3/28/2024
Today from Hiiraan Online:  _
Wararka Maanta- Talaado, Sept 10, 2013
Dowladda Federaalka Soomaaliya oo Sannad kaddib Dhaxashay Dhaliilo iyo Ammaan uga Imaanaya Shacabka Soomaaliyeed


Talaado, September 10, 2013 (HOL) — Iyadoo maanta ay ku beegan tahay hal sano kaddib markii la doortay madaxweynaha Soomaaliya, Xasan Sheekh Maxamuud ayaa shacabka Soomaaliyeed waxay aragtiyo kala duwan ka bixiyeen waxqabadka dowladda halkii sano ee lasoo dhaafay.

Dadweyne badan ayaa qaba in dowladdu ay ku guuldarreysatay inay wax ka qabato arrimaha gudaha iyo ammaanka, balse horumarro badan ka gaartay dhinaca siyaasadda dibadda.

Madaxweyne Xasan Sheekh Maxamuud oo tartankii ugu dambeeyay ay isku soo hareen isaga iyo Sheekh Shariif Sheekh Axmed oo ahaa madaxweynihii dowladdii KMG ahayd ayaa kaga guuleystay codad gaaraya 190-cod, halka uu Sheekh Shariif ka helay 79-cod oo keliya.

Xasan Sheekh ayaa khudbad uu jeediyay wuxuu ku sheegay in dowladdu ay ku shaqeyn doonto lix tiir, kuwaasoo kaalinta koowaad, labaad iyo saddexaadd ay kaga jirto sugidda amniga.

Inkastoo madaxweynuhu uu sheegay hadalkan haddana Muqdisho waxaa ka dhacay halkii sano ee lasoo dhaafay weerarro isugu jira ismiidaamin iyo toos kuwasoo aan horay uga dhicin Muqdisho, waxaana ka mid ahaa weerarradii lagu qaaday xarunta maxkamadaha dalka, xarunta UNDP ee Muqdisho iyo weliba qunsuliyadda Turkiga uu Muqdisho ku leeyahay.

Xarumahan oo ahaa kuwo aan horay loo weerarin ayaa waxay cabsi weyn ku keeneen caalamka, inkastoo madaxda dowladdu ay sheegeen inay isbedel ka dhalin doonaan caasimadda Soomaaliya.

Waxaa intaas daba-socday dilal qorsheysan oo Al-shabaab ay la beegsatay shaqaalaha dowladda iyo ciidamada, waxaana sidoo kale ay waxyeelo kasoo gaartay dad shacab ah oo fara badan.

Ammaanka dowladda Soomaaliya loosoo jeediyay ayaaa waxaa ka mid ah inay soo celisay xiriirradii u dhexeeyay Soomaaliya iyo calaamka intiisa kale, inay ku guuleysatay inay dib u soo celiso aqoonsigii caalamka ee Soomaaliya 20-sano kaddib iyo in dalal badan ay dib u furtaan safaaradihii ay ku lahaayeen Muqdisho.

Habeenno kala duwan ayaa waxaa magaalada Muqdisho ka dhacay qaraxyo is-xigay oo loo adeegsaday bambooyin, kuwaasoo camimay caasimadda min bari illaa galbeed, min Koonfur illaa waqooyi, kuwaasoo mas’uuliyadooda ay sheegatay Al-shabaab.

Weerarrada xilligan ka dhacaya Muqdisho ma ahan kuwo horay looga bartay, waxayna imaanayaa xilli Al-shabaab laba sano ka hor laga saaray Muqdisho, sidoo kalena ay ciidamada dowladda iyo kuwa AMISOM ku guuleysteen inay ka saaraan deegaanno kale oo dalka ka tirsan.

“Dowladdu horumar waa sameysay marka la eego dhinaca dibadda, laakiinse weli waxay ku fashilan  tahay wax ka qabashada arrimaha gudaha oo ay ugu horreyso ammaanka, cabsida magaalada ka jirta waa sii korortay,” ayuu yiri aqoonyahan ka mid ah kuwa Muqdisho oo la hadlay HOL.

Aqoonyahankan oo codsaday inaanan magaciisa sheegin ayaa intaas intaas ku daray in dowladda looga fadhiyo inay wax ka qabato ammaan-xumida ka jirta Muqdisho dhowrka bilood ee foodda nagu soo haya.

Madaxweynaha Somalia ayaa Muqdisho kaga dhawaaqay todobaadyo ka hor dhismaha guddi ka shaqeynaya ammaanka dalka oo dhan, kaasoo uu isagu madax u yahay, balse weli waxaa sii socda dilalka qorsheysan iyo qaraxyada ay Al-shabaab ka geysanayso Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/10/2013 1:58 PM EST
Talaado, September 10, 2013 (HOL) — Kaddib markii golaha malaaqyada Digil iyo Mirifle ay dhawaan amar ku bixiyay in wafdi ka socda dowladda Soomaaliya aysan imaan karin magaalada Baydhabo, ayaa waxaa loo diiday in magaaladaas ay galeen wafdi ka socday wasaaradda horumarinta iyo adeegga bulshada.

9/10/2013 1:41 PM EST
Talaado, September 10, 2013 (HOL) — Dowladda Soomaaliya ayaa maanta heshiis iskaashi kula saxiixatay magaalada Sanca xukuumadda dalka Yemen kaddib kulammo maalmihii lasoo dhaafay ay halkaas ku yeelanayeen wafdi uu hoggaaminayo ra’iisul wasaaraha Soomaaliya iyo mas’uuliyiin ka tirsan dalka Yemen.

9/10/2013 1:26 PM EST
Talaado, September 10, 2013 (HOL) — Madaxweynaha Somaliland, Axmed Maxamed Maxmauud (Siillaanyo), ayaa maanta shahaadooyin gudoonsiiyey in ka badan kun arday oo ka qalinjabisay jaamacadda Golis ee magaaladda Hargeysa.

9/10/2013 1:20 PM EST
Talaado, September 10, 2013 (HOL) — Munaasabad qado sharaf ahayd oo lagu soo dhaweynayey wafdigii uu hoggaaminayay Sheekh Axmed Maxamed Islaan (Axmed Madoobe) ayaa maanta loogu sameeyay magaalada Muqdisho.

9/10/2013 1:16 PM EST
Talaado, September 10, 2013 (HOL) — Fanaanadda caanka ee Soomaaliyeed, Hibo Maxamed Gudoon (Hibo Nuura) ayaa dib ugu soo laabtay 22-sano kaddib magaalada Muqdisho ee xarunta Soomaaliya, kaddib casuumaad ay ka heshay maamulka gobolka Banaadir.

9/10/2013 1:00 PM EST
Talaado, September 10, 2013 (HOL) — Haweeney ayaa ku dhimatay laba qof oo kalena way ku dhaawacmeen qarax bambaano oo gellinkii dambe ee maanta ka dhacay gudaha suuqa Bakaaraha ee magaalada Muqdisho.

9/10/2013 10:03 AM EST
Talaado, September 10, 2013 (HOL) — Xafiiska Imtixaanaadka wasaaradda waxbarashadda Somaliland ayaa maanta ku dhawaaqay imtixaankii shahaadiga ahaa ee fasallada afaraad ee dugsiyadda sare iyo fasallada siideeddaad ee dugsiyada dhexe.

9/10/2013 9:38 AM EST
Talaado, September 10, 2013 (HOL) — Inkastoo ay ku adkeyd in helaan tasiilaadkii iyo taageeradii ay u baahnaayeen haddana waxaa la oran karaa guddiga Isboortiga gobolka Hiiraan iyo naadiyada kala duwan ee ka dhisan gobolka bilihii ugu danbeeyay waxaa ay sameeyeen hormar ballaaran kadib markii tartamo is daba joog ah oo sare u qaadaya mooralka iyo niyada cayaartooyda ay ku qabteen magaalada Beledweyne.

9/10/2013 9:05 AM EST
Talaado, September 10, 2013 (HOL) — Ra’isul Soomaaliya, Cabdi Faarax Shirdoon “Saacid” iyo wafdigiisa ayaa xalay ka qayb-galay munaasabad soo dhaweyn ah oo jaaliyadda Soomaaliyeed ee dalka Yemen ay u sameeyeen, xafladdan ayaa ahayd mid si weyn loo soo agaasimay waxaana lagu soo bandhigay gaaddo-ka-ciyaar, heeso iyo murti kala duwan. Iyadoo jaaliyadda Soomaalidu muujisay sida ay ugu hiloobeen dalkooda ayna ka shaqeynayaan sidii ay ugu laaban lahaayeen.

9/10/2013 9:05 AM EST
Talaado, September 10, 2013 (HOL) — Jaamacadda Muqdisho oo ka mid ah jaamacadaha ugu faca-weyn Soomaaliya ayaa shalay kusoo gaba-gabeysay magaalada Muqdisho tartan ay ugu magic-dartay todobaad dhaqanka kaasoo lagu soo dhaweynayay ardayda cusub ee ku soo biirtay jaamacadda.

9/10/2013 7:37 AM EST
Talaado, September 10, 2013 (HOL) — Madaxweynaha Soomaaliya, Xasan Sheekh Maxamud ayaa maanta xafiiskiisa ku qaabiliay wafdi ka socday dalka Shiinaha oo uu hoggaaminayay safiirka Shiinaha ee Kenya, Liu Guangyuan ayaa waxaa ka mid ahaa khubaro ku xeel dheer qiimeynta dhismaha.

9/10/2013 7:23 AM EST
Talaado, September 10, 2013 (HOL) — Kal-fadhigii saddexaad ee baarlamaanka Somalia ayaa maanta ka furmay Muqdisho iyadoo uu hadal dheer ka jeediyay madaxweyne, Xasan Sheekh Maxamuud kaasoo uu kaga hadlay waxqabadka xukuumaddiisa tan iyo markii isaga la doortay.

9/10/2013 7:05 AM EST
Madaxweyne ku xigeenka Kenya William Ruto ayaa maanta la horgaynayaa maxkamada dambiyada dagaalka ee The Hague, halkaasoo uu kaga jawaabi doono dacwado loo heysto oo ku aadan rabshadihii ka dhashay doorashooyinkii la isku khilaafay ee sanadkii 2007-dii ka dhacay dalka kenya.

9/10/2013 2:22 AM EST
Talaado, September 10, 2013 (HOL) — Sheekh Axmed C/samad oo ka mid ah culummada ka qaybgalaya shirka looga xag-jirnimada ee Muqdisho ka socda ayaa sheegay in sababta loogu tukan la’yahay masaajidda Muqdisho ay tahay cabsi laga qabo Al-shabaab.