2014-07-25
Today from Hiiraan Online:  _
Wararka Maanta- Jimco, May 3 , 2013
Guddoomiyaha Baarlamaanka Soomaaliya oo Muqdisho dib ugu soo laabtay kaddib safar uu ku tagay dalka Turkiga (SAWIRRO)



Jimco, May 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan Jawaari iyo wafdi uu hoggaaminayo ayaa maanta dib ugu soo laabtay dalka kaddib socdaal shaqo oo uu ku tagay dalka Turkiga, isagoo lasoo kulmay mas’uuliyiinta Turkiga iyo ardayda Soomaaliyeed ee wax ka barta dalkaas.

Prof. Jawaari iyo wafdigiisa ayaa waxaa soo dhaweeyay mas’uuliyiin ka tirsan labada gole ee dowladda, kuwaasoo uu hoggaaminayay gudoomiye ku xigeenka koowaad ee baarlamaanka, Jeeylaani Nuur Iikar.

 “Waxaan rabaa inaan ugu horreyn ku billaabo hadalkayga hambalyo aan u dirayo saxafiyiinta Soomaaliyeed oo xaqiiqdii u dhabar-adeygay adeegga ay u hayaan shacabka Soomaaliyeed, waxaana ku boorrinayaa inay xaqiiqada ka hadlan oo ay ilaaliyaan anshaxa saxaafadda. Dhammaan wariyeyasahii lagu dilay dalka ayaan tacsi u dirayaa; waayo qaarkood waxaa la toogtay iyagoo howlahooda shaqo ku jira,” ayuu Prof. Jawaari ku sheegay shirka jaraa’id ee uu qabtay.

Guddoomiyaha baarlamaanka ayaa faah-faahin ka bixiyey safarkii shaqo ee isaga iyo wafdigiisa ay ku tageen dalka Turkiga, wuxuuna sheegay in safarka uu ahaa mid ku yimid casuumaad rasmi oo uu ka helay dhiggiisa Turkiga.

“Waxaan la kulmay intii aan Turkiga ku sugnaa guddoomiyaha baarlamaanka Turkiga, madaxweynaha, ra’iisul wasaare ku xigeenka Turkiga Baker Bozdag iyo mas’uuliyiin ka tirsan dowladdaas, dhammaan waxyaabihii aan kawada hadalnayna waan isku afgaranay,” ayuu yiri guddoomiyaha baarlamaanka.

Ugu dambeyb, guddoomiyaha baarlamaanka ayaa xusay in dhawaan ay si rasmi ah u billaabi doonaan wada-shaqeyn dhexmaraysa labada baarlamaan iyadoo guddiyo kala duwan oo labada dhinac ah ay si rasmi ah ugu shaqeyn doonaan magaalooyinka Muqdisho iyo Ankara.







Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-05-03 2:29 PM EST
Jimco, May 03, 2013 (HOL) — Madaxda dalalka ku bahoobay IGAD ayaa isku raacay in dowladda Soomaaliya ay hormuud u noqoto dadaallada maamul u sameynta gobollada Soomaaliya, iyadoo warkan lagu sheegay war-murtiyeed laga soo saaray shirkii madaxda IGAD uga socday magaalada Addis Ababa ee xarunta dalka Itoobiya.

2013-05-03 1:52 PM EST
Jimco, May 03, 2013 (HOL) — Golaha ammaanka ee Qaramada Midoobay ayaa meel-mariyay qorshe lagu billaabayo howlgal cusub oo Qaramada Midoobay ay ka billaabayso Soomaaliya, kaasoo loogu magac-daray UN-SOM, howlgalkaas oo fududeynaya in Soomaaliya ay nabad buuxda ka dhalato.

2013-05-03 1:31 PM EST
Jimco, May 03, 2013 (HOL) — Maanta oo ku beegan maalinta war-baahinta aduunka, waxaa siweyn looga xusay magaalooyin badan oo dalka ka tirsan, kuwaasoo ay kamid tahay xarunta maamulka Puntland ee Garoowe.

2013-05-03 11:40 AM EST
Jimco, May 03, 2013 (HOL) — Dowladda Puntland ayaa ka hadashay mowqifkeeda ku aaddan shirka London ee toddobaadka soo socda ka furmaya magaalada London ee xarunta dalka Brirtain, kaasoo dhaqaale loogu raadinayo Soomaliya.

2013-05-03 10:56 AM EST
Jimco, May 03, 2013 (HOL) — Waxaa maanta magaalada Baydhabo ka dhacday xaflad ay ku qalinjabinayeen arday dhameystray waxbarashaeda jaamacadda Koonfurta Soomaaliya ee xarunteedu tahay Baydhabo, iyadoo ay xafladda kasoo qaybgaleen mas’uuliyiin kala duwan.

2013-05-03 7:10 AM EST
Jimco, May 03, 2013 (HOL) — AMISOM ayaa warsaxaafadeed ay soo saartay ku sheegtay inay fashilisay weerarro ay Al-shabaab doonaysay inay ka fuliso magaalada Kismaayo ee xarunta gobolka Jubbada Hoose, halkaasoo sanadkii hore laga qabsaday Al-shabaab iyadoo aysan ka dhicin wax dagaallo ah.

2013-05-03 6:39 AM EST
Jimco, May 03, 2013 (HOL) — Kal-fadhigii 43-aad ee St. Gallen Symposium ayaa si rasmi ah uga furmay magaalada St. Gallen ee dalka Switzerland, waxanaa kulankan kasoo qaybgalay siyaasiin caan ah iyo qubaro magic-weyn ku leh caalamka.

2013-05-03 6:32 AM EST
Jimco, May 03, 2013 (HOL) — Golaha wasiirrada xukuumadda Soomaaliya ayaa ansixiyay qorshe loogu talogalay dib u habeynta maamulka maaliyadda dalka, kaasoo ay soo diyaarisay wasaaradda maaliyadda iyo qorsheynta dowladda Soomaaliya.