2014-09-02
Today from Hiiraan Online:  _
Wararka Maanta- Arbaco, May 8 , 2013
Kooxda Boko Haram oo 55 Ruux oo ay ku jiraan Saraakiil Booliis ah ku dilay Gobol ku yaalla Waqooyi-Bari Nigeria



Arbaco, May 08, 2013 (HOL) — Ugu yaraan 55-qof oo ay ku jiraan saraakiil ka tirsan booliiska iyo maxaabiis ayaa lagu dilay weerar ay kooxda islaamiga ah ee Boko Haram ay ku qaaday gobol ku yaalla waqooyi-dalka Nigeira oo lagu magacaabo Borno.

Howgalkaas ayaa waxay kooxda Boko Haram xabsi ku yaalla magaalada Bama ay kasii daayeen 105 ruux oo maxaabiis ahaa, iyadoo la gubay gabi ahaan xabsiga oo ahaa mid ay gacanta ku hayeen booliiska gobolkaas.

Madaxweynaha Nigeria, Goodluck Jonathan ayaa horay u magacaabay guddi la xaajooda kooxda Boko Haram la xaajooda u saaray, balse waxaa arrintaas ku gacan-sayray hoggaamiyaha kooxdan islaamiga ah oo lagu magacaabo Abuubakar Sheekhu.

Afhayeenka saldhig milateriga oo ku yaalla deegaanka Maiduguri oo 70-km u jirta magaalada uu weerarku ka dhacay ee Bama, Muuse Sagir ayaa sheegay in 200 oo ka mid ah Boko Haram oo aad u hubeysan ay weerarkan fuliyeen aroornimadii hore ee Talaadii shalay, isagoo intaas ku daray in dableydu ay ku yimaadeen basas iyo gaadiidka kale oo dusha ka furan.

“Qaar ka mid ah ragga hubeysan waxay weerareen saldhigyo milatari laakiin waa la iska difaacay. Toban ka mid ah waa la dilay laba ka mid ahna waa la qabtay,” ayuu Sagir u sheegay AFP. Wuxuuna intaas ku daray: “Intaa kaddib dableydu waxay weerareen xabsiga iyagoo halkaas kala 105 ruux oo iyaga ka mid ahaa, intii kalena way laayeen."

Sidoo kale, afhayeenka ayaa intaas ku daray in kooxaha hubeysan oo xirnaa labis isku mid ah ay goobtaas ku sugnaayeen muddo shan saacadood ah, iyagoo markii dambe si iskood ah uga tagay goobta.

Dadka la dilay ayaa waxay kala ahaayeen: 22 sarkaal oo booliis ah, 14 maxbuus, laba askari, afar qof oo shacab ah iyo 13-dagaalyahan oo ka mid ahaa xoogaggii weerarka soo qaaday.

Taliyaha booliiska magaalada Bama ee uu weerarku ka dhacay, Abuubakar Sagir ayaa laga soo xigtay in afarta qof ee shacabka ah ee weerarkaas lagu dilay ay kala ahaayeen haweeney iyo saddex caruur ah.

“Xilliga ay kooxdan Boko Haram weerarka billaabeen waxay ahayd 05:00 aroornimo, markaasoo salaadda subax la isugu yeerayay, waxay billaabeen inay rasaas u furaan jiho walba, innagu nafteenna ayaan la cararnay,” ayay tiri Aamina Cusmaan oo goobjooge ahayd. Iyadoo intaas ku dartay: “Qof haween ah oo awoodi wayday ayaa gubatay iyadoo isla goobta ku dhimatay

Bishii lasoo dhaafay ayay milateriga dalka Nigeria waxay weerar ku qaadeen gobollo ay ka mid yihiin Baga iyo Borno iyagoo kasoo qabqabtay tiro ka mid ah dagaalyahannada Bokor Haram ee shalay laga baxay xabsiga.

Hay’adaha xuquuqda aadanaha ayaa dhawaan sheegay in 200 qof lagu dilay isku dhacyada u dhexeeya milateriga Nigeria iyo kooxda mayalka adag ee Boko Haram, iyadoo ay ku burbureen kumanaan aqal, iyadoo la sheegay in milateriga dalkaas ay si macno-darro ah u dileen 37-qof.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-05-08 3:21 PM EST
Arboco, May 8, 2013 (HOL) - Madaxweyne Xasan Sheekh Maxamuud ayaa dhawaan la filayaa in kulan la qaato Jaaliyadda Soomaaliyeed ee magaalada London.

2013-05-08 2:47 PM EST
Arbaco, May 08, 2013 (HOL) — Degmada Baydhabo ayaa waxaa ka dhacay gallabta dagaal u dhexeeya ciidamada maamulka gobolka iyo ciidammo ka yimid jiidaha hore ee dagaalka, kuwaasoo dhawaanahan kusoo qulqulayay gudaha degmada, waxaana maamulku uu ku eedeeyay ciidamadan inay ku kacaan falal ay shacabka ku dhibaateynayaan oo uu ka mid yahay dhaca.

2013-05-08 2:36 PM EST
Arbaco, May 08, 2013 (HOL) — Ugu yaraan laba qof oo shacab ah ayaa ku dhintay afar askarina way ku dhaawacmeen bam-gacmeed lagu weeraray ciidammo ka tirsan milateriga Soomaaliya oo ku sugnaa degmada Yaaqshiid ee gobolka Banaadir.

2013-05-08 1:36 PM EST
Arbaco, May 08, 2013 (HOL) —Kuwait ayaa ugu deeqday Soomaaliya lacag gaaraysa 13-milyan oo doollar, taasoo qayb ka ah qorshaha lagu doonayo in Soomaaliya lagu caawiyo, iyadoo sheegtay in lacagtan ay ugu talogashay dib u dhiska Soomaaliya.

2013-05-08 8:41 AM EST
Arbaco, May 08, 2013 (HOL) — Maamulka Somaliland ayaa soo dhaweeyay go’aannadii kasoo baxay shirkii London lagu qabtay shalay oo Salaaso ahayd kaasoo looga hadlayay horumarinta Soomaaliya iyo sidii beesha caalamku ay isku garab-taagi lahayd Soomaaliya si dib loogu soo celiyo sharciga iyo kala-dambeynta.

2013-05-08 8:40 AM EST
Arbaco, May 08, 2013 (HOL) — Mas'uuliyiinta maamulka gobollka Hiiraan ayaa ka gudoomay taliyaha ciidamada Jabuuti ee howlgalka midowgga Africa AMISOM Col Cismaan Dubad deeq la soo gaarsiiyay ciidamada maamulka gobolka Hiiraan.

2013-05-08 5:32 AM EST
Arboco, May 8, 2013 (HOL) - Madaxweynaha Soomaaliya ayaa ka qayb-galay shir looga hadlayey sidii ganacstada Soomaaliya iyo ganacsatada dalka Britain ay uga wada faa'iideysan lahaayeen fursadaha dhaqaale ee ka jira dalka Soomaaliya.

2013-05-08 3:46 AM EST
Arbaco, 08 May, 2013(HOL) :- Shacabka ku dhaqan magaalada Kismaayo ee xarunta gobolka J/hoose ayaa ka cabanayo sare u kac xooggan oo ku yimid qiimaha lakala siisto noocyada kala duwan ee khudaarta kadib markii ay roobab xireen wadadii ay soo mari jireen gaadiidkii qudradda ka keeni jira deegaanada gosha ee gobolka J/hoose.

2013-05-08 3:38 AM EST
Arbaco, May 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka hadlay qorshayaasha xukuumadda ee dhinacyada sugidda ammaanka, cadaaladda iyo dib u habeynta dhaqaalaha dalka isagoo xusay in dowladdu ay xoogga saari doonto hirgelinta qodobbadan oo dhan.

2013-05-08 3:06 AM EST
Arbaco, May 08, 2013 (HOL) — Guddoomiyaha xaafadda Howl-wadaag ee degmada Baydhabo ee xarunta gobolka Bay, Khaliif Ibraahim ayaa lagu dhaawacay bam-gacmeed xalay lagu weeraray gurigiisa, iyadoo dhaawaca gaaray la sheegay inuu yahay aad u culus, waxaana la dhigay isbitaalka weyn ee Baydhabo halkasoo lagu daweynayo.