2014-10-25
Today from Hiiraan Online:  _
Wararka Maanta- Axad, May 12, 2013
Diyaaradda Air Uganda oo Qorsheynaysa in ay Duullimaadyo Caalami ah ku Timaaddo Garoonka Diyaaradaha Muqdisho



Axad, May 12, 2013 (HOL) — Shirkadda diyaaradaha Air Uganda ayaa lagu wadaa inay diyaaradaheedu ku yimaadaan Muqdisho duulimaadyo caalami, iyadoo noqonaysa diyaaraddii labaad oo caalami ah oo magaalada Muqdisho ku timaadda duulimaadyo caalami ah, marka laga reebo Turkish Airlines.

Duulimaadkaan rasmiga ah ee Air Uganda ayaa lagu wadaa inay billowdaan bisha July ee sannadkan, iyadoo la ogyahay in ciidammo ka tirsan Uganda ay ku sugan yihiin Soomaaliya, kuwaasoo qayb ka ah howlgalka Midowga Afrika ee AMISOM.

“Waxaa nagala shaqeeyay Qaramada Midoobay, xukuumadda Somalia sidii loo xaqiijin lahaa inay jirto nabadgalyo lagu sameyn karo duulimaadyo. Runtii mar hore ayaan tijaabo ku sameynay duulimaadyada Muqdisho, mana jiraan wax khatar ah,” ayuu yiri madaxa shirkadda diyaaradaha Air Uganda, Cornwell Muleya.

Muleya ayaa sheegay in Axadda maanta ah lagu wado inay diyaaraddii saddexaad oo tijaabo ah ay ka duusho garoonk diyaaradaha ee Entebbe ee dalka Uganda taasoo wadda shixnado xamuul ah.

Sannadkii lasoo dhaafay ayaya diyaaradda Turkish Airlines waxay Muqdisho ka billowday duulimaadyo caalami ah, iyadoo noqotay diyaaraddii ugu horreysay oo muddo 20-sano kaddib ah duulimaadyo caalami ah ku timaadda magaalada Muqdisho ee xarunta Soomaaliya.

“Duulimaadyada si xowli ah ay sare ugu kaceen 6%, balse hoos u dhac ayaa laga dareemayaa meelaha gobollada Qaaradda qaarkood, balse waxaan arkaynaa in labadii xilli ee ugu dambeeyay uu Afrika ka jiro sare u kac dhinaca duulimaadyada ah,” ayuu yiri Muleya.

Labadii sano ee lasoo dhaafay waxaa sare u socday kororka diyaaradaha ka soo dagaya garoonka diyaaradaha ee Muqdisho, iyadoo ay imaanayaan dad badan oo ganacsato ah iyo qurbo-joog dib ugu soo laabanayo dalkooda, taas oo ah midda ay beegsanayaan diyaaradaha caalamiga ah ee dalka imaanaya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-05-12 8:49 AM EST
Shirka Soomaaliya wuxuu ka dhacay Lancaster House 7 Maajo 2013, waxaa si wadajir ah u martigeliyay Boqortooyada Ingiriiska iyo Soomaaliya, waxaana ka soo qayb-galay konton-iyo-afar saaxiibada iyo shariikyada Soomaaliya ah.

2013-05-12 8:08 AM EST
Axad, May 12, 2013 (HOL) — Sarkaal booliis ah ayaa lagu dilay degmada Mandheera ee gobolka Waqooyi-bari ee dalka Kenya, mid kalena dhaawac ayaa loo geystay; kaddib markii ruux hubeysan uu weerar ku qaaday saldhigga degmadaas oo ku dhow soohdinta ay wadaagaan Soomaaliya iyo Kenya.

2013-05-12 7:45 AM EST
Axad, May 12, 2013 (HOL) — Gaadiidleyda ka shaqeysa deegaannada gobolka Shabeellada Hoose oo maalmahan ka cabanayay isbaarooyin lacago looga qado oo ay sheegeen inay u yaallaan ciidamada dowladda Soomaaliya ayaa maanta xiray jidadka soo gala magaaladaas, taasoo keentay inay kulan la yeesheen ciidamada AMISOM ee ku sugan degmada Afgooye.

2013-05-12 7:24 AM EST
Axad, May 12, 2013 (HOL) — Ciidammo booliis ah oo fara badan ayaa lasoo dhigay waddooyinka waaweyn ee magaalada Muqdisho sida isgoyska KM-4 kuwaasoo kala hagayay gaadiidka, waxaana la sheegay in ciidamadan ay ka mid yihiin ciidammo ay dowladdu u diyaarisay inay sugto ammaanka guud ee caasimadda Soomaaliya.

2013-05-12 6:20 AM EST
Axad, May 12, 2013 (HOL) - Maalin kaddib markii uu xilka la wareegay taliyaha cusub ee booliiska Soonaaliya, Jen. C/karii Daahir Siciid (Saacid) ayuu ballanqaaday inuu adkayn doono amniga dalka, gaar ahaa caasimadda iyo gobollada kale ee ay dowladdu gacanta ku hayso.

2013-05-12 2:17 AM EST
Axad, May 12, 2013 (HOL) — Dowladda Suudaan ayaa Soomaaliya ugu deeqday hal milyan oo Euro si ay qayb uga noqoto barnaamijka lagu horumarinayo Soomaaliya oo dhawaan shirkiisa lagu qabtay magaalada London ee dalka Britain.

2013-05-12 2:16 AM EST
Axad, May 12, 2013 (HOL) — Aqoon is-weydaarsi la xiriira xalinta khilaafaadka iyo kobcinta nabada oo ay ka qayb-qaadanayaan qaar ka mid ah culummada diinta iyo madaxda dhaqanka ayaa lagu qabtay Magaaladda Laascaanood xarunta gobolka Sool.