2014-04-18
Today from Hiiraan Online:  _
Wararka Maanta- Axad, May 12, 2013
Gaadiidleyda ka Shaqeysa Gobolka Shabeellada Hoose oo Waddooyin Xiray iyo Ciidamada AMISOM oo kulan la Qaadatay

Axad, May 12, 2013 (HOL) — Gaadiidleyda ka shaqeysa deegaannada gobolka Shabeellada Hoose oo maalmahan ka cabanayay isbaarooyin lacago looga qado oo ay sheegeen inay u yaallaan ciidamada dowladda Soomaaliya ayaa maanta xiray jidadka soo gala magaaladaas, taasoo keentay inay kulan la yeesheen ciidamada AMISOM ee ku sugan degmada Afgooye.

Madaxa gaadiidleyda gobolka Shabeellada Hoose ee shaqo-joojinta sameeyay, Maxamed Cabdi oo BBC-da u warramayay ayaa sheegay inay la kulmeen ciidamada AMISOM oo ka dalbaday inay jidadka furaan, waxna laga qaban doono cabashadooda.

“Ciidamada AMISOM si wanaagsan ayay noola hadleen, waxayna naga dalbadeen inaan waddooyin furno waxyaabaha ay ka cabanayaanna si dhaqso ah wax looga qaban doono,” ayuu yiri maxamed Cabdi oo sheegay in maamulka gobolka iyo kan degmada aysan lasoo xiriirin intii ay ku jireen howl-joojinta iyo jidad xiridda.

Sidoo kale, Cabdi wuxuu sheegay in dhibaatooyinka ay ka cabanayaan ay ka mid yihiin in ciidamada dowladda ay lacago badan ka qaadan, ayna ugu cago-jugleeyaan darawallada inay kufsan doonaan gabdhaha gaadiidka saran haddii lacagta loo badin waayo.

“Lacagta nagala waado iyo hanjabaadda la socota waxay ka dhacaan gabi ahaan jidadka ku yaalla gobolka Shabeellada Hoose, waxaana sameeya ciidamada dowladda Soomaaliya,” ayuu yiri Maxamed Cabdi oo sheegay inay isla maanta furayaan waddooyinka, berrina ay howlahoodii caadiga ahaa billaabi doonaan.

Mar la weydiiyay ciidamada falalkaas ku kacaya ayuu sheegay inay yihiin kuwa milateriga, isagoo sheegay in lacag ka badan hal milyan oo shillinka Soomaaliga ah looga qaado waddooyinka gobolka Shabeellada Hoose.

Dhanka kale, taliye ku xigeen ciidanka booliiska degmada Afgooye, C/qaadir Cusmaan Axmed oo wax laga weydiiyay arrintan ayaa sheegay inay wax ka jiraan ayna maamul ahaan wax ka qabanayaan, balse wuxuu sheegay inay wax lala yaabo tahay in la xiro waddooyin.

Tan iyo markii ciidamada dowladda Soomaaliya iyo kuwa AMISOM ay kala wareegeen Al-shabaab inta badan gobolka Shabeellada Hoose sannadkii hore ayaa waxaa soo kordhayay cabashooyinka kasoo yeeraya shacabka ku nool gobolkaas iyo gaadiidleyda ka shaqeysa.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-05-12 8:49 AM EST
Shirka Soomaaliya wuxuu ka dhacay Lancaster House 7 Maajo 2013, waxaa si wadajir ah u martigeliyay Boqortooyada Ingiriiska iyo Soomaaliya, waxaana ka soo qayb-galay konton-iyo-afar saaxiibada iyo shariikyada Soomaaliya ah.

2013-05-12 8:35 AM EST
Axad, May 12, 2013 (HOL) — Shirkadda diyaaradaha Air Uganda ayaa lagu wadaa inay diyaaradaheedu ku yimaadaan Muqdisho duulimaadyo caalami, iyadoo noqonaysa diyaaraddii labaad oo caalami ah oo magaalada Muqdisho ku timaadda duulimaadyo caalami ah, marka laga reebo Turkish Airlines.

2013-05-12 8:08 AM EST
Axad, May 12, 2013 (HOL) — Sarkaal booliis ah ayaa lagu dilay degmada Mandheera ee gobolka Waqooyi-bari ee dalka Kenya, mid kalena dhaawac ayaa loo geystay; kaddib markii ruux hubeysan uu weerar ku qaaday saldhigga degmadaas oo ku dhow soohdinta ay wadaagaan Soomaaliya iyo Kenya.

2013-05-12 7:24 AM EST
Axad, May 12, 2013 (HOL) — Ciidammo booliis ah oo fara badan ayaa lasoo dhigay waddooyinka waaweyn ee magaalada Muqdisho sida isgoyska KM-4 kuwaasoo kala hagayay gaadiidka, waxaana la sheegay in ciidamadan ay ka mid yihiin ciidammo ay dowladdu u diyaarisay inay sugto ammaanka guud ee caasimadda Soomaaliya.

2013-05-12 6:20 AM EST
Axad, May 12, 2013 (HOL) - Maalin kaddib markii uu xilka la wareegay taliyaha cusub ee booliiska Soonaaliya, Jen. C/karii Daahir Siciid (Saacid) ayuu ballanqaaday inuu adkayn doono amniga dalka, gaar ahaa caasimadda iyo gobollada kale ee ay dowladdu gacanta ku hayso.

2013-05-12 2:17 AM EST
Axad, May 12, 2013 (HOL) — Dowladda Suudaan ayaa Soomaaliya ugu deeqday hal milyan oo Euro si ay qayb uga noqoto barnaamijka lagu horumarinayo Soomaaliya oo dhawaan shirkiisa lagu qabtay magaalada London ee dalka Britain.

2013-05-12 2:16 AM EST
Axad, May 12, 2013 (HOL) — Aqoon is-weydaarsi la xiriira xalinta khilaafaadka iyo kobcinta nabada oo ay ka qayb-qaadanayaan qaar ka mid ah culummada diinta iyo madaxda dhaqanka ayaa lagu qabtay Magaaladda Laascaanood xarunta gobolka Sool.