12/19/2014
Today from Hiiraan Online:  _
Wararka Maanta- Jimco, May 3 , 2013
Maalinta Warbaahinta Adduunka oo Maanta laga xusay Magaalada Garoowe ee xarunta Maamul-Goboleedka Puntland


Jimco, May 03, 2013 (HOL)  — Maanta oo ku beegan maalinta war-baahinta aduunka, waxaa siweyn looga xusay magaalooyin badan oo dalka ka tirsan, kuwaasoo ay kamid tahay xarunta maamulka Puntland ee Garoowe.

Munaasabad ballaaran oo ku aadaneyd xuska maalinta war-baahinta, ayaa maanta ka dhacday xarunta hay’adda cilmi baarista Puntland ee magaalada Garoowe.

Waxaana kasoo qayb galay mas’uuliyiin ka tirsan golaha wasiirada, xildhibaano iyo in badan oo kamid ah bahda saxaafadda ee deegaanada Puntland.

Munaasabaddan oo ay soo qaban qaabiyeen ururka saxafiyiinta Puntland ee magaciisa loo soo gaabiyo MAP, waxaa ugu horeyn ka hadlay Burhaan Axmed Daahir oo isagu ah xoghayaha ururka MAP.

Wuxuuna ka sheekeeyey taariikhda warbaahinta Puntland, isagoo tilmaamay in warbaahintu ay kaalin weyn ka qaadato arimo muhiim ah oo ay kamid yihiin: is-dhex-galka bulshada, xoojinta nabad gelyada iyo wacyi geinta bulshada.

Wasiirka arimaha gudaha, Gen. C/laahi Axmed Jaamac Ilka-jir oo ugu danbeynti hadalka qaatay, ayaa isna tibaaxay in dowladdu ay garowsan tahay tacadiyada ay weriyeyaashu la kulmaan iyo sida ay shaqadoodu u tahay mid dhib badan.

Isagoo hadalkiisa sii wata wuxuu wasiirku bahda warbaahinta ku booriyey in ay kasoo dhalaalaan kaalinta ay bulshada kaga jiraan, kana fogaadaan wax walba oo shaqadooda ka dhigi kara mid aan hufneyn.

Maalinta war-baahinta dunida, waxaa maanta oo kale laga xusaa dhammaan caalamka, waxayna sanadkan kusoo aadeysaa xilli tirada weriyaasha ilaa sanadkii 2012 Soomaaliya lagu diley ay tahay 22 weriye.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

5/3/2013 2:29 PM EST
Jimco, May 03, 2013 (HOL) — Madaxda dalalka ku bahoobay IGAD ayaa isku raacay in dowladda Soomaaliya ay hormuud u noqoto dadaallada maamul u sameynta gobollada Soomaaliya, iyadoo warkan lagu sheegay war-murtiyeed laga soo saaray shirkii madaxda IGAD uga socday magaalada Addis Ababa ee xarunta dalka Itoobiya.

5/3/2013 1:52 PM EST
Jimco, May 03, 2013 (HOL) — Golaha ammaanka ee Qaramada Midoobay ayaa meel-mariyay qorshe lagu billaabayo howlgal cusub oo Qaramada Midoobay ay ka billaabayso Soomaaliya, kaasoo loogu magac-daray UN-SOM, howlgalkaas oo fududeynaya in Soomaaliya ay nabad buuxda ka dhalato.

5/3/2013 11:40 AM EST
Jimco, May 03, 2013 (HOL) — Dowladda Puntland ayaa ka hadashay mowqifkeeda ku aaddan shirka London ee toddobaadka soo socda ka furmaya magaalada London ee xarunta dalka Brirtain, kaasoo dhaqaale loogu raadinayo Soomaliya.

5/3/2013 10:56 AM EST
Jimco, May 03, 2013 (HOL) — Waxaa maanta magaalada Baydhabo ka dhacday xaflad ay ku qalinjabinayeen arday dhameystray waxbarashaeda jaamacadda Koonfurta Soomaaliya ee xarunteedu tahay Baydhabo, iyadoo ay xafladda kasoo qaybgaleen mas’uuliyiin kala duwan.

5/3/2013 10:17 AM EST
Jimco, May 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan Jawaari iyo wafdi uu hoggaaminayo ayaa maanta dib ugu soo laabtay dalka kaddib socdaal shaqo oo uu ku tagay dalka Turkiga, isagoo lasoo kulmay mas’uuliyiinta Turkiga iyo ardayda Soomaaliyeed ee wax ka barta dalkaas.

5/3/2013 7:10 AM EST
Jimco, May 03, 2013 (HOL) — AMISOM ayaa warsaxaafadeed ay soo saartay ku sheegtay inay fashilisay weerarro ay Al-shabaab doonaysay inay ka fuliso magaalada Kismaayo ee xarunta gobolka Jubbada Hoose, halkaasoo sanadkii hore laga qabsaday Al-shabaab iyadoo aysan ka dhicin wax dagaallo ah.

5/3/2013 6:39 AM EST
Jimco, May 03, 2013 (HOL) — Kal-fadhigii 43-aad ee St. Gallen Symposium ayaa si rasmi ah uga furmay magaalada St. Gallen ee dalka Switzerland, waxanaa kulankan kasoo qaybgalay siyaasiin caan ah iyo qubaro magic-weyn ku leh caalamka.

5/3/2013 6:32 AM EST
Jimco, May 03, 2013 (HOL) — Golaha wasiirrada xukuumadda Soomaaliya ayaa ansixiyay qorshe loogu talogalay dib u habeynta maamulka maaliyadda dalka, kaasoo ay soo diyaarisay wasaaradda maaliyadda iyo qorsheynta dowladda Soomaaliya.