2014-04-23
Today from Hiiraan Online:  _
Wararka Maanta- Arbaco, May 8 , 2013
Ra’iisul Wasaaraha Somalia oo ka hadlay Qorshaha Dowladda ee ku Aaddan Amniga, Cadaaladda iyo Habeynta Dhaqaalaha


Arbaco, May 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka hadlay qorshayaasha xukuumadda ee dhinacyada sugidda ammaanka, cadaaladda iyo dib u habeynta dhaqaalaha dalka isagoo xusay in dowladdu ay xoogga saari doonto hirgelinta qodobbadan oo dhan.

Mudane Saacid wuxuu sheegay in sumcadda iyo dowladnimada Soomaaliya ay ku jirto in si buuxda loo milkiyo ayaaha dalka lana helo nabad ay dadka oo dhan harsadaan.

“Waan ku qasbannahay in cid kasta oo jidka cad ee aan ku soconno isku-dayda inay naga leexiso ama carqaladeyso inaan iska qabano. Waxaana ku gaari karnaa taas inaan helo awood ciidan oo aan ku muquunino cadowga dalka iyo dadka Soomnaaliyeed ee isugu jira argagixisada, burcadbadeedda iyo kuwa caadaystay inay shacabkeena intiisa tabarta daran dhibaateeyaan. Ujeedka qorsheheena ku aaddan sugidda amnigu waa sidaas, waana taas mida caalamku ku qancay ayna doonayaan inay nagu taageeraan,” ayuu yiri ra’iisul wasaare Saacid.

Sidoo kale, ra’iisul wasaaruhu wuxuu soo qaatay qorshaha dowladda ee ku saabsan cadaaladda, isagoo sheegay in xukuumadda ay ka go’an tahay inay cadaalad ku shaqeyso lana dhameeyo ku takri-falka awoodda iyo xadgudub walba oo ka dhan ah bani’aadamka.

“Waxaan naga go’an in caddaaladdu shaqayso oo ay joogsadaan ku takri-falka awoodda iyo xadgudubka xuquuqda shacabka nooc kasta oo uu yahay. Si aan taas uga guul-gaarno waxaan dejinnay qorshayaal socon doona afar sano oo aan beesha caalamka u gudbiny, taasoo aan ku fariisinayno habka cadaaladda dalka,” ayuu yiri Saacid.

Ra’iisul wasaaruhu wuxuu sheegay in dib-u-habeynta laamaha cadaaladda dalku ay ka mid tahay arrimaha ugu waaweyn ee dowladdu ay doonaysay inay kaalmooyin uga hesho calaamka, si qof walba oo Soomaali ah uu u heli lahaa cadaalad.

“Waxaan ku rajo waynahay inaan unugyada caddaaladda dib-u-habayno oo ay maxkamadaha dalku si hufan u shaqeeyaan, xabsiyada oo dhanna ay dib u howl-galaan, iyadoo ujeedku yahay in dambiilaha laga qabto ummadda, qof kastana uu helo caddaalad ku filan,” ayuu mar kale ra’iisul wasaaraha Soomaaliya.

Dhanka kale, ra’iisul wasaaruhu wuxuu ka hadlay dib u habeynta dhaqaalaha dalka, isagoo sheegay in qodobkan uu ka mid yahay saddexda qodob ee ugu waaweyn ee ay dowladdu doonayso inay salka dhulka u dhigto.

“Maamulka iyo maareynta dhaqaalaha dalka maahan arrin sahlan maadaama ay xilli hore burbureen hay’adihii maamulka dhaqaalaha sida bankiyadii. Waana arrin aan u aragnay ka dowlad ahaan inay muhiimad weyn leedahay. Sidaas daraadeed, waxaan dajinay qorshe cusub oo suuro-gal ka dhigi kara in dalka uu yeeesho nimaad maamul dhaqaale oo hufan; si ay u suurogasho inaan dhaqaalaha dalkeena aan lagu takri-falin ama aan lagu bixin mashaariic aan faa’iido badan u lahayn ummadeena,” ayuu yiri Saacid.

Ugu dambeyn, ra’iisul wasaaruhu wuxuu sheegay in dawladda Soomaaliya ay gudbisay qorshe ballaaran oo ka turjumaya baahideena ku aaddan sidii Soomaaliya dib loogu soo dhisi lahaa loona hormarin lahaa. Isagoo xusay in lagu taageeray dhammaan qorshayaashii ay gudbisay oo uu ugu horreeyo sidii amniga guud ee dalka lagu hanan lahaa.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-05-08 3:21 PM EST
Arboco, May 8, 2013 (HOL) - Madaxweyne Xasan Sheekh Maxamuud ayaa dhawaan la filayaa in kulan la qaato Jaaliyadda Soomaaliyeed ee magaalada London.

2013-05-08 2:47 PM EST
Arbaco, May 08, 2013 (HOL) — Degmada Baydhabo ayaa waxaa ka dhacay gallabta dagaal u dhexeeya ciidamada maamulka gobolka iyo ciidammo ka yimid jiidaha hore ee dagaalka, kuwaasoo dhawaanahan kusoo qulqulayay gudaha degmada, waxaana maamulku uu ku eedeeyay ciidamadan inay ku kacaan falal ay shacabka ku dhibaateynayaan oo uu ka mid yahay dhaca.

2013-05-08 2:36 PM EST
Arbaco, May 08, 2013 (HOL) — Ugu yaraan laba qof oo shacab ah ayaa ku dhintay afar askarina way ku dhaawacmeen bam-gacmeed lagu weeraray ciidammo ka tirsan milateriga Soomaaliya oo ku sugnaa degmada Yaaqshiid ee gobolka Banaadir.

2013-05-08 1:36 PM EST
Arbaco, May 08, 2013 (HOL) —Kuwait ayaa ugu deeqday Soomaaliya lacag gaaraysa 13-milyan oo doollar, taasoo qayb ka ah qorshaha lagu doonayo in Soomaaliya lagu caawiyo, iyadoo sheegtay in lacagtan ay ugu talogashay dib u dhiska Soomaaliya.

2013-05-08 1:34 PM EST
Arbaco, May 08, 2013 (HOL) — Ugu yaraan 55-qof oo ay ku jiraan saraakiil ka tirsan booliiska iyo maxaabiis ayaa lagu dilay weerar ay kooxda islaamiga ah ee Boko Haram ay ku qaaday gobol ku yaalla waqooyi-dalka Nigeira oo lagu magacaabo Borno.

2013-05-08 8:41 AM EST
Arbaco, May 08, 2013 (HOL) — Maamulka Somaliland ayaa soo dhaweeyay go’aannadii kasoo baxay shirkii London lagu qabtay shalay oo Salaaso ahayd kaasoo looga hadlayay horumarinta Soomaaliya iyo sidii beesha caalamku ay isku garab-taagi lahayd Soomaaliya si dib loogu soo celiyo sharciga iyo kala-dambeynta.

2013-05-08 8:40 AM EST
Arbaco, May 08, 2013 (HOL) — Mas'uuliyiinta maamulka gobollka Hiiraan ayaa ka gudoomay taliyaha ciidamada Jabuuti ee howlgalka midowgga Africa AMISOM Col Cismaan Dubad deeq la soo gaarsiiyay ciidamada maamulka gobolka Hiiraan.

2013-05-08 5:32 AM EST
Arboco, May 8, 2013 (HOL) - Madaxweynaha Soomaaliya ayaa ka qayb-galay shir looga hadlayey sidii ganacstada Soomaaliya iyo ganacsatada dalka Britain ay uga wada faa'iideysan lahaayeen fursadaha dhaqaale ee ka jira dalka Soomaaliya.

2013-05-08 3:46 AM EST
Arbaco, 08 May, 2013(HOL) :- Shacabka ku dhaqan magaalada Kismaayo ee xarunta gobolka J/hoose ayaa ka cabanayo sare u kac xooggan oo ku yimid qiimaha lakala siisto noocyada kala duwan ee khudaarta kadib markii ay roobab xireen wadadii ay soo mari jireen gaadiidkii qudradda ka keeni jira deegaanada gosha ee gobolka J/hoose.

2013-05-08 3:06 AM EST
Arbaco, May 08, 2013 (HOL) — Guddoomiyaha xaafadda Howl-wadaag ee degmada Baydhabo ee xarunta gobolka Bay, Khaliif Ibraahim ayaa lagu dhaawacay bam-gacmeed xalay lagu weeraray gurigiisa, iyadoo dhaawaca gaaray la sheegay inuu yahay aad u culus, waxaana la dhigay isbitaalka weyn ee Baydhabo halkasoo lagu daweynayo.