan tahay hal sano kaddib markii la doortay madaxweynaha Soomaaliya, Xasan Sheekh Maxamuud ayaa shacabka Soomaaliyeed waxay aragtiyo kala duwan ka bixiyeen waxqabadka dowladda halkii sano ee lasoo dhaafay.