2014-10-02
Today from Hiiraan Online:  _
Wararka Maanta- Khamiis, May 9 , 2013
Hay'addda Amnesty International oo sheegtay in Kumanaan qof ay ku xiran yihiin Xabsiyada Eritrea iyadoo aan la Xukumin



Khamiis, May 09, 2013 (HOL) — Hay’adda xuquuqda aadanaha ee Amesty International ayaa sheegtay in dalka Eritrea ay ku xiran yihiin 10,000 oo qof oo u xirxiran arrimo siyaasadeed, kuwaasoo muddo 20-sano ah xabsiga ku jira iyagoo aan la xukumin.

Maxaabiistan ayay sheegtay hay’addu in intooda badan la xiray markii uu xukunka la wareegay madaxweynaha Eritrea, Isaias Afewerki  muddo ku dhow 20-sano, iyadoo sheegtay in maxaabiistaas ay cadaadis iyo jir-dil kala kulmaan xabsiyada.

Amnesty ayaa sheegtay in maxaabiista ku jira xabsiyada Eritrea ay ka mid yihiin suxufiyiin, dad lagu eedeeyay inay dowladda mucaaradeen, dad la sheegay inay haysteen diimo aan dalkaas ka diiwaan-gashanayn iyo kuwo isku dayay inay dalka ka baxsadaan si aan loogu darin ciidamada dalkaas.

Sidoo kale, hay’addu waxay warbixinteeda ku sheegtay in maxaabiistaan aan xaaladooda faahfaahin laga siin qoysaskooda sidoo kaelna aysan ka warhayn qoysasku meel ay ku sugan yihiin dadka ka xirxiran.

“Dowladda Eritrea waxay isticmaashaa hab ah in dadka ay u aragto inay yihiin mucaarad la iska xiro iyadoo aan wax maxkamad ah lasoo taagin, si mucaaradka oo dhan loo aamusiyo,” ayuu yiri Claire Beston oo ah bare Amnesty u qaabilsan dalka Eritrea.

Isagoo hadalkiisa sii wata ayuu yiri: “Labaatankii sano ee kasoo wareegtay markii Eritrea ay xorriyaddeeda hesha waxay ahayd dalka ugu badan dunida ee lagu xirxiro dadka loo haysto arrimaha siyaasadda.”

Hay’addu waxay sheegtay in maxaabiista si xun loo jir-dilo lagu xiro xabsiyo kala duwan oo qaarkood ay dhulka hoostiisa ku yaallaan, iyadoo intaas ku dartay in maxaabiista loo xiro qaab loo yaqaan habkii helicopter-ka, kaasoo ah in wajiga dhulka loo dhigo lugana iyo gacmanaha la isku xiro ayna sidaas ahaadaan maalmo.

“Qolku waa laba mitir iyo bar illaa saddex mitir, waxaan ahayn 33 qof, qolku wuxuu ahaa mid aad u kulul, dariishadihiisu xiran yihiin, baaxaddiisu waa laba mitir, heer kulkiisuna waa 50 digrii,” ayuu yiri ruux ka mid ahaa dadkii siyaasad ahaanta loo xiray oo Amnesty la hadlay.

Maxbuuskan hore ayaa isagoo hadalkiisa sii wata yiri: “Wiil 17-jir ah ayaa ku dhintay xabsiga intii aanu dhiman ayaan isku daynay inaan badbaado u helo, awood uma lahayn inaan hadalno, balse waxaan billownay inaan albaabka garaacno, waardiyihii xabsiga ayaa noo sheegeen inay dhammaanteen na dili doonaan haddii aanan joojin garaaca, ma aanan garanayn hab kale oo aan ku caawinno.”

Hay’adda Amnestir ayaa ugu dambeyn ugu baaqday dowladda Eriteria inay maxaabiista xirxiran horgeyso maxkamad loona xukumo si sharci ah, haddii kale lasii daayo. Balse Xukuumadda Asmara kama aysan hadlin warbixinta ay soo saartay ha’yadda xuquuqda aadanaha ee Amnesty.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-05-09 12:31 PM EST
Khamiis, May 9, 2013 (HOL) - Amison ayaa maanta wadatashi la yeelatay qaar ka mid ah jaaliyadda Soomaaliyeed ee ku nool magaalada London.

2013-05-09 11:07 AM EST
Khamiis, May 09, 2013(HOL) :- Afhayeenka gudiga farsamada shirka maamul u sameynta Jubooyinka ahna xubin katirsan ururka Ahlusunna ee gobolka Gedo Macalim Max'ed Daa'uud Cumar (Codweyne) oo u waramay shabakadda HOL ayaa ka warbixiyay halka uu marayo shirka maamul goboleedka Jubbaland ee ka socda Kismaayo.

2013-05-09 10:38 AM EST
Khamiis, May 09, 2013 (HOL) — Guddoomiyaha degmada Baydhabo, Xasan Macallin Axmed (Biikole) ayaa wareysi uu siiyay Radio Baydhabo ku sheegay in haweeney leh uur lix bilood ah ay kufsadeen ciidamada dowlada Somalia ee ku sugan magaalada Baydhabo.

2013-05-09 10:34 AM EST
Khamiis, May 09, 2013 (HOL) — Golaha wasiirrada xukuumaddaSomalia oo maanta kulan ayaa kaga hadlay qodobbo ay ka mid yihiin go’aannadii kasoo baxay shirkii London, hay’adda maareynta musoobiiyinka, shaqaalaha ajnabiga ah ee sida sharcidarrada ah dalka uga shaqeeya iyo qaxootiga Soomaaliyeed ee jooga Yemen.

2013-05-09 8:33 AM EST
Khamiis, May 09, 2013 (HOL) — Shirkadda Isgaadhsiinta ee TELESOM, ayaa ka hadashay lambaro cusub oo ay ku soo kordhisay Teleefoonadda gacanta ka dib markii dadweynihi adeegsanayey dareen ka muujiyeen faro badnida numbarada iyo furaha cusub ee ay ku soo kordhiyeen.

2013-05-09 1:55 AM EST
Khamiis, May 09, 2013 (HOL) — Wasiirka gaashaandhigga Somalia, C/xakiin Maxamuud Xaaji Fiqi oo ka mid ah wafdiga madaxweynaha Soomaaliya ee ku sugan London ayaa u sheegay inay hakad galeen kaddib markii ay dowladda Soomaaliya iibsan wayday hub ay kula dagaalanto.

2013-05-09 12:59 AM EST
Khamiis, May 09, 2013 (HOL) — Madaxweynaha Jabuuti, Ismaaciil Cumar Geelle oo ku sugan magaalada London ee dalka Britain ayaa sheegay inuu qorsheynayo inuu la furo wadahadallo mucaaradka dalkiisa, iyadoo kooxaha mucaaradka ahina ay ka jawaabeen hadalka madaxweynaha.