2014-04-20
Today from Hiiraan Online:  _
Wararka Maanta- Isniin, May 13, 2013
Xukuumadda Somalia oo Markii ugu Horreysay Muddo 20-sano Maanta lagu Wareejiyay Maamulka Hawada Somalia


Isniin, May 13, 2013 (HOL) — Xukuumadda Soomaaliya ayaa maanta si rasmi ah loogu wareejiyay maamulka hawada Soomaaliya iyo qaadista canshuuraha diyaaradaha maraya hawada Soomaaliya, kaddib 22-sano oo xafiiskan ay maamulaysay Qaramada Midoobay.

Wasiirka warfaafinta, isgaarsiinta iyo gaadiidka Soomaaliya, Cabduulaahi Ciilmooge Xirsi ayaa warbaahinta ugu sheegay gudaha garoonka diyaaradaha ee Muqdisho inuu socdo kulankii ay Soomaaliya kula wareegaysay howshan.

“Maamulka hawada Soomaalida iyo canshuuraha diyaaradaha ku safara hawada Soomaaliya waxaa muddo 20-sano ka hor lagu wareejiyay hay’ad ay maamusho Qaramada Midoobay oo saldhiggeedu ahaa Nairobi, maatana waxaa lagu soo wareejiyay dowladda Soomaaliya,” ayuu yiri wasiirka oo sheegay inuu socdo shir looga hadlayo arrintaas.

Ciilmooge wuxuu hadalkiisa ku daray in tani ay qayb ka tahay dadaallada ay ku doonayso xukuumadda Soomaaliya inay dib u soo celiso hantida Somalia  iyo xiriirrada kala dhexeeya caalamka. Isagoo sheegay in heshiisyada la kala saxiixday ay qeexayaan in muddo toddoba bilood ah ay howshan billaabato, sidoo kalena la soo wareejiyo qalabkii howsha lagu wadi lahaa.

Inkastoo weli uu shirku socdo ayuu wasiirku sheegay in tallaabadan ay tahay mid ay hirgelinteeda muddo dheer ku howlanayd  wasaaraddiisa, maatanta ay noqotay markii ugu horreysay oo Soomaaliya ay si rasmi ah ula wareegto howshan.

Dowladda Mareykanka ayaa sannadkan horraantiisa aqoonsatay dowladda Soomaaliya oo ah dowladdii ugu horreysay oo Soomaaliya ay yeelato muddo 22-sano ah kaddib, waxaana dowladdu ay ku guuleysatay inay xoojiso xiriirka ay Soomaaliya ay caalamku leeyihiin.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-05-13 2:52 PM EST
Isniin, May 13, 2013 (HOL) — Wasiirka wasaaradda Warfaafinta Somaliland Abiib Diiriye Nuur (Timo cad) ayaa gudoomiyaha xisbiga UCID Faysal Cali Waraabe ku eedeeyey inuu kulan hoose oo aanu awood u lahayn magaaladda Birmingham kula yeeshay madaxweynaha Soomaaliya Xasan Sh. Maxamuud.

2013-05-13 10:37 AM EST
Isniin, May 13, 2013 (HOL) — Dawladda hoose ee magaaladda Hargeysa, ayaa maanta bilowday dib u casriyeynta waddadda hal bawlaha ah ee badhtamaha magaaladda Hargeysa.

2013-05-13 10:36 AM EST
Isniin, May 13, 2013 (HOL) — Magaalada Baladweyne ee xarunta gobollka Hiiraan todobaadydii aynu soo dhaafnay waxaa ka soconayay howlgal adag oo ay si wada jir ah u fullinayeen ciidamo si gaar ah arintaa loogu tababaray iyo kuwa midowgga Africa AMISOM oo guri-guri u baarayay inta badan xaafaddaha magaalada.

2013-05-13 10:34 AM EST
Isniin, May 13, 2013 (HOL) — Hal qof ayaa ku geeriyooday, midkana wuu ku dhaawacmay mudaharaad rabshado wata oo maanta ka dhacay magaaladda Burco ee gobolka Togdheer.

2013-05-13 6:52 AM EST
Isniin, May 13, 2013 (HOL) — Degmada Howlwadaag ee gobolka Banaadir ayaa waxaa maanta lagu qabtay kulan ay soo qabanqaabisay Hay'adda CCD, kulankaas oo ku saabsanaa sidii dhallinyarada gobolka Banaadir ay uga qayb-qaadan lahaayeen ammaanka iyo xasilinta dalka.

2013-05-13 6:40 AM EST
Isniin, May 13, 2013 (HOL) — Wasiirka Madaxtooyadda Somaliland Xirsi Cali Xaaji Xasan ayaa xadhiga ka jaray dhisme laami ah oo saddex killomitar ah oo u dhexeeya Dilla iyo Boorame, waxana dhagax dhigay shan killo mitir oo ka hadhsan dhamaystirka jidkaasi oo xukuumaddu maalgalisay.

2013-05-13 6:36 AM EST
Isniin, May 13, 2013 (HOL) — Magaalada Baydhabo ee xarunta Gobolka Bay ayaa lagu qabtay kulan looga hadlayay amamanka Gobalka Bay, kaasoo ay ka qaybgaleen dhammaan nabaddoonada beelaha Digil iyo Mirifle iyo maamulka deegmada Baydhabo.