2014-04-20
Today from Hiiraan Online:  _
Wararka Maanta- Khamiis, May 9 , 2013
Afhayeenka gudiga farsamada oo ka warbixiyay halka uu marayo shirka maamul u sameynta Jubooyinka
Khamiis, May 09, 2013(HOL) :- Afhayeenka gudiga farsamada shirka maamul u sameynta Jubooyinka ahna xubin katirsan ururka Ahlusunna ee gobolka Gedo Macalim Max'ed Daa'uud Cumar (Codweyne) oo u waramay shabakadda HOL ayaa ka warbixiyay halka uu marayo shirka maamul goboleedka Jubbaland ee ka socda Kismaayo.

Masuulkan ayaa sheegay in maalmihii u danbeeyay ay socotay xulista ergadii 500 ahayd ee ka qeybqaadan lahayd doorashada madaxweeynaha dowlad goboleedka Jubbaland, wuxuuna xusay in howshaasi ay tahay gabo gabo.

"Mudooyinkii u danbeeyay waxaa socotay soo xulidda ergada sedexda gobol, tii gobolka Gedo waa la dhameystiray, ergadii gobollada J/hoose iyo J/dhexena waa gabo gabo, dhawaanna waxaa toos u bilaaban doonto dhameystirka qeybaha yar ee ka harsan shirka," ayuu masuulkani hadalkiisii raaciyay.

Sidoo kale waxa uu sheegay in shacabka ku dhaqan Jubooyinka ay ka go'antahay dhismaha dowlad goboleedka Jubbaland, isagoona intaa ku daray in dhamaan ugaasyada, nabadoona iyo aqoonyahannada beelaha dega Jubooyinka ay ku dhanyihiin shirka.

Masuulkan ayaa ugu baaqay dowladda Soomaaliya in ay taageerto dhismaha dowlad goboleedka, isagoona xusay in dowladda Soomaaliya looga baahanyahay in ay ilaaliso dastuurka Federaalka gaar ahaan qodobada ka hadlaya maamullada gobollada.

"Dowladda waa dowladeenii, madaxweeynaha waa madaxweeyneheenii, ra'isul wasaarahana sidoo kale, shacabka dowladda kama maarmo, dowladuna shacabka kama maaranto, waxaana ugu baaqayaa in ay taageerto rabitaanka shacabka Jubooyinka," ayuu hadalkiisii raaciyay.

Madaxweeynaha dowladda Soomaaliya Mudane Xasan Sheekh Max'uud ayaa dhawaan shaaca ka qaaday in dowladiisu aysan taageersanayn shirka ka soconayo Kismaayo ee la doonayo in maamul goboleed loogu sameeyo sedexda gobol ee la isku yiraahdo Jubooyinka.

Xasan Nuur, Hiiraan Online
Hnur@hiiraan.com
Kismaayo-Soomaaliya.





Post your comments

2013-05-09 12:31 PM EST
Khamiis, May 9, 2013 (HOL) - Amison ayaa maanta wadatashi la yeelatay qaar ka mid ah jaaliyadda Soomaaliyeed ee ku nool magaalada London.

2013-05-09 10:38 AM EST
Khamiis, May 09, 2013 (HOL) — Guddoomiyaha degmada Baydhabo, Xasan Macallin Axmed (Biikole) ayaa wareysi uu siiyay Radio Baydhabo ku sheegay in haweeney leh uur lix bilood ah ay kufsadeen ciidamada dowlada Somalia ee ku sugan magaalada Baydhabo.

2013-05-09 10:34 AM EST
Khamiis, May 09, 2013 (HOL) — Golaha wasiirrada xukuumaddaSomalia oo maanta kulan ayaa kaga hadlay qodobbo ay ka mid yihiin go’aannadii kasoo baxay shirkii London, hay’adda maareynta musoobiiyinka, shaqaalaha ajnabiga ah ee sida sharcidarrada ah dalka uga shaqeeya iyo qaxootiga Soomaaliyeed ee jooga Yemen.

2013-05-09 8:33 AM EST
Khamiis, May 09, 2013 (HOL) — Shirkadda Isgaadhsiinta ee TELESOM, ayaa ka hadashay lambaro cusub oo ay ku soo kordhisay Teleefoonadda gacanta ka dib markii dadweynihi adeegsanayey dareen ka muujiyeen faro badnida numbarada iyo furaha cusub ee ay ku soo kordhiyeen.

2013-05-09 1:55 AM EST
Khamiis, May 09, 2013 (HOL) — Wasiirka gaashaandhigga Somalia, C/xakiin Maxamuud Xaaji Fiqi oo ka mid ah wafdiga madaxweynaha Soomaaliya ee ku sugan London ayaa u sheegay inay hakad galeen kaddib markii ay dowladda Soomaaliya iibsan wayday hub ay kula dagaalanto.

2013-05-09 1:37 AM EST
Khamiis, May 09, 2013 (HOL) — Hay’adda xuquuqda aadanaha ee Amesty International ayaa sheegtay in dalka Eritrea ay ku xiran yihiin 10,000 oo qof oo u xirxiran arrimo siyaasadeed, kuwaasoo muddo 20-sano ah xabsiga ku jira iyagoo aan la xukumin.

2013-05-09 12:59 AM EST
Khamiis, May 09, 2013 (HOL) — Madaxweynaha Jabuuti, Ismaaciil Cumar Geelle oo ku sugan magaalada London ee dalka Britain ayaa sheegay inuu qorsheynayo inuu la furo wadahadallo mucaaradka dalkiisa, iyadoo kooxaha mucaaradka ahina ay ka jawaabeen hadalka madaxweynaha.