2014-04-23
Today from Hiiraan Online:  _
Wararka Maanta- Jimco, May 3 , 2013
AMISOM oo sheegtay inay Fashilisay Qorshayaal ay Al-shabaab ku Weerari lahayd Magaalo Xeebeeddda Kismaayo

Jimco, May 03, 2013 (HOL) — AMISOM ayaa warsaxaafadeed ay soo saartay ku sheegtay inay fashilisay weerarro ay Al-shabaab doonaysay inay ka fuliso magaalada Kismaayo ee xarunta gobolka Jubbada Hoose, halkaasoo sanadkii hore laga qabsaday Al-shabaab iyadoo aysan ka dhicin wax dagaallo ah.

Warsaxaafadeedka AMISOM ayaa lagu sheegay in Al-shabaab ay diyaarisay laba qorshe oo ay doonaysay inay ku carqaladeyso Kismaayo, iyaguna ay ka warheleen ayna ka hortageen, iyadoo qorshayaashaas ku sheegtay inuu ka mid ahaa mid miinooyin lagu gelinayay jaamacadda Kismaayo.

Xarunta jaamacadda Kismaayo ayaa ah xarunta ay ku sugan yihiin ergooyinka ka qaybgalay shirka Kismaayo, kuwaasoo doonaya inay maamul u sameeyaan gobollada Jubbooyinka iyo Gedo.

AMISOM ayaa sheegtay in haweeney miineysan oo la qabtay ay ka shaqaale ka ahayd Jaamacada Kismaayo, iyadoo markii la baaray laga helay bam ku xiran jirkeed, kaasoo ay doonaysay inay ku qarxiso gudaha Jaamacadda.

Warsaxaafadeedka ayaa lagu sheegay in qalabkii ay haweeneydu wadatay oo ahaa waxyaalaha qarxa lagu qarxiyay meel bannaan oo ammaan ah, iyaduna ay gacanta ugu jirto ciidamada dowlada Kismaayo.

Sidoo kale, warsaxaafadeedka ayay AMISOM ku sheegtay in la fashiliyay weerar hoobiyeyaal ah oo la doonayay in in lagu qaado garoonka Kismaayo, iyadoo AMISOM ay sheegtay inay ka hortageen markii laga warhelay.

Taliyaha ciidamada AMISOM, Jen. Andrew Gutti ayaa waxaa hambalyo u diray ciidamada AMISOM ee ku sugan magaalada Kismaayo iyo kuwa dowladda Kismaayo.

Xarakada Al-shabaab ayaa shalay oo Khamiis ahayd sheegtay inay duqeymo hoobiyeyaal ah ku qaaday garoonka diyaaradaha ee Kismaayo, halkasoo ay kasoo dagayeen diyaarado siday wufuud ka qaybgalaya shirka Kimaayo.

Ciidamo dalka Kenya ka socda oo qayb ka ah AMISOM ayaa waxay gacanta ku hayaan magaalada Kismaayo, waxaana sidoo kale magaaladaas ku sugan ciidammo ka amar-qaata maamulka Raaskambooni iyo dowadda Soomaaliya, kuwaasoo kala shaqeynaya ciidamada Midowaga Afrika sugidda ammaanka Kismaayo.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-05-03 2:29 PM EST
Jimco, May 03, 2013 (HOL) — Madaxda dalalka ku bahoobay IGAD ayaa isku raacay in dowladda Soomaaliya ay hormuud u noqoto dadaallada maamul u sameynta gobollada Soomaaliya, iyadoo warkan lagu sheegay war-murtiyeed laga soo saaray shirkii madaxda IGAD uga socday magaalada Addis Ababa ee xarunta dalka Itoobiya.

2013-05-03 1:52 PM EST
Jimco, May 03, 2013 (HOL) — Golaha ammaanka ee Qaramada Midoobay ayaa meel-mariyay qorshe lagu billaabayo howlgal cusub oo Qaramada Midoobay ay ka billaabayso Soomaaliya, kaasoo loogu magac-daray UN-SOM, howlgalkaas oo fududeynaya in Soomaaliya ay nabad buuxda ka dhalato.

2013-05-03 1:31 PM EST
Jimco, May 03, 2013 (HOL) — Maanta oo ku beegan maalinta war-baahinta aduunka, waxaa siweyn looga xusay magaalooyin badan oo dalka ka tirsan, kuwaasoo ay kamid tahay xarunta maamulka Puntland ee Garoowe.

2013-05-03 11:40 AM EST
Jimco, May 03, 2013 (HOL) — Dowladda Puntland ayaa ka hadashay mowqifkeeda ku aaddan shirka London ee toddobaadka soo socda ka furmaya magaalada London ee xarunta dalka Brirtain, kaasoo dhaqaale loogu raadinayo Soomaliya.

2013-05-03 10:56 AM EST
Jimco, May 03, 2013 (HOL) — Waxaa maanta magaalada Baydhabo ka dhacday xaflad ay ku qalinjabinayeen arday dhameystray waxbarashaeda jaamacadda Koonfurta Soomaaliya ee xarunteedu tahay Baydhabo, iyadoo ay xafladda kasoo qaybgaleen mas’uuliyiin kala duwan.

2013-05-03 10:17 AM EST
Jimco, May 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan Jawaari iyo wafdi uu hoggaaminayo ayaa maanta dib ugu soo laabtay dalka kaddib socdaal shaqo oo uu ku tagay dalka Turkiga, isagoo lasoo kulmay mas’uuliyiinta Turkiga iyo ardayda Soomaaliyeed ee wax ka barta dalkaas.

2013-05-03 6:39 AM EST
Jimco, May 03, 2013 (HOL) — Kal-fadhigii 43-aad ee St. Gallen Symposium ayaa si rasmi ah uga furmay magaalada St. Gallen ee dalka Switzerland, waxanaa kulankan kasoo qaybgalay siyaasiin caan ah iyo qubaro magic-weyn ku leh caalamka.

2013-05-03 6:32 AM EST
Jimco, May 03, 2013 (HOL) — Golaha wasiirrada xukuumadda Soomaaliya ayaa ansixiyay qorshe loogu talogalay dib u habeynta maamulka maaliyadda dalka, kaasoo ay soo diyaarisay wasaaradda maaliyadda iyo qorsheynta dowladda Soomaaliya.