12/19/2014
Today from Hiiraan Online:  _
Wararka Maanta- Arbaco, May 8 , 2013
Dowladda Kuwait oo 13-Milyan oo Dollar ugu deeqday Somalia taasoo qayb ka ah Gargaarka ay Dunidu siinayso Somalia


Arbaco, May 08, 2013 (HOL) —Kuwait ayaa ugu deeqday Soomaaliya lacag gaaraysa 13-milyan oo doollar, taasoo qayb ka ah qorshaha lagu doonayo in Soomaaliya lagu caawiyo, iyadoo sheegtay in lacagtan ay ugu talogashay dib u dhiska Soomaaliya.

Wasiir u dowlaha dowladaha hoose ee Kuwait, Sheekh Maxamed C/llaahi Al-Sabaax ayaa u sheegay wakaaladda wararka dalkaas, in Kuwaita xoojinayso taageerada ay siinayso shacabka iyo dowladda Soomaaliya.

“Xukuumadda Kuwait waxay doonaysaa in dhawaan ay safaarad ka furato magaalada Muqdisho taasoo la soconaysa hadba sida ay noqoto xaaladda amniga,” ayuu yiri wasiir u dowlaha oo intaas ku daray in dalkiisu uu goob-joog ka ahaa shirkii London.

Sidoo kale, Sheekh Maxamed wuxuu sheegay in dalkiisu uu diyaar u yahay inuu bixiyo wax walba oo kaalmo ah oo looga baahdo, sida tababarro dhanka waxbarashada ah, dhaqanka wax walba oo kale oo looga baahdo.

“Tallaabadan waa mid uu Amiirka dalka Kuwait ku caddeynayo inuu doonayo inuu xoojiyo xiriirka u dhexeeya labada dal ee walaalaha ah – Soomaaliya iyo Kuwait,” ayuu wasiir u dowluhu hadalkiisa ku daray.

Wasiir u dowlaha ayaa sheegay in Soomaaliya ay xilligan ka jirto rajo weyn oo ay kaga baxayso dhibaatooyinkii ay kusoo jirtay muddada 22-ka sano ah, isagoo ku boorriyay Soomaalida dibadaha ku nool inay ku laabtaan dalkooda oo ay ka qaybqaataan dib u dhiskiisa.

Mas’uulkan oo hadalkiisa sii wata ayaa sheegay in xukuumadda Kuwait ay ugu deeqday Soomaaliya 10-milyan oo doollar, iyadoo saddexda milyan ee kalena uu shacabka Soomaaliyeed ugu deeqay amiirka dalka Kuwait, Sheekh Sabaax Al-Axmed Al-Jaabiri Al-sabaax.

Sheekh Maxamed wuxuu ka dhawaajiyay in Soomaaliya ay garab taagnayd Kuwait markii ay dowladdii Ciraaq ee uu hoggaaminayay Sadaam ay gudaha u gashay dalka Kuwait oo ay daris yihiin sannadkii 1990-kii.

“Dowladda Kuwait waxay rajeynaysaa inay aragto Soomaaliya oo ah dowlad awood leh oo ku dhex jirta deggenaasho iyo barwaaqo,” ayuu yiri wasiir-u-dowlaha dowladaha hoose ee dalka Kuwait.

Ugu dambeyn, wasiir u dowluhu wuxuu cambaareeyay qaraxii ismiidaaminta ahaa ee Axaddii lasoo dhaafay ka dhacay Muqdisho, isagoo beesha caalamka uug baaqay inay taageero ballaaran siiyaan Soomaaliya sii ay uga baxdo xilli dheer oo colaado ah.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

5/8/2013 3:21 PM EST
Arboco, May 8, 2013 (HOL) - Madaxweyne Xasan Sheekh Maxamuud ayaa dhawaan la filayaa in kulan la qaato Jaaliyadda Soomaaliyeed ee magaalada London.

5/8/2013 2:47 PM EST
Arbaco, May 08, 2013 (HOL) — Degmada Baydhabo ayaa waxaa ka dhacay gallabta dagaal u dhexeeya ciidamada maamulka gobolka iyo ciidammo ka yimid jiidaha hore ee dagaalka, kuwaasoo dhawaanahan kusoo qulqulayay gudaha degmada, waxaana maamulku uu ku eedeeyay ciidamadan inay ku kacaan falal ay shacabka ku dhibaateynayaan oo uu ka mid yahay dhaca.

5/8/2013 2:36 PM EST
Arbaco, May 08, 2013 (HOL) — Ugu yaraan laba qof oo shacab ah ayaa ku dhintay afar askarina way ku dhaawacmeen bam-gacmeed lagu weeraray ciidammo ka tirsan milateriga Soomaaliya oo ku sugnaa degmada Yaaqshiid ee gobolka Banaadir.

5/8/2013 1:34 PM EST
Arbaco, May 08, 2013 (HOL) — Ugu yaraan 55-qof oo ay ku jiraan saraakiil ka tirsan booliiska iyo maxaabiis ayaa lagu dilay weerar ay kooxda islaamiga ah ee Boko Haram ay ku qaaday gobol ku yaalla waqooyi-dalka Nigeira oo lagu magacaabo Borno.

5/8/2013 8:41 AM EST
Arbaco, May 08, 2013 (HOL) — Maamulka Somaliland ayaa soo dhaweeyay go’aannadii kasoo baxay shirkii London lagu qabtay shalay oo Salaaso ahayd kaasoo looga hadlayay horumarinta Soomaaliya iyo sidii beesha caalamku ay isku garab-taagi lahayd Soomaaliya si dib loogu soo celiyo sharciga iyo kala-dambeynta.

5/8/2013 8:40 AM EST
Arbaco, May 08, 2013 (HOL) — Mas'uuliyiinta maamulka gobollka Hiiraan ayaa ka gudoomay taliyaha ciidamada Jabuuti ee howlgalka midowgga Africa AMISOM Col Cismaan Dubad deeq la soo gaarsiiyay ciidamada maamulka gobolka Hiiraan.

5/8/2013 5:32 AM EST
Arboco, May 8, 2013 (HOL) - Madaxweynaha Soomaaliya ayaa ka qayb-galay shir looga hadlayey sidii ganacstada Soomaaliya iyo ganacsatada dalka Britain ay uga wada faa'iideysan lahaayeen fursadaha dhaqaale ee ka jira dalka Soomaaliya.

5/8/2013 3:46 AM EST
Arbaco, 08 May, 2013(HOL) :- Shacabka ku dhaqan magaalada Kismaayo ee xarunta gobolka J/hoose ayaa ka cabanayo sare u kac xooggan oo ku yimid qiimaha lakala siisto noocyada kala duwan ee khudaarta kadib markii ay roobab xireen wadadii ay soo mari jireen gaadiidkii qudradda ka keeni jira deegaanada gosha ee gobolka J/hoose.

5/8/2013 3:38 AM EST
Arbaco, May 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka hadlay qorshayaasha xukuumadda ee dhinacyada sugidda ammaanka, cadaaladda iyo dib u habeynta dhaqaalaha dalka isagoo xusay in dowladdu ay xoogga saari doonto hirgelinta qodobbadan oo dhan.

5/8/2013 3:06 AM EST
Arbaco, May 08, 2013 (HOL) — Guddoomiyaha xaafadda Howl-wadaag ee degmada Baydhabo ee xarunta gobolka Bay, Khaliif Ibraahim ayaa lagu dhaawacay bam-gacmeed xalay lagu weeraray gurigiisa, iyadoo dhaawaca gaaray la sheegay inuu yahay aad u culus, waxaana la dhigay isbitaalka weyn ee Baydhabo halkasoo lagu daweynayo.