2014-09-02
Today from Hiiraan Online:  _
Wararka Maanta- Axad, May 12, 2013
Ciidammo Booliis ah oo Cusub oo lasoo dhoobay Waddooyinka waaweyn ee Magaalada Muqdisho oo Horay u Xirnaa


Axad, May 12, 2013 (HOL) — Ciidammo booliis ah oo fara badan ayaa lasoo dhigay waddooyinka waaweyn ee magaalada Muqdisho sida isgoyska KM-4 kuwaasoo kala hagayay gaadiidka, waxaana la sheegay in ciidamadan ay ka mid yihiin ciidammo ay dowladdu u diyaarisay inay sugto ammaanka guud ee caasimadda Soomaaliya.

Askartan oo isugu jiray rag iyo dumar ayaa waxay xirnaayeen dhar cusub oo aan horay loogu arag booliiska Soomaaliya, iyagoo jidadkii horay u xirnaa u diidayay inay maraan gaadiidka yaryar qaarkood, kuwo kalena sii daynayay.

 “Tani waa qayb ka mid ah qorshaha dowladdu ay ku sugayso ammaanka guud ee caasimadda,” ayuu yiri sarkaal hoggaaminayay ciidamadan oo la hadaly warbaahinta Muqdisho qaarkeed.

Sarkaalkan wuxuu sheegay in gaadiidka ay u ogol yihiin inay waddooyinkaas maraan ay yihiin oo keliya kuwa ay wataan shaqaalaha dowladda Somalia oo weliba la hubiyay kaararkooda shaqada, isagoo xusay in gaadiidka kale aan loo ogoleyn inay jidadkaas maraan.

Gaadiid ay wateen ciidamada AMISOM oo ka yimid garoonka diyaaradaha ee Muqdisho ayaa laga celiyay inay maraan isgoyska KM-4, kuwaasoo maray jid ay maraan gaadiidka dadweynaha, waxaana arrintaas aad u hadal-hayay qaar ka mid ah shacabka Muqdisho.

Waddooyinka waaweyn ee Muqdisho ayaa waxay xirnaayeen tan iyo Axaddii lasoo dhaafay markaasoo uu Muqdisho ka dhacay qarax is-miidaamin ah oo lagu weeraray gaadiid ay la socdeen samafalayaal u dhashay dalka Qatar, inkastoo wararka qaarkood ay sheegayaan in weerarkaas lagu dilay madaxii sirdoonka dalka Qatar oo wafdigan la socday.

Tallaabadan ayaa waxay imaanaysaa iyadoo taliyaha cusub ee ciidamada booliiska Soomaaliya, Jen. C/kariin Saacid uu xilkiisa la wareegay shalay oo Sabti ahayd, isagoo ballanqaaday inuu ka shaqeyn doono sugidda amniga magaalada Muqdisho.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-05-12 8:49 AM EST
Shirka Soomaaliya wuxuu ka dhacay Lancaster House 7 Maajo 2013, waxaa si wadajir ah u martigeliyay Boqortooyada Ingiriiska iyo Soomaaliya, waxaana ka soo qayb-galay konton-iyo-afar saaxiibada iyo shariikyada Soomaaliya ah.

2013-05-12 8:35 AM EST
Axad, May 12, 2013 (HOL) — Shirkadda diyaaradaha Air Uganda ayaa lagu wadaa inay diyaaradaheedu ku yimaadaan Muqdisho duulimaadyo caalami, iyadoo noqonaysa diyaaraddii labaad oo caalami ah oo magaalada Muqdisho ku timaadda duulimaadyo caalami ah, marka laga reebo Turkish Airlines.

2013-05-12 8:08 AM EST
Axad, May 12, 2013 (HOL) — Sarkaal booliis ah ayaa lagu dilay degmada Mandheera ee gobolka Waqooyi-bari ee dalka Kenya, mid kalena dhaawac ayaa loo geystay; kaddib markii ruux hubeysan uu weerar ku qaaday saldhigga degmadaas oo ku dhow soohdinta ay wadaagaan Soomaaliya iyo Kenya.

2013-05-12 7:45 AM EST
Axad, May 12, 2013 (HOL) — Gaadiidleyda ka shaqeysa deegaannada gobolka Shabeellada Hoose oo maalmahan ka cabanayay isbaarooyin lacago looga qado oo ay sheegeen inay u yaallaan ciidamada dowladda Soomaaliya ayaa maanta xiray jidadka soo gala magaaladaas, taasoo keentay inay kulan la yeesheen ciidamada AMISOM ee ku sugan degmada Afgooye.

2013-05-12 6:20 AM EST
Axad, May 12, 2013 (HOL) - Maalin kaddib markii uu xilka la wareegay taliyaha cusub ee booliiska Soonaaliya, Jen. C/karii Daahir Siciid (Saacid) ayuu ballanqaaday inuu adkayn doono amniga dalka, gaar ahaa caasimadda iyo gobollada kale ee ay dowladdu gacanta ku hayso.

2013-05-12 2:17 AM EST
Axad, May 12, 2013 (HOL) — Dowladda Suudaan ayaa Soomaaliya ugu deeqday hal milyan oo Euro si ay qayb uga noqoto barnaamijka lagu horumarinayo Soomaaliya oo dhawaan shirkiisa lagu qabtay magaalada London ee dalka Britain.

2013-05-12 2:16 AM EST
Axad, May 12, 2013 (HOL) — Aqoon is-weydaarsi la xiriira xalinta khilaafaadka iyo kobcinta nabada oo ay ka qayb-qaadanayaan qaar ka mid ah culummada diinta iyo madaxda dhaqanka ayaa lagu qabtay Magaaladda Laascaanood xarunta gobolka Sool.