2014-07-29
Today from Hiiraan Online:  _
Wararka Maanta- Khamiis, May 2 , 2013
Waddooyinka Muhiimka ah ee Magaalada Muqdisho oo Maalintii Saddexaad Xiran iyo Al-shabaab oo ka Hadashay Xirnaashahaas



Wadada Maka Mukarama, Moqdisho


Khamiis, May 02, 2013 (HOL) — Waddooyinka muhiimka ah ee Muqdisho ayaa maalintii saddexaad xiran; iyadoo Al-shabaab ay xirnaashahaas ku tilmaantay mid lagu curyaaminayo shacabka ku nool caasimadda Somalia ee Muqdisho.

Ciidamada dowladda iyo kuwa AMISOM ayaa ku sugan jidadka waaweyn ee Muqdisho, iyadoo celinaya gaadiidka, balse dadka ayaa waxay jidadkaas u marayaan si teel-teel ah, iyadoo aan la ogeyn sababta ay waddooyinku weli u xiran yihiin.

“Waddooyinka Muqdisho ee la xiray waa kuwo dadka shacabka ah lagu curyaaminayo, waxayna ku andacoonayaan in Al-shabaab ay soo qaadi doonto weerarro ay ugu aargudayaan Macallin Aadan Xaashi Cayroow, taasna waa been aanay waxba ka jirin, waayo Islaamku maalin gaar ah oo uu aargudasho u calaameeyay ma jirto,” ayuu yiri afhayeenka howgallada ee Al-shabaab, Sheekh C/casiis Abuu-Muscab.

Mas’uuliyiinta dowladda ayaa sheegay in dorraad markii ay howgallada lagu xiray waddooyinka billowdeen inay heleen farriimo ku saabsan in Al-shabaab ay doonayso niay falal argagaxiso ka geysato caasimadda Soomaaliyeed ee Muqdisho, taasna ay tahay sababta keentay in la xiro waddooyinka.

Xirnaashaha jidadka ayaa waxay saaameyn xooggan ku yeesheen ganacsiga iyo waxbarashada, iyadoo goobaha qaarkood ay u muuqdaan kuwo muddo dheer laga guuray ganacsiguna uu xiran yahay maalintii labaad.

“Cid kusoo galaysa ma jirto, sidaa daraadeed go’aansanay inaan maqaahida iska xirno, waayo xirtaa alaabaha aad dibadda ka keensanayno kuuma soo geli karaan halkan,” ayuu yiri Faarax Muuse oo ka mid ah ganacsatada ku leh goobaha laga cunteeyo jidka weyn ee Maka Al-Mukarama.

Inkastoo aan la ogeyn howlagalladan inta casho ee ay socon doonaan ayaa haddana wararka la helayo waxay sheegayaan inay socon doonaan dhowr maalmood ee soo socda.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-05-02 7:58 PM EST
Sharaf weyn bey ii tahay inaan mar-kale idin hor-imaado si aan warbixin kooban idinkaga siiyo xaaladda guud ee dalka, horumarka siyaasadda, Aragtida fog ee aan wada hiigsaneyno iyo inaan idin la wadaago warbixinta shirka London ee 7da May.

2013-05-02 8:27 AM EST
Khamiis, May 02, 2013 (HOL) — Golaha wasiirrada xukuumadda Soomaaliya oo maanta shir ku yeeshay Muqdisho ayaa meel-mariyay magacaabidda taliyeyaasha cusub ee hay’adda nabadsugidda Qaranka Soomaaliya iyo ciidanka booliiska Soomaaliya.

2013-05-02 8:13 AM EST
Khamiis, May 02, 2013 (HOL) — Madaxweynaha Somaaliya, Xasan Sheekh Maxamuud oo khudbad uu ka jeediyay kulan gaar ah oo uu baarlamaanka Soomaaliya maanta oo Khamiis ah; wuxuu kaga hadlay arrimo badan oo ay ka mid yihiin, ammaanka iyo waddooyinka xiran, shirka maamul u sameynta Jubbooyinka iyo shirka London ee toddobaadka dambe furmaya.

2013-05-02 7:32 AM EST
Khamiis, May 02, 2013 (HOL) — Maamulka Puntland ayaa sheegay inay 18-qof oo Al-shabaab ka tirsan ay gacanta ku hayaan, kuwaasoo horay loogu riday xukun maxkamadeed, balse rafcaan ka qaatay, mar labaadna ay qaar ka mid ah maxkamaddu ku ridday xukun.

2013-05-02 2:08 AM EST
Khamiis, May 02, 2013 (HOL) — Baarlamaanka Soomaaliya ayaa lagu wadaa in maanta oo Khamiis ah uu yeesho kulan ay warbixinno uga dhageysan doonaan madaxweynaha dowladda federaalka Soomaaliya Xasan Sheekh Maxamuud.

2013-05-02 1:56 AM EST
Khamiis, May 02, 2013 (HOL) — Wasaaradda arrimaha gudaha dowladda Soomaaliya ayaa xil ka qaadis ku sameysay guddoomiyihii degmada Dayniile ee gobolka Banaadir, Daahir Xasan Xuseen, iyadoo xilkaas u magacowday gudodomiye cusub.