2014-11-23
Today from Hiiraan Online:  _
Wararka Maanta- Axad, May 12, 2013
Dowladda Suudaan oo Hal Milyan oo EURO ugu Deeqday Soomaaliya Taasoo Qayb ka ah Yabooha Beesha Caalamka



Axad, May 12, 2013 (HOL) — Dowladda Suudaan ayaa Soomaaliya ugu deeqday hal milyan oo Euro si ay qayb uga noqoto barnaamijka lagu horumarinayo Soomaaliya oo dhawaan shirkiisa lagu qabtay magaalada London ee dalka Britain.

Wasiirka arrimaha dibadda ee Suudaan, Cali Karti ayaa ku dhawaaqay in Suudaan ay ku deeqayso hal milyan oo lacagt Yurub ah ee Euro si loogu xoojiyo barnaamijka horumarineed ee caalamku ka fulinayo Soomaaliya.

Suudaan ayaa ka mid ahayd dalalkii ka qaybgalay shirkii London ee looga hadlayay horumarita Soomaaliya, waxaana shirkaas uu ahaa kii labaad oo Soomaaliya loogu qabto London si loogu ururiyo yabooh dhaqaale oo dalka lagu horumarinayo.

“Dowladda Soomaaliya waxy u baahan tahay taageero caalami ah si ay u dhaliso nabad,” ayuu yiri wasiirka arrimaha dibadda Suudaan oo intaas ku daray in nabadda ay tahay midda keliya ee sababi karta in dalka uu horay uga socda halka uu maanta taagan yahay.

Mudane Cali Karti wuxuu hadalkiisa raaciyay in dowladdiisa Suudaan ay mar walba garab taagan yahay Soomaaliya, isagoo xusay inay Soomaaliya siiso 10,000 oo waxbarasho jaamacadeed oo bilaasha ah si sare loogu qaado aqoonta dadka Soomaaliyeed.

“Waxaan tababarro siinnaa ciidamada booliiska Soomaaliya si ay awood ugu yeeshaan sugidda ammaanka iyo waxbarashada dhinaca caafimaadka ah,” ayuu yiri wasiirka oo sheegay in marnaba aysan joojin doonin kaalmooyinka noocaas oo kale ah.

Dalal fara badan oo kasoo qaybgalay shirkii London ayaa ku yaboohay lacago fara badan oo ay ugu talogaleen dib u dhiska Soomaaliya, iyadoo ay arrintaan si weyn u soo dhaweysay dowladda federaalka Soomaaliya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-05-12 8:49 AM EST
Shirka Soomaaliya wuxuu ka dhacay Lancaster House 7 Maajo 2013, waxaa si wadajir ah u martigeliyay Boqortooyada Ingiriiska iyo Soomaaliya, waxaana ka soo qayb-galay konton-iyo-afar saaxiibada iyo shariikyada Soomaaliya ah.

2013-05-12 8:35 AM EST
Axad, May 12, 2013 (HOL) — Shirkadda diyaaradaha Air Uganda ayaa lagu wadaa inay diyaaradaheedu ku yimaadaan Muqdisho duulimaadyo caalami, iyadoo noqonaysa diyaaraddii labaad oo caalami ah oo magaalada Muqdisho ku timaadda duulimaadyo caalami ah, marka laga reebo Turkish Airlines.

2013-05-12 8:08 AM EST
Axad, May 12, 2013 (HOL) — Sarkaal booliis ah ayaa lagu dilay degmada Mandheera ee gobolka Waqooyi-bari ee dalka Kenya, mid kalena dhaawac ayaa loo geystay; kaddib markii ruux hubeysan uu weerar ku qaaday saldhigga degmadaas oo ku dhow soohdinta ay wadaagaan Soomaaliya iyo Kenya.

2013-05-12 7:45 AM EST
Axad, May 12, 2013 (HOL) — Gaadiidleyda ka shaqeysa deegaannada gobolka Shabeellada Hoose oo maalmahan ka cabanayay isbaarooyin lacago looga qado oo ay sheegeen inay u yaallaan ciidamada dowladda Soomaaliya ayaa maanta xiray jidadka soo gala magaaladaas, taasoo keentay inay kulan la yeesheen ciidamada AMISOM ee ku sugan degmada Afgooye.

2013-05-12 7:24 AM EST
Axad, May 12, 2013 (HOL) — Ciidammo booliis ah oo fara badan ayaa lasoo dhigay waddooyinka waaweyn ee magaalada Muqdisho sida isgoyska KM-4 kuwaasoo kala hagayay gaadiidka, waxaana la sheegay in ciidamadan ay ka mid yihiin ciidammo ay dowladdu u diyaarisay inay sugto ammaanka guud ee caasimadda Soomaaliya.

2013-05-12 6:20 AM EST
Axad, May 12, 2013 (HOL) - Maalin kaddib markii uu xilka la wareegay taliyaha cusub ee booliiska Soonaaliya, Jen. C/karii Daahir Siciid (Saacid) ayuu ballanqaaday inuu adkayn doono amniga dalka, gaar ahaa caasimadda iyo gobollada kale ee ay dowladdu gacanta ku hayso.

2013-05-12 2:16 AM EST
Axad, May 12, 2013 (HOL) — Aqoon is-weydaarsi la xiriira xalinta khilaafaadka iyo kobcinta nabada oo ay ka qayb-qaadanayaan qaar ka mid ah culummada diinta iyo madaxda dhaqanka ayaa lagu qabtay Magaaladda Laascaanood xarunta gobolka Sool.