3/28/2024
Today from Hiiraan Online:  _
Wararka Maanta- Jimco, May 3 , 2013
Golaha Wasiirrada Xukuumadda Soomaaliya oo Ansixiyay Qorshe Dib loogu habeynayo Maamulka Maaliyadda Dalka


Jimco, May 03, 2013 (HOL) — Golaha wasiirrada xukuumadda Soomaaliya ayaa ansixiyay qorshe loogu talogalay dib u habeynta maamulka maaliyadda dalka, kaasoo ay soo diyaarisay wasaaradda maaliyadda iyo qorsheynta dowladda Soomaaliya.

Wasiirradii kulanka ka qaybgalay ayaa si buuxda isugu raacay barnaamijka dib-u-habaynta maamulka maaliyadda ee loo yaqaan (Public Financial Management – PFM), iyadoo qorshahan loogu talogalay in lagu nidaamiyo laguna xakamaynayo maamulka dhaqaale ee dalka muddada afarta sano ah ee soo socots. Waxaana fulintiisa waxaa ku baxaysa 26 milyan oo doollar.

Qorshahan ayaa lagu hormarinayaa: miisaaniyadda qaranka taas oo ay ku lamaansan yihiin aruurinta dakhliga, horumirinta xafiiska xisaabiyaha guud, hanti-dhowrka guud iyo horumarinta wada-shaqyanta baarlaamaanka iyo hay’adaha maaliyadda.

Wasaaradda maaliyadda ayaa qorshahaan ku tilmaantay barnaamij hufan oo si cad la iskula xisaabtami doono, iyadoo laga hortagayo maamul-xumada iyo musuq-maasuqa isla markaana sare loogu qaado dakhliga soo gala dawladda.

“Qorshahan cusub waa mid aanu kusoo noolaynayno maamulka maaliyadda ee aas-aaska u ah dhaqaaleheena iyo dowladnimadeena, waana barnaamij waqtiga la socda oo lagu tayeynayo laamaha maamulka dhaqaalaha dalka," ayuu yiri ra'iisul wasaare Saacid.

Ugu dambayntii, barnaamirkaan dib-u-habaynta dhaqaaluhu wuxuu saldhig u yahay qorshaha lixda qodob ee tiirarka siyaadda dowladda ay u dajisay in ay ku shaqeyso inta ay xafiiska joogto, kaaso uu ku dhawaaqay sannadkii hore madaxweynaha Soomaaliya, Xassan Sheekh Maxamuud.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/3/2013 2:29 PM EST
Jimco, May 03, 2013 (HOL) — Madaxda dalalka ku bahoobay IGAD ayaa isku raacay in dowladda Soomaaliya ay hormuud u noqoto dadaallada maamul u sameynta gobollada Soomaaliya, iyadoo warkan lagu sheegay war-murtiyeed laga soo saaray shirkii madaxda IGAD uga socday magaalada Addis Ababa ee xarunta dalka Itoobiya.

5/3/2013 1:52 PM EST
Jimco, May 03, 2013 (HOL) — Golaha ammaanka ee Qaramada Midoobay ayaa meel-mariyay qorshe lagu billaabayo howlgal cusub oo Qaramada Midoobay ay ka billaabayso Soomaaliya, kaasoo loogu magac-daray UN-SOM, howlgalkaas oo fududeynaya in Soomaaliya ay nabad buuxda ka dhalato.

5/3/2013 1:31 PM EST
Jimco, May 03, 2013 (HOL) — Maanta oo ku beegan maalinta war-baahinta aduunka, waxaa siweyn looga xusay magaalooyin badan oo dalka ka tirsan, kuwaasoo ay kamid tahay xarunta maamulka Puntland ee Garoowe.

5/3/2013 11:40 AM EST
Jimco, May 03, 2013 (HOL) — Dowladda Puntland ayaa ka hadashay mowqifkeeda ku aaddan shirka London ee toddobaadka soo socda ka furmaya magaalada London ee xarunta dalka Brirtain, kaasoo dhaqaale loogu raadinayo Soomaliya.

5/3/2013 10:56 AM EST
Jimco, May 03, 2013 (HOL) — Waxaa maanta magaalada Baydhabo ka dhacday xaflad ay ku qalinjabinayeen arday dhameystray waxbarashaeda jaamacadda Koonfurta Soomaaliya ee xarunteedu tahay Baydhabo, iyadoo ay xafladda kasoo qaybgaleen mas’uuliyiin kala duwan.

5/3/2013 10:17 AM EST
Jimco, May 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan Jawaari iyo wafdi uu hoggaaminayo ayaa maanta dib ugu soo laabtay dalka kaddib socdaal shaqo oo uu ku tagay dalka Turkiga, isagoo lasoo kulmay mas’uuliyiinta Turkiga iyo ardayda Soomaaliyeed ee wax ka barta dalkaas.

5/3/2013 7:10 AM EST
Jimco, May 03, 2013 (HOL) — AMISOM ayaa warsaxaafadeed ay soo saartay ku sheegtay inay fashilisay weerarro ay Al-shabaab doonaysay inay ka fuliso magaalada Kismaayo ee xarunta gobolka Jubbada Hoose, halkaasoo sanadkii hore laga qabsaday Al-shabaab iyadoo aysan ka dhicin wax dagaallo ah.

5/3/2013 6:39 AM EST
Jimco, May 03, 2013 (HOL) — Kal-fadhigii 43-aad ee St. Gallen Symposium ayaa si rasmi ah uga furmay magaalada St. Gallen ee dalka Switzerland, waxanaa kulankan kasoo qaybgalay siyaasiin caan ah iyo qubaro magic-weyn ku leh caalamka.