2014-10-24
Today from Hiiraan Online:  _
Wararka Maanta- Jimco, May 3 , 2013
Dowladda Puntland oo ka Hadashay Mowiqfkeeda ku Aaddan Shirka London ka furmaya Toddobaadka soo socda


Jimco, May 03, 2013 (HOL) — Dowladda Puntland ayaa ka hadashay mowqifkeeda ku aaddan shirka London ee toddobaadka soo socda ka furmaya magaalada London ee xarunta dalka Brirtain, kaasoo dhaqaale loogu raadinayo Soomaliya.

Warsaxaafadeed kasoo baxay madaxtooyada Puntland ayaa lagu sheegay in Puntland ay soo dhaweynayso shir kasta oo wax loogu qabanayo Soomaaliya, isla markaana ay diyaar u tahay inay ka qaadato xaslinta dalka.

“Puntland waxay taageersaa wax walba oo nabadda, midnimada iyo Qarannimadii Soomaaliyeed dib loogu soo celinayo, hase ahaatee kama qayb-galayso shirka London,” ayaa lagu yiri warka kasoo baxay Puntland.

Inkastoo Puntland aan lagu casuumin shirka London haddana waxaa maalmo ka hor booqasho ku tagay Garoowe madaxweynaha Somalia, Xasn Sheekh si uu ugala hadlo madaxda Puntland inay wafdi uga qaybgala shirka soo xulaan balse waxaas kasoo horjeestay madaxweynaha Puntland. C/raxmaan Faroole.

Mas’uuliyiinta Puntland ayaa sheegay inay doonayeen in shirkaas lagu casuumo iyagoo ah maamul-goboleed ka jira Soomaaliya, balse aysan taasi dhicin iyaguna ay go’aansadeen inay diidaan ka qaybgalka shirka.

“Puntland kama qayb geli doonto shirka London, wax ergo ahina shirkaas uma tegi doonto. Puntland waxay qoraal ku aadan mowqifka ay ka taagan tahay arimaha Soomaaliya u gudbin doontaa shirka labaad ee London” War-saxaafadeedka ayaa lagu yiri.

Warsaxaafadeedka ay soo saartay Puntland ayaa waxay ku sheegtay inay ku wargelinayso madaxda Britain inay eegaan xaqiiqada Soomaaliya ka jirta iyo baahida loo qabo dhismaha maamul goboleedyo sida ku xusan dastuurka ay ku dhaqmayso Soomaaliya, iyagoo sheegay inay walaac ka muujinayso wax ka badalka dastuurka Soomaaliya ee horay loo ansixiya.

Madaxweynaha dowladda Somalia oo ah ilaaliyaha dastuurka, guddoomiyaha barlamaanka iyo ergayga Qaramada Midoobay u qaabilsan arrimaah Somalia waxaan ugu yeeraynaa inay furaan baaritaan ballaaran oo shacabka loogu faah-faainayo dastuurka,” ayaa lagu yiri warsaxaafadeedka ay Puntland soo saartay.

Shirka London oo ay si wadajir ah u guddoominayaan madaxweynaha Soomaaliya iyo ra’iisul wasaaraha Britain, David Cameron ayaa waxaa looga hadli doonaan sidii dowladda Soomaaliya looga caawin lahaa dib u dhiska dalka iyo soo celinta ammaanka.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

2013-05-03 2:29 PM EST
Jimco, May 03, 2013 (HOL) — Madaxda dalalka ku bahoobay IGAD ayaa isku raacay in dowladda Soomaaliya ay hormuud u noqoto dadaallada maamul u sameynta gobollada Soomaaliya, iyadoo warkan lagu sheegay war-murtiyeed laga soo saaray shirkii madaxda IGAD uga socday magaalada Addis Ababa ee xarunta dalka Itoobiya.

2013-05-03 1:52 PM EST
Jimco, May 03, 2013 (HOL) — Golaha ammaanka ee Qaramada Midoobay ayaa meel-mariyay qorshe lagu billaabayo howlgal cusub oo Qaramada Midoobay ay ka billaabayso Soomaaliya, kaasoo loogu magac-daray UN-SOM, howlgalkaas oo fududeynaya in Soomaaliya ay nabad buuxda ka dhalato.

2013-05-03 1:31 PM EST
Jimco, May 03, 2013 (HOL) — Maanta oo ku beegan maalinta war-baahinta aduunka, waxaa siweyn looga xusay magaalooyin badan oo dalka ka tirsan, kuwaasoo ay kamid tahay xarunta maamulka Puntland ee Garoowe.

2013-05-03 10:56 AM EST
Jimco, May 03, 2013 (HOL) — Waxaa maanta magaalada Baydhabo ka dhacday xaflad ay ku qalinjabinayeen arday dhameystray waxbarashaeda jaamacadda Koonfurta Soomaaliya ee xarunteedu tahay Baydhabo, iyadoo ay xafladda kasoo qaybgaleen mas’uuliyiin kala duwan.

2013-05-03 10:17 AM EST
Jimco, May 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan Jawaari iyo wafdi uu hoggaaminayo ayaa maanta dib ugu soo laabtay dalka kaddib socdaal shaqo oo uu ku tagay dalka Turkiga, isagoo lasoo kulmay mas’uuliyiinta Turkiga iyo ardayda Soomaaliyeed ee wax ka barta dalkaas.

2013-05-03 7:10 AM EST
Jimco, May 03, 2013 (HOL) — AMISOM ayaa warsaxaafadeed ay soo saartay ku sheegtay inay fashilisay weerarro ay Al-shabaab doonaysay inay ka fuliso magaalada Kismaayo ee xarunta gobolka Jubbada Hoose, halkaasoo sanadkii hore laga qabsaday Al-shabaab iyadoo aysan ka dhicin wax dagaallo ah.

2013-05-03 6:39 AM EST
Jimco, May 03, 2013 (HOL) — Kal-fadhigii 43-aad ee St. Gallen Symposium ayaa si rasmi ah uga furmay magaalada St. Gallen ee dalka Switzerland, waxanaa kulankan kasoo qaybgalay siyaasiin caan ah iyo qubaro magic-weyn ku leh caalamka.

2013-05-03 6:32 AM EST
Jimco, May 03, 2013 (HOL) — Golaha wasiirrada xukuumadda Soomaaliya ayaa ansixiyay qorshe loogu talogalay dib u habeynta maamulka maaliyadda dalka, kaasoo ay soo diyaarisay wasaaradda maaliyadda iyo qorsheynta dowladda Soomaaliya.